AD
AD
AD

ခင်သဇင်က အရေးပေါ်ဆေးကုသမှုခံယူနေရတဲ့ ဟာသသရုပ်ဆောင် ကစ်ကစ်ရဲ့ အသက်ကို ကယ်တင်ဖို့ ဆုံးဖြတ်ချက်ချ ထားတယ်လို့ဆိုပါတယ်။ လက်ရှိမှာလည်း သူကိုယ်တိုင် ပြုစုစောင့်ရှောက်ပေးနေတာကို တွေ့ရပါတယ်။

play
Photo: ခင်သဇင်ဖေ့စ်ဘွတ်

 

သရုပ်ဆောင် ခင်သဇင်က ကျောက်ကပ်ဝေဒနာခံစားနေရတဲ့ ဟာသသရုပ်ဆောင် ကစ်ကစ်အတွက် နှစ်ပတ်တစ်ကြိမ် ကျောက်ကပ်ဆေးပေး နေတယ်လို့ သိရပါတယ်။ သူကိုယ်တိုင်လည်း ကိုယ်ဖိ ရင်ဖိ ပြုစုပေးနေတာကြောင့် ကျောက်ကပ် ခွဲစိတ်ဖို့အတွက် အလှူရှင် ရှာမယ်လို့ Duwun Media ရဲ့ သီးသန့်အင်တာဗျူးမှာ ဖြေဆိုခဲ့ပါတယ်။

'' မကစ်ရဲ့ ရောဂါကို တစ်ခါတည်းပဲ အစားထိုးကုသလိုက်တော့မယ်လို့ သဇင် စဉ်းစားထားတယ်။ အလှူရှင်က ဘီသွေး ဖြစ်ဖို့လိုပါတယ်။ အသက် ၂၅ ကနေ ၄၀ ကြား အမျိုးသမီးကို ဦးစားပေးပါမယ်။ ဘာရောဂါအခံမှ မရှိရပါဘူး။ ဘီပိုး၊ စီပိုးလည်း မရှိရပါဘူး သေချာတယ်ဆိုရင် တော့ Khin Thazin ဆိုတဲ့ ဖေ့စ်ဘွတ်အကောင့်ကနေ ဆက်သွယ်ပေးပါ'' လို့ ဆိုပါတယ်။

play
Photo: ခင်သဇင်ဖေ့စ်ဘွတ်

 

ခင်သဇင်ဟာ အနုပညာအလုပ်တွေလည်း ဆောင်ရွက်နေသူဖြစ်ပါတယ်။ လက်ရှိမှာ ရုပ်ရှင်ဇာတ်ကားကြီးရိုက်ကူးနေတာဖြစ်တဲ့အတွက် ဇာတ်ကားရိုက်ပြီးတဲ့ အချိန်မှာ ကစ်ကစ်ကို ပြုစုပေးနေတယ်လို့ သိရပါတယ်။ ကစ်ကစ်ရဲ့ အသက်ကိုလည်း ရအောင်ကယ်တင်မယ်လို့ သူက ဆိုပါတယ်။

'' သဇင် ကူညီမယ်လို့ ဆုံးဖြတ်ပြီးသား ဖြစ်တဲ့အတွက်ကြောင့် သဇင့်ဆုံးဖြတ်ချက်ကို သဇင်မပြင်နိုင်ပါဘူး။ အဲ့ဒီအတွက် ဘယ်လိုပဲ ဖြစ်နေ၊ ဖြစ်နေ မကစ်ရဲ့ အသက်ကို ရအောင်ကယ်သွားမယ်လို့ သဇင်ဆုံးဖြတ်ပြီးသားပါ။ ဒါကြောင့်လည်း စိတ်ရော ကိုယ်ပါ နှစ်ပြီးတော့ လုပ်ပေးနေ တာဖြစ်ပါတယ်'' ဆက်လက်ပြောပြလာပါတယ်။

 

play
Photo: ခင်သဇင်ဖေ့စ်ဘွတ်

 

လက်ရှိမှာ ကစ်ကစ်က ကျောက်ကပ်ဝေဒနာအပြင်၊ ဆီးချိုရောဂါ၊ နှလုံးရောဂါတို့ကို ခံစားနေရသူဖြစ်ပါတယ်။ အဲ့ဒီနောက်မှာတော့ မျက်စိပါ မမြင်တော့ဘူးလို့ ခင်သဇင်က ဆက်လက်ပြောပြထားပါသေးတယ်။

'' ပထမဆုံးနေ့မှာတင် မကစ်က အမောဖောက်နေပြီး မျက်ဖြူလန်နေပြီ တကယ့်ကို အရေးပေါ်မှာတင်ထားရတာပေါ့နော်။ အခုလည်း အရေး ပေါ် အခြေအနေမှာရှိပါတယ်။ အခုဆို မကစ်ရဲ့ မျက်လုံးက ဘာမှ မမြင်ရတော့ဘူး။ အစ်မ ဆေးရုံရောက်သွားတဲ့အချိန်မှာ မကစ်က ပြောရှာ တယ် ညီမလေး အစ်မ ဘာမှ မမြင်ရတော့ဘူးတဲ့ဆိုတော့ စိတ်ဓာတ်မကျနဲ့ မကစ် ဒီကျောက်ကပ် အစားထိုးပြီးသွားရင် မျက်လုံးကို ထပ်ကု ကြမယ်လို့ သဇင်အားပေး စကားပြောထားတယ်'' လို့ ဆိုပါတယ်။

play
Photo: ခင်သဇင်ဖေ့စ်ဘွတ်

 

ခင်သဇင်ဟာ ကာလာစုံ Lesson ဆိုတဲ့ ရုပ်ရှင်ဇာတ်ကားကြီးနဲ့ ပရိသတ်အရှေ့ကို ပြန်လည်ရောက်ရှိလာတာဖြစ်ပါတယ်။ အဲ့ဒီနောက် တီဗီကြော်ငြာတွေ၊ ရုပ်သံဇာတ်လမ်းတွဲတွေ ရိုက်ကူးထားတာ တွေ့ရပါတယ်။ အခုလက်ရှိမှာလည်း ရုပ်ရှင်ဇာတ်ကားကြီးတွေ ဆက်တိုက် ရိုက်ကူးနေရတာဖြစ်ပြီး '' မိန်းမကြမ်းကြီးများ'' ရုပ်ရှင်ဇာတ်ကားမှာလည်း ပါဝင်ဦးမယ်လို့ သိရပါတယ်။

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD