လင်းလင်းတစ်ယောက် အဆိုတော်မဖြစ်ခင်ကတည်းက အားပေးခဲ့ရတဲ့ စည်သူလွင်ရဲ့ One Man Show ကို အားပေးဖို့ အသင့် ဖြစ်လို့နေပါပြီ။ စည်သူလွင်ကို အားပေးခဲ့ရပုံတွေကိုလည်း အမှတ်တရ ပြောပြထားပါတယ်။
Photo: လင်းလင်းဖေ့စ်ဘွတ်
အဆိုတော် လင်းလင်းကတော့ ငယ်ငယ်ကတည်းက လေးစားခဲ့ရတဲ့ အဆိုတော် တစ်ဦးဖြစ်တဲ့ စည်သူလွင် ကို အားပေးဖြစ်ခဲ့ ပုံတွေပြောပြ လာပါတယ်။ အားကျ အတုယူရတဲ့ အဆိုတော်ကြီးတွေမှာ စည်သူလွင်လည်း မပါမဖြစ်ပါဘူး ဆိုတဲ့ အကြောင်းကို ပြောပြထားတာ တွေ့ရပါတယ်။
'' စည်သူလွင် ကျွန်တော်ကတော့ အန်ကယ်စည်သူ လို့ခေါ်တယ်။ ရွေ့လျားနေတဲ့ ခေတ်ရဲ့တောင်းဆိုမှုကြောင့် ကျွန်တော်တို့ ပေါ်ပေါက် လာတယ်။ ကျွန်တော်တို့ပေါ်ပေါက်လာရခြင်းမှာလဲ စစ်မှန်တဲ့ ဂီတသမားကောင်းကြီးများစွာကို အားကျအတုယူခဲ့တာကိုး။ အဲဒီ ဂုရုကြီး တွေထဲမှာလဲ ဒီလူကြီးကမပါမဖြစ်ပေါ့'' လို့ ဆိုပါတယ်။
Photo: လင်းလင်းဖေ့စ်ဘွတ်
လင်းလင်းဟာ အဆိုတော် တစ်ယောက်မဖြစ်ခင်ကတည်းက စည်သူလွင်ရဲ့ သီချင်းတွေကို အားပေးခဲ့သူပါလို့ ဆိုပါတယ်။ နိုဝင်ဘာလ ၁၀ ရက်နေ့မှာ ကျင်းပပြုလုပ်မယ့် စည်သူလွင်ရဲ့ One Man Show ကိုလည်း ဇနီးဖြစ်သူ ချစ်သုဝေနဲ့ နှစ်ယောက်တည်း သွားကဲမယ် ဆိုတာကို နိုဝင်ဘာလ ၉ ရက်နေ့ နေ့လည် ၁၂ နာရီ ၅၅ မိနစ်က သူ့ရဲ့ ဖေ့စ်ဘွတ်မှာရေးသားခဲ့တာဖြစ်ပါတယ်။
''သီချင်းသုံးလေးပုဒ်ဆို အသံတွေဝင် ပရိသတ်ထဲမိုက်ထိုးပေးတဲ့ ကောင်တွေမြင်ရင် စင်ပေါ်တက်ပြီး ငယ်ထိပ်ကိုဖနောက်နဲ့ ကန်ချင်တဲ့ စိတ်တွေပေါ်တာကလဲ ဒီလိုလူကြီးတွေကို ကိုယ်က ကြိုက်ခဲ့မိတာကိုး။ အန်ကယ်စည်သူရဲ့ရှိုးပွဲ လက်မှတ်ဝယ်မယ်။ ခေတ်နဲ့သစ်မပါ ပျော်စရာ အစီအစဉ်အဖြစ် အမွှာမေမေနဲ့ နှစ်ယောက်ထဲသွားကဲမယ်ဟေ့'' လို့ ဆက်လက်ပြောပြထားပါတယ်။
Photo: လင်းလင်းဖေ့စ်ဘွတ်
ချစ်သုဝေ ဆိုးတဲ့အချက်က ကိုယ်သဘောကျတဲ့အချက်တွေပါဆိုတဲ့ လင်းလင်း
အဆိုတော် လင်းလင်းရဲ့ (၅)ခွေမြောက် တစ်ကိုယ်တော်အခွေကို မကြာခင် ပရိသတ်တွေလက်ထဲ အ ရောက်ပို့ပေးနိုင်တော့မှာလို့ ဆိုပါတယ်။သူကိုယ်တိုင် ဦးဆောင်ပြီး ဂီတအတွက် အားစိုက်ထုတ်ထားတဲ့ လင်းလင်းရဲ့ တစ်ကိုယ်တေ်ာအခွေကို "ပထမ"လို့ နာမည်ပေးထားတယ်လို့ ဆိုပါတယ်။
Photo: လင်းလင်းဖေ့စ်ဘွတ်
လင်းလင်းဟာ ဂီတလောကမှာ တစ်ကိုယ်တော်ပွဲတွေနဲ့ အောင်မြင်မှု ရရှိထားသူ တစ်ယောက်လည်း ဖြစ်ပါတယ်။ လင်းလင်း ကတော့ အဆိုတော်ချစ်သုဝေရဲ့ ခင်ပွန်း၊ ပရိသတ်တွေရဲ့ အချစ်တွေအများကြီး ကိုပိုင်ဆိုင် ထားတဲ့ မေမြန်မာခေတ် နဲ့ မေမြန်မာ သစ် တို့ရဲ့ ဖေဖေ ဖြစ်ပါတယ်။