Local Celebrity: အိမ်ထောင်ရေးပြိုကွဲ သွားတဲ့အတွက် ခံစားနေရတဲ့ စည်သူမောင်

ရင်ဘက်တစ်ခုလုံး ကွဲကြေ ပျက်ဆီးနေရပါတယ်လို့ ဆိုပါတယ်။

play

 

သရုပ်ဆောင်လောကမှာ နေရာတစ်နေရာရရှိထားတဲ့ သရုပ်ဆောင် စည်သူမောင်က သူရဲ့ ချစ်သူကောင်မလေးနဲ့ ချစ်သူသက်တမ်း (၇)နှစ်ကျော်မှာ လက်ထပ်ဖြစ်ခဲ့တယ်လို့ သိရပါတယ်။ချစ်သူကောင်မလေးဘက်က မိဘတွေက သဘောမတူတာကြောင့် နှစ်ယောက်သား ခိုးပြေးခဲ့ကြတယ်လို့လည်း ဆိုပါတယ်။ ၁၉.၈.၂၀၁၄ ခုနှစ်မှာ နှစ်ဦး သဘောတူ မရမ်းကုန်းတရားရုံးက တရားသူကြီး ရှေ့မှောက်မှာ နှစ်ဦးသဘောတူ လက်မှတ်ရေးထိုးခဲ့ကြပြီး Pinlon Resort မှာနေထိုင်ခဲ့ကြတယ်လို့ စည်သူမောင်က အိုအေစစ်ဂျာနယ်မှာ ဖြေဆိုပေးထားပါတယ်။

play

 

သို့ပေမယ့်လည်း အောက်တိုဘာ(၁၇)ရက်နေ့ဘက်မှာ ကောင်မလေးဘက်မှ စည်သူမောင်ဆီသို့ အချက်အလက် အမှားတွေနဲ့ နို့တစ်စာ ပို့ပြီး ကွာရှင်းခွင့်တောင်းလာတယ်လို့ သိရပါတယ်။ မဟုတ်မမှန်တဲ့ စွပ်စွဲချက်တွေကြောင့် တရားစွဲဆိုလာတဲ့အတွက် စည်သူမောင်အနေနနဲ့ ဂုဏ်သိက္ခာနဲ့ အမှန်တရားအတွက် တရားရင်ဆိုင်ဖို့ ဆုံးဖြတ်လိုက်တယ်လို့ ဆိုပါတယ်။

play

 

သူ့အနေနဲ့လည်း "သူနဲ့ပဲပြန်ဆုံချင်ပါတယ်။ ဟိုးလွန်ခဲ့တဲ့ ကိုးနှစ်သူကလည်း သာမန် ကျောင်းသူလေး (ဘာ ၀န်ကြီးသမီးမှ မဟုတ်) ကျွန်တော်လည်း သာမန် ကောင်လေး (စည်သူမောင်လို့ ဘယ်သူမှ မသိကြသေး)တဲ့ ဘ၀ကို ပြန်ရောက်ပြီး သူနဲ့ အတူတူပြန် ရှိနေချင်ပါတယ်။ အဲဒီတုန်းက ဘာနဲ့မှ နှိုင်းလို့မရတဲ့ အကြီးမားဆုံးအရာတွေ ပိုင်ဆိုင်ထားကြတယ်လေ။ အဲဒါ သူအချစ်ရဆုံး ချစ်သူက ကျွန်တော်၊ ကျွန်တော်အချစ်ရဆုံးချစ်သူက သူ အဲ့ဒီဘ၀၊ အဲဒီ အချိန်ကိုပဲ ပြန်လိုချင်ပါတယ်" လို့ အိုအေစစ်ဂျာနယ်မှာ ဖြေဆိုပေးထားပါတယ်။

Source & Photo : အိုအေစစ်ဂျာနယ်

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ