Local Celebrity: တရားဝင်ကွာရှင်းခွင့်ရသွားတဲ့ မိုးမိုးတို့ အိမ်ထောင်ရေး

ဒီနေ့က တကယ့်ကို မင်္ဂလာရှိတဲ့ နေ့တစ်နေ့ပါလို့ အဆိုတော် မိုးမိုးရဲ့ဇနီးဟောင်း မဖြူသီမျိုးလွင်က ဆိုပါတယ်။

play


အဆိုတော် မိုးမိုးနဲ့ တရားဝင်ကွာရှင်းရန် ဇနီးဖြစ်သူ မဖြူသီမျိုးလွင်ရဲ့ တရားရုံးမှာ ဦးတိုက်လျှောက်ထားမှုကို သြဂုတ်လ (၂၃) ရက်နေ့က မဖြူသီမျိုးလွင်အား အနိုင်ဒီဂရီပေးလိုက်ပြီး တရားဝင် ကွာရှင်းခွင့်ရရှိသွားပြီလို့ သိရပါတယ်။ လွန်ခဲ့တဲ့ (၃)နှစ်လောက်ကတည်းက အိမ်ထောင်ရေးပြဿ နာတွေကြောင့် တရားရုံးမှာ မိုးမိုးရဲ့ ဇနီးသည်ဟာ ကွာရှင်းခွင့် တောင်းခံခဲ့ပါတယ်။

ကွာရှင်းဖို့ ကိစ္စကို အဆင့်ဆင့် တရားရင်ဆိုင်ခဲ့ပြီးနောက် မနေ့ (သြဂုတ်လ ၂၃ ရက်)  က တရားရုံးက ချမှတ်တဲ့ အနိုင်ဒီဂရီကို မဖြူသီမျိုးလွင်က ရရှိခဲ့ကြောင်း သူမရဲ့ဖေ့စ်ဘွတ်ပေါ်မှာ ရေးထားပါတယ်။

play


"အိမ်ထောင်ရေး ဖောက်ပြန်နေတဲ့ ယောက်ျားကို ဆက်ပြီး မပေါင်းနိုင်တော့တဲ့ အတွက် လွန်ခဲ့တဲ့ ၃နှစ်က ကွာရှင်းခွင့်တောင်းခဲ့တယ်။ ကွာရှင်းမပေးတဲ့ အတွက် အရှေ့ပိုင်းခရိုင် တရားရုံးချုပ်ကနေ ကွာရှင်းလိုမှုကို ဦးတိုက်လျှောက်ခဲ့ပြီး တရားရင်ဆိုင်လာတာ ဒီနေ့တော့ အမှန်တရားအတိုင်း ပြီးဆုံးသွားခဲ့ပြီ" လို့ မဖြူသီမျိုးလွင်က သူမရဲ့ဖေ့စ်ဘွတ်မှာ ရေးသားထားပါတယ်။

play


"တရားပြိုင်(......)သည် အိမ်ထောင်ရေး ဖောက်ပြန်သည့် ပြစ်မှု ကျူးလွန်ကြောင်း သက်သေနှင့် တကွ ထင်ရှားသည့် အတွက် တရားသူကြီးမှ တရားလို၊ တရားပြိုင် မျက်နှာစုံညီရှေ့မှောက်တွင် ချမှတ်သော အနိုင်ဒီဂရီကို တရားလို ကျွန်မ ဖြူသီမျိုးလွင်မှ ရရှိပါသည်။  ထို့ကြောင့် ၂၃ ရက် ၈ လ ၂၀၁၆ ယနေ့မှစ၍ တရားရုံးမှ ချမှတ်သည့် အတိုင်း ကို့ ကွာရှင်းပြီး ဖြစ်ပါသည်" လို့လည်း သူမက အဲဒီပို့စ်မှာ ဆက်ပြီးရေးသားထားပါတယ်။

ဒီနေ့က တကယ့်ကို မင်္ဂလာရှိတဲ့ နေ့တစ်နေ့ပါလို့လည်း မဖြူသီမျိုးလွင်က ဆိုထားပါတယ်။

play


Photo : မဖြူသီမျိုးလွင် ဖေ့စ်ဘွတ်၊ Google ၊ မိုးမိုးဖေ့စ်ဘွတ်

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ