တောင်ကိုရီးယားသရုပ်ဆောင် ကင်ဝူဘင် (Kim Woo Bin) ဟာ ကင်ဆာရောဂါခံစားနေရပြီး ဆေးကုသမှုခံယူနေရတဲ့အတွက် စစ်မှုထမ်းရမယ့် တာဝန်ကနေ ကင်းလွတ်ခွင့်ရလိုက်ပြီဖြစ်ပါတယ်။

play

 

ကင်ဝူဘင် ဆေးကုသမှုခံယူနေစဉ်မှာပဲ စစ်မှုထမ်းရမယ်ဆိုတဲ့ အမိန့်ကျလာခဲ့ပေမဲ့ သူရဲ့ကျန်းမာရေး အခြေအနေကြောင့် အစိုးရက သူ့ကို စစ်မှုထမ်းရမယ့် တာဝန်ကနေ ကင်းလွတ်ခွင့်ပေးလိုက်တယ်လို့ အတွင်းလူတစ်ဦးက ပြောကြားခဲ့ပါတယ်။

"ကင်ဝူဘင်က nasopharyngeal ကင်ဆာကို ကုသမှုခံယူနေစဉ်အတွင်းမှာ စစ်မှုထမ်းရမယ့်စာ ရရှိလိုက်ပါတယ်။ ပြန်လည် ဆန်းစစ်ပြီးနောက်မှာတော့ သူဟာ စစ်မှုထမ်းဖို့အတွက် မသင့်လျော်ဘူးလို့ ဆုံးဖြတ်ခဲ့ကြပါတယ်" လို့ ထိုလူက ပြောကြားခဲ့တာ ဖြစ်ပါတယ်။

play

 

ဒီသတင်းဟာ ကိုရီးယားမှာဆိုရင် အငြင်းပွားစရာဖြစ်တဲ့ ကိစ္စတစ်ခုဖြစ်လို့ ကင်ဝူဘင်ကတော့ လူသိရှင်ကြား ကြေညာခြင်း မပြုလုပ်ခဲ့ပါဘူး။ ကင်ဝူဘင်ဟာ လောလောဆယ်မှာတော့ သူ့ရဲ့ကျန်းမာရေး ပြန်ကောင်းလာဖို့ကိုပဲ အာရုံထားနေပါတယ်။

ကင်ဝူဘင်ဟာ Nasopharynx လို့ ခေါ်တဲ့ လည်ချောင်းကင်ဆာ ရောဂါတစ်မျိုး ခံစားနေရကြောင်း ၂၀၁၇ ခုနှစ် မေလ နောက်ဆုံးပတ်က ကြေညာခဲ့ပြီးတဲ့နောက် ဆေးကုသမှု ခံယူနေခဲ့တာ ဖြစ်ပါတယ်။ Nasopharynx လို့ ခေါ်တဲ့ ကင်ဆာအမျိုးအစားဟာ ရှားပါးကင်ဆာတစ်မျိုးဖြစ်ပါတယ်။ ဒီရောဂါဟာ လည်ချောင်းရဲ့အပေါ်ပိုင်းကနေ စတင်ဖြစ်ပေါ်တယ်လို့လည်း သိရပါတယ်။

Source : Koreaboo

ဤအကြောင်းအရာကို သင်ဘယ်လိုထင်ပါသလဲ။
Video