AD
AD
AD

ဘောလုံးကို ချစ်တဲ့ မင်းသွေးအတွက် ရည်စူးပြီး ပြုလုပ်ပေး တဲ့ပွဲဖြစ်သလို အဲ့ဒီပွဲက ရရှိခဲ့တဲ့ အလှူငွေတွေကိုလည်း ဘုရားထီး တင်ဖို့ အတွက်နဲ့ မင်းသွေးရဲ့ မိသားစုကို ပြန်လှူဒါန်းခဲ့ပါတယ်။

play
Photo : ယုန်လေး FB

 

အောက်တိုဘာ (၁၁) ရက်နေ့က မင်းသွေးကို ချစ်ကြသူများ အားလုံး စုပေါင်းပြီး ဘောလုံးပွဲလေးတစ်ပွဲ စီစဉ်ခဲ့ပါတယ်။ Original Gangsters FC နှင့် Actor Star FC တို့မှ ယုန်လေး၊ ဇာနည်တို့ ဦးဆောင်ပြီး သရုပ်ဆောင် အဆိုတော် မင်းသွေးအတွက် အနုပညာရှင်၊ ရုပ်ရှင်ဂီတမှ ညီအစ်ကိုမောင်နှမတွေ နဲ့မင်းသွေးကို ချစ်တဲ့ ဘောလုံးအားကစားအသိုင်းအဝိုင်းက ညီအစ်ကိုတွေ စုပေါင်းပြီး ဝမ်းနည်းခြင်းအထိမ်းအမှတ် ဆုတောင်းပွဲကို အောက်တိုဘာ(၁၁) ရက်နေက ညနေက သုဝဏ္ဏလေ့ကျင့်ရေး ဘောလုံးကွင်းမှာ ပြုလုပ်ခဲ့တာပါ။

 

 

ဘောလုံးကို ချစ်တဲ့ မင်းသွေးအတွက် ရည်စူးပြီး ပြုလုပ်ပေး တဲ့ပွဲဖြစ်သလို အဲ့ဒီပွဲက ရရှိခဲ့တဲ့ အလှူငွေတွေကိုလည်း ဘုရားထီးတင်ဖို့အတွက်နဲ့ မင်းသွေးရဲ့ မိသားစုကို ပြန်လှူဒါန်းမှာ ဖြစ်တယ်လို့ သိရပါတယ်။ အဲ့ဒီအကြောင်းကိုလည်း ယုန်လေးရဲ့ ဖေ့စ်ဘွတ်မှာ ယခုလို ပြောထားတာ တွေ့ရပါတယ်။

"၁၀သိန်ကျပ် အား ကိုအယ်ကြီး ပရဟိတ အသင်းနဲ့ပြည်မြို့နားက ဘုရားထီးတင်ဖို့ မင်းသွေးအားရည်စူးပြီးလှူးဒါန်းခဲ့ပါသည်။ ကျန်ငွေ ၂၅ သိန်းကျပ်ကို မင်းသွေးမိသားစု ထံအပ်ပြီး သင့်တော်တဲ့နေရာ လှူဒါန်းပါမည်။သူ့ကြိုက်တဲ့ ဖိနပ်လေးကိုလည်း သူ့အခန်းထဲမှာ အမှတ်တရ ထားပေးခဲ့ပါသည်" ဆိုပြီး အောက်တိုဘာ(၁၂) ရက်နေ့က ရေးသားထားတာဖြစ်ပါတယ်။

play
Photo : ယုန်လေး FB

ဘောလုံးအားကစားကို ကြိုက်နှစ်သက်သူတွေအားလုံး ဘောလုံးကို ဆက်ပြီး ချစ်ကြဖို့နဲ့ ဆက်ပြီး ရူးသွပ်ကြဖို့ပြောခဲ့သလို ဘောလုံးကစား တာဟာ ကြောက်စရာ Game တစ်ခုမဟုတ်ဘူးဆိုတာကိုလည်း ယုန်လေးက သူ့ရဲ့ အကောင့်မှာ ဆက်လက်ရေးသားခဲ့ပါတယ်။ မင်းသွေး အတွက် စီစဉ်တဲ့ ဘောလုံးပွဲလေးမှာ ပါဝင်ခဲ့သူတွေအားလုံးကိုလည်း ကျေးဇူးတင်ကြောင်း ယုန်လေးက ပြောထားပါသေးတယ်။

play
Photo : ယုန်လေး FB

 

မင်းသွေးအတွက်စီစဉ်တဲ့ ပွဲလေးမှာ မင်းသွေးရဲ့ ကျောနံပါတ်(၇) အင်္ကျီကို အားလုံး ဝတ်ဆင်ထားပြီး ဘောလုံးကစားခဲ့ကြပါသေးတယ်။ သရုပ်ဆောင် ဇာနည်ကလည်း မင်းသွေးသိပ်ကြိုက်တဲ့ နံပါတ်(၇) နေရာကို မင်းသွေးနဲ့အတူ အနားပေးလိုက်ပြီလို့ ပြောထားပါသေးတယ်။ မင်းသွေးရဲ့ နေရာကို နောက်ထပ် ဘယ်သူ့ကိုမှ အစားမထိုးဘူးဆိုတာကိုလည်း ပြောထားတာတွေ့ရပါတယ်။

"#သာချိုလေးရေ..#ACTORSTARFC ကနေ...ညီလေး မင်းသိပ်ကြိုက်တဲ့ နံပါတ် 7 ကို .#ငါတို့အားလုံးသိပ်ချစ် ရတဲ့..ငါ့ရဲ့ ညီ (မင်းသွေး) နဲ့ အတူ...#ရာသက်ပန်အနားပေးလိုက်ပါပြီ.။ဒါမင်းနေရာမှာငါတို့အားလုံးဘယ်သူ့ကိုမှ အစားမထိုးဘူး ဆိုတာကို.ကောင်းရာမွန်ရာဘ၀ကနေ ငါ့ညီလေးသိပြီးကျေနပ်နေမှာ အကိုသိပါတယ်." ဆိုပြီး အောက်တိုဘာ (၁၁) ရက်နေ့က ပြောထားပါတယ်။

play
Photo : ယုန်လေး FB

မင်းသွေးအတွက် အဖွဲ့ဝင်တွေအားလုံး စိတ်မကောင်းဖြစ်နေကြလို့နေကြပါတယ်။ ဘယ်သူကမှ မင်းသွေးဆုံးသွားပြီဆိုတာကို လက်မခံနိုင် ကြသေးပါဘူး။

မင်းသွေးဟာ အောက်တိုဘာ(၃) ရက်နေ့ ည(၁၁း၂၀)က ပါရမီဆေးရုံမှာ ကွယ်လွန်ခဲ့တာ ဖြစ်ပါတယ်။မင်းသွေးဟာသူချင်းတွေနဲ့အတူ ဘောလုံးကန်ရင်းကနေ မောလို့ ခဏနားပြီး ရေသောက်လိုက်တဲ့အချိန် ရုတ်တရက် လဲကျသွားရာက အရေးပေါ်သို့ ပို့လိုက်ရာက သတိပြန် မလည်လာတော့တာ ဖြစ်ပါတယ်။ မင်းသွေးရဲ့ ရုပ်အလောင်းကို အောက်တိုဘာ(၇) ရက်နေ့ မနက်ပိုင်းကရေဝေးသုဿန်မှာ မီးသဂြိုလ်ခဲ့ပြီး အရိုးပြာကို ဂူသွင်းထားတာလည်း ဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD