သားလေးက (၁၂)နှစ်ပြည့်သွားပြီတဲ့။

စိုးမြတ်နန္ဒာအနေနဲ့ သားလေး မြတ်သောမောင်ကို (၁)နှစ်ကျော်အရွယ်ကတည်းက Broken Family မှာ ကြီးပြင်းစေခဲ့ပေ မယ့်လည်း ဖခင်နဲ့ ပတ်သက်ပြီး သားကို ပြောပြထားတဲ့ သူမရဲ့စကားလေးက မှတ်သားဖို့ ကောင်းပါတယ်။



Photo : စိုးမြတ်နန္ဒာ FB

 

ဒီနေ့(အောက်တိုဘာ ၂၉ရက်)က သရုပ်ဆောင် စိုးမြတ်နန္ဒာရဲ့ တစ်ဦးတည်းသော သားလေး မြတ်သောမောင်ရဲ့ မွေးနေ့လေးပါ။ အသက်(၁၂)နှစ်ပြည့်သွားပြီဖြစ်တဲ့ သားလေးအတွက် စိုးမြတ်နန္ဒာက သူ့ရဲ့ ဖေ့စ်ဘွတ်ပေ့ချ်ကနေ မွေးနေ့ဆုတောင်းစကားလေး ပြောပေးထားတာ တွေ့ရပါတယ်။

သားလေးအတွက် မွေးနေ့ဆုတောင်းစကားလေး ပြောရင်းနဲ့ သားလေး လူ့လောကထဲကို ရောက်တဲ့အချိန်ကနေစပြီး သားအတွက် သူမခံစားရ တဲ့ ခံစားချက်လေးကိုလည်း ပြောပြထားတာတွေ့ရပါတယ်။

Photo : စိုးမြတ်နန္ဒာ FB

 

"လွန်ခဲ့တဲ့ ၁၂ နှစ်က ဗိုက်ထဲမယ် ခြေထောက်တစ်ချောင်းနဲ့ အမြဲ ကန်တတ်တဲ့ လူလေး တစ်ယောက်ကို လူ့လောကထဲ ခွဲထုတ်ခဲ့တယ်။ ကိုယ် ဝန် ရှိတဲ့ အချိန်ကစလို့ မွေးဖွားပေးခဲ့တဲ့ ကျေးဇူးရှိသူကတော့ မမ မေသူမျိုးညွန့် .ကလေး ကိုစတွေ့တဲ့အချိန်မှာ သူများတွေလို ဝမ်းနည်းတာ ဝမ်းသာတာ ခြေစုံလက်စုံရှိလား ဘာညာ မမေးခဲ့ဘူး . အစထဲက ခြေစုံလက်စုံရှိတာ ultrasound ထဲကသိနေနှင့်ခဲ့တယ်လေ။ အိပ်ဆေး နဲ့ ရီဝေဝေ ကြားက ဓာတ်ပုံတွေအရိုက်ခံခဲ့ရတယ်.. ဖီလင် ကတော့ ငါကလေးတစ်ယောက်ရပြီဆိုတဲ့ အံ့သြတဲ့ စိတ်ကလေးပေါ့ သဘာဝအတိုင်း မနာမကျင်မွေးခဲ့ရလို့နေမယ် ကလေးမွေးတာ သိပ်ခက်ခဲတယ်လို့ မထင်ခဲ့ဘူး ။မိဘမေတ္တာကို နားလည်သွားပြီ ဆိုတဲ့ စိတ်မျိုးတော့ အဲ့ဒီ အချိန်မှာ တကယ်မဝင်သေးတာအမှန် သားသား အသားဝါတယ် ဆိုတဲ့အချိန် သွေးဖောက်တော့မှ ကလေးကိုအပ်နဲ့ထိုးတာ မကြိုက်တာက ပထမဆုံး သားသားအပေါ်ထားတဲ့ မေတ္တာလား ကိုယ့်အတ္တလား မသဲကွဲဘူးရယ်" ဆိုပြီး သူမရဲ့ ဖေ့စ်ဘွတ်ပေ့ချ်လေးမှာ အောက်တိုဘာ(၂၉) ရက်နေ့က ပြောထားတာပါ။

Photo : စိုးမြတ်နန္ဒာ FB

 

ဒီလိုနဲ့ သားပေါ်မှာ တဖြည်းဖြည်းနဲ့ သံယောဇဉ်ဖြစ်လာတယ်လို့ပြောရင် ပိုမှန်ပါလိမ့်မယ်တဲ့။ သားလေး ကြီးလာတာနဲ့အမျှ သူမငယ်ငယ်က မကြိုက်တာမှန်သမျှကို သားလေးကို မလုပ်ပေးခဲ့သလို အကောင်းဆုံး ဆိုတာကိုပဲ သားအတွက် လုပ်ပေးခဲ့ပါတယ်တဲ့။ သားအတွက် အသေး စိတ်လေးတွေက အစ ဂရုစိုက်ပေမယ့် သားလေးကိုတော့ အလိုမလိုက်ဘူးလို့ ပြောပြထားပါသေးတယ်။

"အဲ့လို အသေးစိတ်လေးတွေ ကအစ ဂရုစိုက်ခဲ့ပေမဲ့ အလိုမလိုက်တော့ ဒီကမ္ဘာမှာ မြတ်သောမောင် အကြောက်ဆုံး က သူ့ အမေ ပါပဲ ။သူ့ဆန္ဒ တွေ ဖြည့်ပေးတဲ့ အမေ ဆိုပေမဲ့ စည်းနဲ့ကမ်းနဲ့ နေရမယ်ဆိုတာ သူသိတယ် ။( ဒါတောင် ခုထိ စည်းကမ်းက ကျွန်မ ကွယ်ရာဆို မရှိချင် သေး ဘူး) "  ဆိုပြီး ဆက်လက်ပြောပြထားပါတယ်။

Photo : စိုးမြတ်နန္ဒာ FB

 

သူမအနေနဲ့ သားလေး မြတ်သောမောင်ကို (၁)နှစ်ကျော်အရွယ်ကတည်းက Broken Family မှာ ကြီးပြင်းစေခဲ့ပေမယ့်လည်း ဖခင်နဲ့ ပတ်သက်ပြီး သားဖြစ်သူကို ပြောပြထားတဲ့ စကားလေးက မှတ်သားဖို့ ကောင်းပါတယ်။

"ကျွန်မ က မြတ်သောမောင် ကို သူ ၁ နှစ်ကျော်ထဲက Broken Family မှာ ကြီးပြင်းစေခဲ့ပေမဲ့ ကျွန်မ နဲ့ သူ့အဖေ အဆင်မပြေတာဟာ သူ နဲ့ အဆင်မပြေတာမဟုတ်ဘူး ဆိုတာ နားလည်အောင်ရိုက်သွင်းပေးခဲ့တယ် ... သူ့ အဖေ ဟာ သူ့အတွက် Hero ဖြစ်နေတာဟာ သူ့စိတ်ကို လုံခြုံစေ တယ်လို့ပဲ ကျွန်မ က ယူဆ တယ်" ဆိုပြီး ပြောပြထားတာပါ။

Photo : စိုးမြတ်နန္ဒာ FB

ဇာတ်ကားပြန်ရိုက်မယ့် စိုးသူအတွက် အားပေးစကားပြောလာတဲ့ စိုးမြတ်နန္ဒာ 

မြတ်သောမောင်ဟော မိခင်နဲ့ ဖခင်က အနုပညာသမားဖြစ်တာကို ဂုဏ်ယူတတ်တဲ့ ကလေးတစ်ယောက်လည်း ဖြစ်တယ်တဲ့။ မိခင်တွေ အဒေါ်တွေ အနုပညာသမားဖြစ်တာကို ဂုဏ်ယူတတ်ပေမယ့် သူကိုယ်တိုင်အနုပညာကို ဝါသနာမပါဘူးလို့ စိုးမြတ်နန္ဒာက ဆိုပါတယ်။ သားလေးက IT နဲ့ ပတ်သက်ပြီး စိတ်ဝင်စားပြီး ကြီးလာရင် Game တွေထုတ်ဖို့၊ Software တွေရေးဖို့ကိုပဲ အားသန်တဲ့ ကလေးလေး ဖြစ်တယ်လို့ ဆိုပါတယ်။

"ကျွန်မ သား ဟာ ကျွန်မ ရဲ့ အစိတ်အပိုင်း တစ်ခုဖြစ်တဲ့အတွက် ပညာရေးမှာဆိုလဲ ကျွန်မ တတ်နိုင်တာထက်ပိုပြီး ပံ့ပိုးပေးခဲ့တယ်။ကျွန်မ ရှာလို့ရတဲ့ ငွေ နဲ့ တန်တဲ့ကျောင်းမှာထားမယ်ဆိုတာထက် သူ့ကိုထားချင်တဲ့ ကျောင်းရဲ့ လခ ကို ကျွန်မရအောင်စုခဲ့တယ် ။ဒီလိုဘာလို့ ထားခဲ့လဲဆိုတော့ ကျွန်မ သူ့ကို ပညာရေးနဲ့ပဲ စိတ်ချချင်တယ် .. ပညာတတ်ရင်အလုပ်မရှားဘူးလို့ ကျွန်မ ထင်တယ်.။အချိန်တန် သူတို့ တက္ကသိုလ်တက်ရင် သူတို့အလုပ်တစ်ဖက် လုပ်ရမယ် , မိဘတွေက သူေဋ္ဌးမဟုတ်ဘူးဆိုတာလဲ ပြောပြထားရတယ်။မြတ်သောမောင် က အကောင်းကြိုက်တတ်တယ်.. အပေါင်းအသင်းလဲ တအားခင်တတ်တယ်.. တစ်ခုကောင်းတာက ကျွန်မလို အစွဲအလမ်းမရှိတတ်တာပဲ .. ကျွန်မ ကတော့ အဲ့ဒီလိုပဲကြိုက်တယ်.. ကျောင်းသွားတက်လို့ အိမ်ကိုလွမ်းနေတာမျိုး , အမေ နဲ့ ခွဲရလို့တို့ ဘာတို့ ရှိမှာသာကြောက်တာ" လို့ သူမက ပြောပါတယ်။

Photo : စိုးမြတ်နန္ဒာ FB

 

အခုဆိုရင် သားလေးရဲ့ အသက်(၁၂)နှစ်ပြည့် မွေးနေ့လေးမှာ သားလေး စားချင်တာလုပ်ချင်တာလေးတွေကို လုပ်ခွင့်ပေးထားတယ်တဲ့။ စိုးမြတ်နန္ဒာ သားလေးရဲ့ မွေးနေ့မှာ သားလေးအကြောင်းလေးတွေ ပြောရင်းနဲ့ ကြုံတွေ့ရမယ့် ဘဝရဲ့ လောကဓံ(၈)ပါးကို ခံနိုင်ရည်ရှိတဲ့ သားဖြစ်ပါစေဆိုပြီး မွေးနေ့ဆုတောင်းစကားလေး ပြောခဲ့ပါသေးတယ်။

စိုးမြတ်နန္ဒာက လက်ရှိမှာ အနုပညာအလုပ်တွေ သိပ်မလုပ်ဖြစ်တော့ပေမယ့်လည်း ပွဲတွေ တော်တော်များများ တက်ရောက်ဖြစ် နေတာကို တွေ့ရပါတယ်။

Photo : စိုးမြတ်နန္ဒာ FB

 

ဒါဒါလို့ သူ့ကိုယ်ကို ပြောတတ်သူ တစ်ယောက်ဖြစ်ပြီး ပရိသတ်တွေရဲ့ အားပေးမှုကို ရရှိခဲ့သူ တစ်ယောက်ပါ။ ယခုလက်ရှိမှာတော့ သားဖြစ်သူရဲ့ ဝေယျာဝစ္စတွေကို လုပ်ပေးရင်း မိခင်တစ်ယောက်ရဲ့ တာဝန်ကို ထမ်းဆောင်လျက်ရှိပါတယ်။ သူမဟာ အနုပညာအလုပ်တွေ သိပ်မလုပ်ဖြစ်တော့ပဲ စီးပွားရေးဘက်ကို ဦးစားပေးလုပ်ဖြစ်နေသူလည်း ဖြစ်ပါတယ်။


ဆက်စပ်အကြောင်းအရာများ

Share

Loading Next Article...
က္က