သားညီကတော့ ရုပ်ရှင်ဇာတ်ကားကောင်းတွေကို ရုံပြိုင်စနစ်နဲ့ ပြသလျှက်ရှိတာကြောင့် ဇာတ်ကားကောင်းတွေ မအောင်မြင် မှာကို စိုးရိမ် တယ် လို့ပြောပါတယ်။ မကြာခင်မှာလည်း သူကိုယ်တိုင်ပါဝင်သရုပ်ဆောင်ထားတဲ့ ဇာတ်ကားနဲ့ ကိုယ်တိုင် ဒါရိုက်တာ လုပ်ပြီး ရိုက်ကူးထားတဲ့ ဇာတ်ကားက အပြိုင်ပြသရမှာဖြစ်လို့ စိတ်လှုပ်ရှားနေတာကို တွေ့ရပါတယ်။
Photo: သားညီဖေ့စ်ဘွတ်
သရုပ်ဆောင် ဒါရိုက်တာ သားညီဟာ နိုဝင်ဘာလ ၉ ရက်နေ့မှာ ရုံတင်ပြသသွားမယ့် '' အမုန်းတွေ ခေါက်ထားလိုက်'' ရုပ်ရှင်ဇာတ်ကားကြီးကို ဒါရိုက်တာအဖြစ် ကိုယ်တိုင်ရိုက်ကူးခဲ့တာဖြစ်ပြီး နောက်ထပ်ရုံတင်ပြသမယ့် '' မီ'' ရုပ်ရှင်ဇာတ်ကားမှာတော့ သရုပ်ဆောင်အနေနဲ့ ပါဝင်ထား တယ်လို့ သိရပါတယ်။ ဇာတ်ကား နှစ်ကားစလုံးကတော့ ရုံပြိုင်စနစ်အရ စိတ်လှုပ်ရှားရတဲ့အကြောင်း ရင်ဖွင့်ပြောပြလာပါတယ်။
'' November 9 ရက်နေ့မှာ အမုန်းတွေ ခေါက်ထားလိုက် နဲ့ မီ ရုံအပြိုင်တင်ရမယ်။ တစ်ကားက ဒါရိုက်တာ တစ်ကား က သရုပ်ဆောင် နှစ် ကားစလုံးကို အောင်မြင်စေချင်တယ်။ အနုပညာအရာ ရော ငွေရေးကြေးရေးအရပါ အောင်မြင်စေချင်တယ်။ မှန်သောစကားပါ။ အဲ့ကားတွေ ပြီးရင် မုန်းစွဲ နဲ့ ကြတ်ဂူ အပြိုင်တင်ကြဦးမယ် နှစ်ကားစလုံးကလည်းကားကောင်းတွေ'' လို့ ဆိုပါတယ်။
Photo: သားညီဖေ့စ်ဘွတ်
အဲ့ဒီနောက် ဒီဇင်ဘာလ ၁၄ ရက်နေ့မှာလည်း ရုံပြိုင်စနစ်တွေကြားကမှ အပြိုင်ပြသသွားမယ့် အချစ်ရဆုံး သူငယ်ချင်းဖြစ်သူ မင်းသွေးရဲ့ '' သတ်ကွင်း'' ရုပ်ရှင်ဇာတ်ကားနဲ့ ဆရာဖြစ်သူ ဒါရိုက်တာ မီးပွားရိုက်ကူးတဲ့ ''ရန်သူ'' ရုပ်ရှင်ဇာတ်ကားကြီးအပေါ်မှာလည်း စိုးရိမ်လျှက် ရှိတယ်လို့ သိရပါတယ်။
''ကိုမင်းသွေး အရမ်းမျှော်လင့်ထားခဲ့တဲ့ သတ်ကွင်း နဲ့ ရန်သူ ရုံအပြိုင် တင်ကြရဦးမယ်။ သတ်ကွင်း က ကျွန်တော်တို့ အားလုံးရဲ့အမှတ်တရ အများကြီးနဲ့ဇာတ်ကား ပြန်ကြည့်တိုင်း ငိုနေရတဲ့ဇာတ်ကား သိပ်အများကြီးမမျှော်လင့်ရဲပေမယ့် ကိုမင်းသွေး အတွက် မှတ်တိုင် လေး တစ်ခု ဖြစ်စေချင်တဲ့ ဇာတ်ကား၊ ရန်သူ က ဆရာအရင်း ဦးမီးပွားရိုက်တဲ့ ကျွန်တော့ကျေးဇူးရှင် ကိုကြီးကျော်လင်းထွန်းတို့ ရွှေစင်ဦးထုတ်လုပ်ရေးက ရိုက်တဲ့ ညီလေးတစ်ယောက်လို ချစ်ရတဲ့ နိုင်နိုင်လို့ခေါ်တဲ့ နေမင်းရဲ့ ဇာတ်ကား'' ဖြစ်တယ်လို့ နိုဝင်ဘာလ ၇ ရက်နေ့ည ၈ နာရီကျော်က သူ့ရဲ့ ဖေ့စ်ဘွတ်မှာရေးသားခဲ့တာပါ။
Photo: သားညီဖေ့စ်ဘွတ်
မီ ရုပ်ရှင်ဇာတ်ကားအတွက် ဂုဏ်ပြုစကားပြောလိုက်တဲ့ ဇဏ်ခီ
ဇာတ်ကားကောင်းများစွာက ရုံပြိုင်စနစ်အရ အပြိုင်အဆိုင်တင်ရတာဖြစ်တဲ့အတွက် စိုးရိမ်စိတ်ရှိတယ်လို့ သားညီက ဆက်လက်ပြောပြ လာပါတယ်။ အားပေးကြည့်ရှုကြမယ့် ပရိသတ်တွေကလည်း အားပေးမယ့် အင်အားလျှော့သွားမှာကိုလည်း စိုးရိမ်မိတဲ့အကြောင်း ပြောပြထားပါတယ်။
''ဘယ်သူ့ကိုမှမနစ်နာ မထိခိုက်စေချင်ဘူးဗျာ။ ထိပ်တိုက်တွေ့ကြပြီဆိုကတည်းက အနည်းနဲ့အများတော့ ထိခိုက်နစ်နာမှုလေး တွေရှိလာ နိုင်မှာပဲလေ။ တစ်လရှစ်ကားလောက်တင်နေတော့ ပရိတ်သတ်တွေ ခြေကုန်လက်ပန်းကျသွားမှာလည်း စိုးရိမ်မိတယ်။ ကျွန်တော် ဒီလောက ကို ချစ်တယ်။ ကျွန်တော့အနုပညာညီအစ်ကိုမောင်နှမတွေကို ချစ်တယ် အခုလိုမျိုးထိပ်တိုက်တွေ့တာများလာရင် အကုန်လုံး အထိ နာကုန် မှာလည်းစိုးရိမ်တယ်ဗျာ။ တတ်ကျွမ်းနားလည်သူများအဖြေရှာကုစားပေးကြပါဦး ။ သားညီ'' လို့ ဆက်လက်ပြောပြလာပါတယ်။
Photo: သားညီဖေ့စ်ဘွတ်
သားညီဟာ ယခင်ကလို သရုပ်ဆောင်ပိုင်းတင်မက ဒါရိုက်တာဘက် ကိုပါ အားကြိုးမာန်တက်နဲ့ကြိုးစားလာတာကိုတွေ့ရပါတယ်။ အခုဆိုရင် ဇာတ်ကားတော်တော်များများကို ဒါရိုက်တာ လုပ်လာပြီဖြစ်ကာ ဒါရိုက် တစ်ယောက်အနေနဲ့ ပရိသတ်တွေကပါ လက်ခံလာကြတာကိုလည်း တွေ့ရပါတယ်။