International Celebrity: ကျောင်းပြန်တက်တော့မယ့် အဒဲလ်

ကျောင်းတက်ဖို့အတွက် ဂီတလောကကနေ ခဏနားဦးမယ်လို့ ဆိုပါတယ်။

play

 

အသက် ၂၉ နှစ်အရွယ် အဆိုတေ် အဒဲလ်ဟာ သူမရဲ့ ပထမဆုံး သီချင်းခွေ ထုတ်ဖို့အတွက် စာချုပ်ချုပ်ရချိန်မှာ လက်လွှတ်ခဲ့ရတဲ့ ပညာရေးကို ပြန်လည်သင်ယူဖို့ အစီအစဉ်ရှိတယ်လို့ ဖွင့်ဟခဲ့ပါတယ်။

လန်ဒန်မှာ မွေးဖွားတဲ့ အဒဲလ်ဟာ အသက် ၁၄ နှစ်အရွယ်မှာ BRIT သုခုမအနုပညာကျောင်းတက်ခဲ့သူဖြစ်ပါတယ်။

"ကျွန်မ တက္ကသိုလ်အရမ်းတက်ချင်တာ။ ဒါဟာ မဖြစ်နိုင်သလို ထင်ရမယ်ဆိုတာ သိပါတယ်။ ဒါပေမဲ့ ကျောင်းတက်ဖိုပဆိုတာ ကျွန်မ လုပ်မယ့် အစီအစဉ်တစ်ခုပါ" လို့ သူမက ဆိုပါတယ်။

play

 

"အင်္ဂလန်က လစ်ဗာပူးမှာ တက္ကသိုလ်တက်ဖို့လုပ်နေတုန်း သီချင်းခွေ ထုတ်ဖို့ ကမ်းလှမ်းခံရတယ်။ အဲဒီတော့ ကျွန်မ ဘာလုပ်ရမလဲပေါ့။ု ကျွန်မ သီချင်းခွေထုတ်ဖို့ကို ရွေးချယ်လိုက်ပါတယ်။ အဲဒီအတွက် လုံးဝနောင်တမရပါဘူး" လို့ အဒဲလ်က ပြောပြခဲ့ပါတယ်။

သူမရဲ့အိပ်မက်ကတော့ နာမည်ကြီး မန်ဆက်ချူးဆက်က Harvard တက္ကသိုလ်ကို တက်ရဖို့ ဖြစ်ပါတယ်။ အဲဒီကျောင်းမှာ နာမည်ကျော် ဟောလိဝုဒ်မင်းသမီး နာတာလီပေါ့တ်မန်း၊ ဖေ့စ်ဘွတ်တည်ထောင်သူ မက်ခ်ဇူးကားဘာ့ဂ်နဲ့ မိုက်ခရိုဆော့ဖ်တည်ထောင်သူ ဘီဂိတ်တို့ တက်ခဲ့ကြပါတယ်။

ဒါပေမဲ့ အဒဲလက်တော့ သူမဟာ အဲဒီကျောင်းကို ဝင်ခွင့်ရလောက်အောင် သူမကိုယ်သူမ ထက်မြက်တယ်လို့ မထင်ဘူးလို့ ဝန်ခံခဲ့ပါတယ်။

play

 

"ကျွန်မ ဟားဗတ်ကို လျှောက်ကြည့်ချင်တယ်။ ဒါပေမဲ့ ကျွန်မက ဟားဗတ်တက္ကသိုလ်တက်နိုင်လောက်အောင် တော်တယ်လို့ လူတွေ ထင်မသွားစေချင်ဘူး။ တီရှပ်တစ်ထည်ဝယ်မလားလို့။ အဲဒါမှ ဟားဗတ်တီရှပ်ဝတ်ပြီး အိပ်လို့ရမှာလေ။ အဲဒီကျောင်းမှာ တက်ခွင့်ရမယ်ဆိုရင် မျက်မှန်တပ်ရသူလို ဟန်ဆောင်မိမယ် ထင်တယ်" လို့ အဒဲလ်က သူမစိတ်ကူးကို ပြောပြပါတယ်။

သူမရဲ့ ၄ နှစ်အရွယ် သားလေး အန်ဂျယ်လိုအတွက် ဖျော်ဖြေရေးအစီအစဉ်တွေကို ၁၀ နှစ်ရပ်နားဖို့ အစီအစဉ်မှာလည်း မှန်ကန်ကြောင်း အဒဲလ်က အတည်ပြုပြောကြားခဲ့ပါတယ်။

Source & Photos : the Sun

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ