Photo : ခိုင်နှင်းဝေ FB

Photo : ခိုင်နှင်းဝေ FB

"ဘားအံ နတ်ကျွန်းကျေးရွာမှာသွားလှူခဲ့ပါတယ်။ကျွန်မသွားတော့ ကလေးတွေရောလူကြီးတွေရော ပျော်နေကြတာတွေ့တော့စိတ်ချမ်းသာပြီး အမောကိုပြေသွားတာပဲ..ကျွန်မတို့တွေသွားတော့ သူတို့မှာမရှိရှိတာနဲ့ ဧည့်ခံရှာတယ်။ ရပါတယ် လွတ်လွတ်လပ်လပ်နေပါဆိုတာကိုမရဘူး..ကျွန်မအပြန်ရေလမ်းကနေ သဗ္ဗာန်စီးပြီးပြန်ရမှာကို ဝိုင်းစိတ်ပူနေကြရှာတယ်" ဆိုပြီး သူမရဲ့ ဖေ့စ်ဘွတ်မှာ သြဂုတ်လ(၆) ရက်နေ့ ရေးသား ထား တာတွေ့ရပါတယ်။

Photo : ခိုင်နှင်းဝေ FB

ဘားအံမြို့ နတ်ကျွန်းကျေးရွာမှာလည်း ရေးကြီးနေတဲ့အတွက် သွားရောက်လှူဒါန်းခဲ့သလို ကလေးတွေနဲ့ လူကြီးတွေ ပျော်အောင်လို့လည်း သီချင်းတွေနဲ့ ဖျေ်ာဖြေခဲ့ပါသေးတယ်လို့ သိရပါတယ်။

"ကျွန်မတို့က သီချင်းတွေဆိုပြတော့ ပျော်လို့ဆိုပြီး ကကြတယ်။ဘယ်လိုတွေပဲ စိတ်ဆင်းရဲစရာတွေနဲ့ ဒုက္ခတွေရောက်နေပါစေ ခနလေးအချိန် အတွင်းမှာ စိတ်ခွန်အားတွေ ပြောပေးပြီး သူတို့ ခနလောက်ပျော်ရွှင်ရယ်မောနိုင်စေခဲ့ပါတယ်။ကျွန်မ သူတို့ကြောင့် ကြည်နူးခဲ့ရပါတယ်။(၇)ရက်သားသမီးများရဲ့ အလှူဖြစ်လို့ ကျမဆီမှာ အလှူပူပေါင်းခဲ့သူများနှင့် ချစ်ပရိသတ်များ ဝမ်းသာကြည်နူး သာဓုခေါ်ကြပါရှင်" ဆိုပြီး သူမရဲ့ ဖေ့စ်ဘွတ်မှာ ဆက်လက်ရေးသားထားပါတယ်။

Photo : ခိုင်နှင်းဝေ FB

ရေဘေးသင့် ပြည်သူတွေဆီ ခက်ခက်ခဲခဲသွားပြီး လှူဒါန်းခဲ့တဲ့ ခိုင်နှင်းဝေရဲ့ ပုံရိပ်လေးတွေကိုလည်း ပရိသတ်တွေအတွက် ပြန်လည်ဖော်ပြ ပေးလိုက်တယ်နော်။ ခိုင်နှင်းဝေတို့ ပရဟိတအသင်းဟာ ကရင်ပြည်နယ်ဘက်မှာ ရေကြီးနေတဲ့ ရွာတွေကို တစ်ရွာပြီး တစ်ရွာ သွားလှူနေတာတွေ့ရပါတယ်။

ခိုင်နှင်းဝေဟာ ပရဟိတအလုပ်တွေနဲ့ ပတ်သက်လာရင် စွမ်းစွမ်းတမံဆောင်ရွက်နေသူတစ်ဦးပါ။ United Act ရဲ့ ကလေး သူငယ် လူကုန်ကူးမှု တားဆီးရေးဆိုင်ရာ အထူးသံတမန် ခန့်အပ်ခြင်း ခံရတဲ့ ခိုင်နှင်းဝေက အမျိုးသမီးတွေနဲ့ ကလေးတွေအတွက် အားတက်သရော ပါဝင်ကူညီ ဆောင်ရွက်ပေးနေသူ ဖြစ်ပါတယ်။