Photo: သားညီဖေ့စ်ဘွတ်

'' လွန်ခဲ့တဲ့ 12 နှစ် 10.10.2006, ကောင်လေးတစ်ယောက် နဲ့ ကောင်မလေးတစ်ယောက် ဘဝတစ်ခုကို အတူတူလက်တွဲထူထောင်ဖို့ စာချုပ် တစ်ခုအပေါ်မှာ လက်မှတ်ထိုးခဲ့ကြတယ်။ သူတို့ပျော်ရွှင်ခဲ့ကြတယ်။ သူတို့ရုန်းကန်ခဲ့ကြရတယ်။ အခု သူတို့မှာ ဘာနဲ့မှ အစားထိုးလို့မရတဲ့

ချစ်ခြင်းမေတ္တာရဲ့ လက်ဆောင်ပေါက်စလေးတစ်ကောင် ( အမှန်က ပေါက်စကြီးတစ်ကောင်ပါ ) ပိုင်ဆိုင်နေခဲ့ကြပြီ'' လို့ဆိုပါတယ်။

Photo: သားညီဖေ့စ်ဘွတ်

သားညီ ဟာ အနုပညာရှင်တစ်ယောက်ဖြစ်တဲ့ အတွက် ဇာတ်ကားတွေဆက်တိုက်ရိုက်ကူးနေရတာဖြစ်ပါတယ်။ သူ့ရဲ့ အလုပ်အပေါ် နားလည် မှု အပြည့်အဝပေးတဲ့ ဇနီးဖြစ်သူကိုလည်း အရမ်းချစ်တဲ့အကြောင်းတွေကို ဆက်လက်ပြောပြလာပါသေးတယ်။ အခုဆိုရင်တော့ သူတို့ ဇနီးမောင်နှံမှာ သားလေးတစ်ယောက် ပိုင်ဆိုင်ထားပြီဖြစ်ပါတယ်။

''ဆယ်စုနှစ် နှစ်ခုစာ ချစ်ခြင်းတရားတွေ၊ မေတ္တာတရားတွေ၊ ပေးဆပ်အနစ်နာခံမှုတွေ၊ နားလည်မှုတွေအတွက် ကျေးဇူးပါ မိန်းမရေ။ I love you so much  သားညီ'' ဆိုပြီးတော့ အောက်တိုဘာလ  ၁၀ ရက်နေ့ မနက် ၇ နာရီက သူ့ရဲ့ ဖေ့စ်ဘွတ်စာမျက်နှာပေါ်မှာရေးသားခဲ့ပါတယ်။ အဲ့ဒီနောက် မင်္ဂလာဆောင်တုန်းက အမှတ်တရဓာတ်ပုံလေးကိုလည်း တင်ခဲ့ပါသေးတယ်။

သရုပ်ဆောင်ပြန်လုပ်ရလို့ အရမ်းတွေပျော်နေတဲ့ သားညီ 

Photo: သားညီဖေ့စ်ဘွတ်

ဒါရိုက်တာသားညီဟာ သရုပ်ဆောင်ဒွေး(ခ) ကိုသားကြီးရဲ့ ချစ်လှစွာသော ညီအရင်းတစ်ယောက်ဖြစ်ပါတယ်။ အရင်က သရုပ်ဆောင် အလုပ် တွေ ကိုလည်း အစ်ကိုဖြစ်သူနဲ့အတူ လက်တွဲအလုပ်လုပ်ခဲ့ပါသေးတယ်။ ဒွေးသေဆုံးသွားပြီးတဲ့နောက် သားညီကလည်း အနုပညာလောကနဲ့ အနည်းငယ် ဝေးကွာသွားခဲ့ပါသေးတယ်။

Photo: သားညီဖေ့စ်ဘွတ်

ခုနောက်ပိုင်းမှာတော့ အနုပညာလောကထဲ ပြန်လည်ဝင်ရောက်လာတဲ့ သားညီဟာ ယခင်ကလို သရုပ်ဆောင်ပိုင်းတင်မက ဒါရိုက်တာဘက်ကိုပါ အားကြိုးမာန်တက်နဲ့ကြိုးစားလာတာကိုတွေ့ရပါတယ်။ အခုဆိုရင် ဇာတ်ကားတော်တော်များများကို ဒါရိုက်တာ လုပ်လာပြီဖြစ်ကာ ဒါရိုက်တစ်ယောက်အနေနဲ့ ပရိသတ်တွေကပါ လက်ခံလာကြတာကိုလည်း တွေ့ရပါတယ်။

သားညီအနေနဲ့ သရုပ်ဆောင် ဘဝမှာ ဖန်တီးခွင့်မရတာလေးတွေကို ဒါရိုက်တာ ဘဝမှာ ဖန်တီးခွင့်ရလာတယ်လို့လည်း ယခင်က အင်တာဗျူးတွေမှာ ဖြေဆိုဖူးပါတယ်။