Local Celebrity: အမှုဖွင့်အရေးယူခံထားရမှုနဲ့ ပတ်သက်ပြီး ဖြေကြားခဲ့တဲ့ လွင်မိုး

ဥပဒေလမ်းကြောင်းအရ ဖြေရှင်းမယ်လို့ ဆိုပါတယ်။

play

 

မွန်ပြည်နယ်၊ ကျိုက်ထိုမြို့နယ်၊ ကင်မွန်းချောင်းနယ်မြေရဲစခန်းတွင် အမှုဖွင့် အရေးယူခံထားရတဲ့ကိစ္စနဲ့ ပတ်သက်ပြီး ဥပဒေလမ်းကြောင်းအရ ဖြေရှင်းသွားမယ်လို့ ရုပ်ရှင်သရုပ်ဆောင်လွင်မိုးက The Voice ကို ပြောကြားခဲ့တယ်လို့ သိရပါတယ်။

ကျိုက်ထိုမြို့နယ် တရားရုံးတွင် ပိုင်ဆိုင်မှု အငြင်းပွားနေတဲ့ မြေကွက်မှ ခြံစောင့်အလုပ်သမား သုံးဦးကို ဖမ်းဆီးချုပ်နိုင်ရန် စေခိုင်းစေမှုဖြင့် လွင်မိုးနဲ့အတူ အမျိုးသားနှစ်ဦးကို ပုဒ်မ ၃၄၂/၃၅၆/၁၁၄/၃၄ ဖြင့် အမှုဖွင့်ထားတယ်လို့ သိရပါတယ်။

"ဒီကိစ္စ ကျွန်တော်နဲ့ ဘာမှမပတ်သက်ပါဘူး။ ဒီဖြစ်စဉ်မှာ အလွဲအမှားတွေ အများကြီး ရှိနေတယ်။ အမှုလက်ခံဖွင့်ထားတဲ့ ရဲစခန်းနဲ့ သတင်းဖော်ပြတဲ့ စံတော်ချိန်သတင်းစာဘက်ကို ဆက်သွယ်မေးမြန်းကြည့်ပါ။ ကျွန်တော့်ဘက်က ဒီပြဿနာနဲ့ ပတ်သက်ပြီး လတ်တော ဘာမှမပြောချင်ဘူး။ ဥပဒေလမ်းအရ ဖြေရှင်းသွားမယ်" လို့ ရုပ်ရှင်သရုပ်ဆောင်လွင်မိုးက ပြောခဲ့ပါတယ်။

play

 

ကော့မူခူကုမ္ပဏီလီမိတက် မန်နေဂျင်းဒါရိုက်တာ ဦးစောနဗလု ခန့်ထားတဲ့ ခြံစောင့်အလုပ်သမား သုံးဦးကို အောက်တိုဘာလ ၁၃ ရက်ညနေက လူတစ်စု လာရောက်ဖမ်းဆီးခေါ်ဆောင်သွားကာ ဘားအံမြို့တွင် ချုပ်နှောင်ထားခဲ့တယ်လို့ သိရပါတယ်။ ဦးစောနဗလုရဲ့ စုံစမ်းချက်အရ ယင်းသို့ပြုလုပ်ရန် စေခိုင်းသူများမှာ ဦးကျော်သူရလှိုင်၊ ဦးစိန်အောင်မင်းနဲ့ ရုပ်ရှင်သရုပ်ဆောင်လွင်မိုး တို့ ဖြစ်တယ်လို့ စံတော်ချိန်သတင်းစာမှာ ဖော်ပြခဲ့တာ ဖြစ်ပါတယ်။

ဟိုတယ်ဆောက်လုပ်ခွင့် ပါမစ်ရတဲ့ထားတဲ့ ယင်းမြေနေရာနဲ့ ပတ်သက်မှုမရှိကြောင်း သရုပ်ဆောင်လွင်မိုးက ငြင်းဆန်ခဲ့ပါတယ်။

ယင်းသတင်းနဲ့ ပတ်သက်ပြီး စံတော်ချိန်ကရော ကင်းမွန်ချောင်း နယ်မြေရဲစခန်းကပါ မဖြေကြားပေးနိုင်ကြောင်း ပြောခဲ့တယ်လို့ သိရပါတယ်။

Source & Photos : The Voice

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ