ယူတတ်သူတွေအတွက်က သင်ခန်းစာတွေ ရရှိပါတယ်။
လူတိုင်း အားကျရတဲ့ ဘရတ်ပစ်နဲ့ ဂျိုလီတို့စုံတွဲ ကွဲသွားကြတဲ့အတွက် အချစ်စစ်ဆိုတာ တကယ်ရောရှိရဲ့လားဆိုတဲ့ အတွေးတွေနဲ့ တစ်ကမ္ဘာလုံး တုန်လှုပ်ခဲ့ကြရပါတယ်။
ဒါပေမဲ့ သူတို့ရဲ့အဖြစ်အပျက်ကို ကြည့်ပြီး ကိုယ့်အတွက် သင်ခန်းစာယူနိုင်ပါသေးတယ်။
၁။ ပြည့်စုံလွန်းလှတယ်လို့ ထင်ရတဲ့ အိမ်ထောင်ရေးမှာတောင် အားနည်းချက်တွေရှိပါတယ်
ဘရတ်ပစ်နဲ့ ဂျိုလီတို့ရဲ့ဘဝက အရမ်းကို ပြည့်စုံသာယာတာ လူတိုင်းအသိပါ။ ကမ္ဘာပတ်ပြီး လူသားချင်းစာနာထောက်ထားမှုဆိုင်ရာ ပြဿနာတွေကို ကူညီတယ်၊ ရုပ်ရှင်ဇာတ်ကားတွေထဲမှာ အတူသရုပ်ဆောင်တယ်။ ကလေး ၆ ယောက်လည်းရှိသလို ကမ္ဘာအနှံ့မှာ အိမ်တွေလည်း ပိုင်ဆိုင်ထားပါသေးတယ်။ ဒါ့အပြင် သူတို့ရဲ့အားလပ်ချိန်မှာ ၂၀၁၃ ခုနှစ်မှာ ကမ္ဘာ့အကောင်းဆုံး ပန်းနုရောင်ဝိုင်အဖြစ် အသိအမှတ်ပြုခံခဲ့ရတဲ့ ဝိုင်ကိုတောင် ထုတ်ခဲ့ကြပါသေးတယ်။
ရလိုက်တဲ့သင်ခန်းစာ အပြင်ကမြင်ရတဲ့ ပုံစံထက် စိတ်တွင်းက ခံစားချက်က ပိုပြီး အရေးပါတယ်ဆိုတာပါပဲ။ အိမ်ထောင်ရေးအဆင်ပြေဖို့ဆိုတာ အိမ်ထောင်ရေး အကောင်းဆုံးဖြစ်စေဖို့ ပြုစုပျိုးထောင်ရမယ်၊ အလေးထားပေးရပါမယ်။
၂။ ဒုတိယနဲ့ တတိယ အိမ်ထောင်က ပထမအိမ်ထောင်ထက် ပိုပြီး ခက်ခဲတတ်တယ်
ဒုတိယနဲ့ တတိယ အိမ်ထောင်တွေဟာ အိမ်ထောင်ကွဲနိုင်ခြေပိုများပါတယ်။ ဂျိုလီက အိမ်ထောင်နှစ်ဆက် ကျဖူးသလို ဘရတ်ပစ်ကလည်း ဂျနီဖာအန်နစ္စတန်နဲ့ အိမ်ထောင်ကျခဲ့ဖူးပါတယ်။
ဒါဟာ ပထမအိမ်ထောင်နဲ့ ဖြစ်ခဲ့ဖူးတဲ့ ပြဿနာတွေဟာ နောက်အိမ်ထောင်မှာ ဖြစ်ပေါ်တဲ့အခါ သေးသေးလေးဖြစ်ပါစေ၊ အရင်ပြဿနာတွေကို ပြန်သတိရမိပြီး စိတ်ပျက်တာကြောင့်လည်း ပါပါတယ်။
၃။ အိမ်ထောင်ရေး ပြိုကွဲသွားတဲ့အခါ အသေးစိတ်အချက်အလက်တွေကို လူသိမခံပါနဲ့
သူတို့နှစ်ယောက် အိမ်ထောင်ရေး အဆုံးသတ်သွားရတဲ့ အကြောင်ရင်းနဲ့ ပတ်သက်လို့ ကောလာဟလတွေ ထွက်နေပေမဲ့ နှစ်ဖက်စလုံးက ကွာရှင်းမှုနဲ့ ပတ်သက်ပြီး ထုတ်ပြန်ချက်တွေကို သေချာဂရုစိုက် ထုတ်ပြန်ခဲ့ပေမဲ့ ဘာကိုမှ ထုတ်ဖော်မပြောကြားခဲ့ပါဘူး။
ဒါဟာ ပါးနပ်တဲ့ ခြေလှမ်းဖြစ်တယ်လို့ ကွာရှင်းပြတ်စဲရေးရှေ့နေ ခါရန်ကိုဗီက ပြောပါတယ်။
၎။ ကိုယ်တတ်နိုင်တဲ့ ငွေနဲ့ အကောင်းဆုံး ရှေ့နေကို ငှားပါ
ဂျိုလီ့ကို နမူနာကြည့်ပါ။ ကွာရှင်းခွင့် တင်လိုက်ပြီးနောက် ဂျွန်နီဒက်ပ်၊ ဘရစ်တနေစပီးယား၊ ကင်မ်ကာဒါရှီယန်နဲ့ ဟေဒီကလမ်းတို့ ကွာရှင်းစဉ်က ငှားရမ်းခဲ့တဲ့ နာမည်ကြီး ရှေ့နေကို ငှားရမ်းခဲ့ပါတယ်။
၅။ မိဘတွေရဲ့ ပြဿနာကို ကလေးတွေအပေါ် မရိုက်ခတ်ပါစေနဲ့
ဂျိုလီဟာ ကလေး ၆ ယောက်ကို လက်တွေ့အုပ်ထိန်းခွင့် တောင်းဆိုထားပြီး လောလောဆယ်မှာ ယာယီကွာရှင်းမှုသဘောတူညီချက်အဖြစ် သုံးပတ် ကလေးတွေကို ခေါ်ထားခွင့် ရပါတယ်။
ဘယ်သူက ကလေးတွေကို ခေါ်ထားခွင့်ရရ ကလေးတွေကို ပဋိပက္ခကြား ဆွဲမထည့်မိပါစေနဲ့။ သူတို့သိသင့်တာကို စိတ်ရှည်လက်ရှည်ပြောပြပြီး ဘာတွေပဲဖြစ်နေနေ သားသမီးတွေကို မိဘနှစ်ပါးစလုံးက ချစ်ဆဲပဲဆိုတာကို သိအောင် ပြောပြဖို့ လိုပါတယ်။
၆။ အိမ်ထောင်ရေး ပြိုကွဲသွားပေမဲ့ သားသမီးတွေကို အမြဲတမ်း ပူးတွဲအုပ်ထိန်းရမှာပါ
ဘရတ်ပစ်နဲ့ ဂျိုလီကလည်း မိသားစုကို ဦးစားပေးသွားမယ်လို့ ပြောခဲ့ကြပါတယ်။
သူနဲ့ မဆက်ဆံချင်တော့ပေမဲ့ ကိုယ့်သားသမီးတွေရဲ့ မျက်နှာနဲ့ မိဘတွေအဖြစ် အကောင်းဆုံးဖြစ်အောင် ဆောင်ရွက်ရမှာပါ။
Source & Photos : huffingtonpost
