Lifestyle: ပျော်ရွှင်ခိုင်မြဲတဲ့ အချစ်ရေးကို ထိန်းသိမ်းချင်ရင် ရှောင်ရမယ့် အချက် ၇ ချက်

, updated

သာမန်ချစ်သူစုံတွဲအများစုရဲ့ ဆက်ဆံရေးဟာ နေ့စဉ်နေ့တိုင်း ပျော်စရာတွေနဲ့ချည်း ပြည့်နေတာ မဟုတ်ပါဘူး။ ရှည်ကြာတဲ့ ချစ်သက်တမ်းကိုထိန်းထားနိုင်တဲ့ ချစ်သူရည်းစား၊ ဇနီးမောင်နှံတွေမှာလည်း သည်းခံလျစ်လျှူရှုရတဲ့ အခါတွေရှိပါလိမ့်မယ်။ သင့်ထက်တောင် ပိုများချင်များနေပါလိမ့်မယ်။

ရုပ်ရှင်တွေ ဝတ္ထုတွေထဲကလို ကြည်နူးစရာချစ်သူနှစ်ဦးရဲ့နောက်ကမြင်ကွင်းမှာ ရောင်စုံသက်တန့်ကြီးနဲ့ လိပ်ပြာကလေးတွေ အပြင်လောကမှာ ရှိမနေတာကို သင်သတိပြုရပါမယ်။ ဆိုလိုချင်တာက သင့်အနေနဲ့ ချစ်သူရည်းစား ဘဝဟာ ပျော်စရာတွေချည်းပဲ ရှိနေမှာမဟုတ်ဘူးဆိုတာကိုတော့ လက်ခံထားရပါမယ်။ ဘယ်လိုပင်ဖြစ်စေ အောက်မှာ ဖော်ပြမယ့် အချက်ကလေးတွေကိုထိန်းသိမ်းလိုက်နာကြည့်မယ်ဆိုရင် သင့်ရဲ့အချစ်ရေး ပိုအဆင်ပြေချောမွေ့သွား ဖို့ မျှော်လင့်မိပါတယ်။ ဘာတွေလဲဆိုတာ ဖတ်ကြည့်လိုက်ပါဦး။

play

 

၁။ သူ့ / သူမ ကို သင့်စိတ်တိုင်းကျပုံစံ ဖြစ်လိုခြင်း

ဒါဟာ ချစ်သူစုံတွဲ၊ အိမ်ထောင်သည်တွေကြားထဲမှာ တွေ့ရလေ့ရှိတက်တဲ့ အမှားဖြစ်ပါတယ်။ ပြန်စဉ်းစားကြည့်လိုက်ပါ။ သင့်ကိုသင်တောင် အမြဲတမ်းစိတ်တိုင်းကျတာမျိုး ဖြစ်မိရဲ့လားဆိုတာကိုလေ။ သင့်ရဲ့ချစ်သူကို သင့်စိတ်တိုင်းကျ ပုံသွင်းယူနေတာဟာ အတော်ဆိုးရွားတဲ့ စိတ်ကူးအကြံဥာဏ်ဖြစ်ပါတယ်။ သူ့မှာ သင်မကြိုက်တဲ့အချက် တစ်ချို့ရှိခဲ့ရင် အချိန်ယူပြီး ရှင်းပြဖျောင်းဖျပြောဆိုရမှာ ဖြစ်ပါတယ်။ ဒါပေမယ့် သင့်အိပ်မက်စိတ်ကူးထဲကလို ဘာအပြစ်ပြောစရာမှ မရှိတဲ့ သူမျိုး၊ သင့်စိတ်တိုင်းကျနေနိုင်မယ့်သူမျိုးဆိုတာတော့ ဖြစ်ဖို့မလွယ်ပါဘူး။ သင်မကြိုက်လှပေမယ် လက်ခံနိုင်လောက်တဲ့ အရာတွေကို ချင့်ချိန်ပြီးခွင့်ပြုပေးရမှာ ဖြစ်ပါတယ်။ ဒါကိုမှ သင်ဇွတ်တိုးကြိုးစားမယ်ဆိုရင်တော့ ဆက်ဆံရေးဟာ ဆိုးရွားလာဖို့သာ များပါတယ်။

၂။ ကြား စကားများကို ယုံကာ အပြစ်ရှာခြင်း

ဒီအကျင့်လည်း စုံတွဲအတော်များများမှာ တွေ့ရတက်ပါတယ်။ အခိုင်အမာသိထားတာမျိုး မရှိပဲ ကောလဟာလ သတင်းစကားတွေနဲ့ ကိုယ့်ချစ်သူကို အပြစ်ရှာတက်တဲ့ အကျင့်ဖြစ်ပါတယ်။ တစ်ဦးအပေါ်တစ်ဦး အပြစ်မြင်ခြင်းဟာ ဘယ်ဘက်ကြည့်ကြည့် မကောင်းလှပါဘူး။ သူနဲ့ပတ်သတ်တဲ့ သတင်းတစ်ခုခုကြားမိတယ်ဆိုရင် ကိုယ့်ဘက်က ခိုင်ခိုင်မာမာ သိအောင်အရင်ကြိုးစားရမှာ ဖြစ်ပါတယ်။ ကာယကံရှင်လောက်တော့ ဘေးလူက ပိုမသိနိုင်ပါဘူး။ ကိုယ်မကြိုက်တာ လုပ်နေကြောင်း သတင်းစကား ကြားခဲ့ရင်တောင် အပြစ်အရင်မပြောပဲ စုံစမ်းပါ။ စုံစမ်းဖို့ အချိန်မရှိရင်၊ အခြေအနေမပေးရင် သူ့ကို တိုက်ရိုက်မေးမြန်းပါ။ မခိုင်လုံတဲ့ သတင်းနဲ့တော့ သွားပြီးအပြစ်တင်ရင် ကိုယ့်ရဲ့ဆက်ဆံရေးကို ကိုယ်ကိုယ်တိုင်ဖျက်ဆီးတာနဲ့ အတူတူပါပဲ။

၃။ လူမြင်ကွင်းမရှောင် ရန်ဖြစ်ခြင်း

လူမြင်ကွင်းမှာ ရန်ဖြစ်တယ်ဆိုလို့ ထိုးကြိတ်သတ်ပုပ်မှ ရန်ဖြစ်တယ်မဟုတ်ပါဘူး။ တစ်ယောက်တစ်ခွန်း အပြန်အလှန် စကားများရင်လည်း ရန်ဖြစ်တာပါပဲ။ မလွှဲသာလို့သာ တစ်ယောက်နဲ့ တစ်ယောက်ရန်ဖြစ်နေကြပေမယ့် ပတ်ဝန်းကျင်ကို အရှက်ရနေကြမှာ သေချာပါတယ်။ ရှက်စိတ်ကြီးစိုးသွားရင် ဆက်ဆံရေးဟာ မဖြောင့်ဖြူးတော့ပဲ ဖြစ်သွားပါလိမ့်မယ်။ ဘယ်လောက်ပဲ သေးငယ်တဲ့ ကိစ္စပဲဖြစ်ပါစေ လူမြင်ကွင်းမှာ ရန်မဖြစ်ပါနဲ့။ ဖြစ်ဖို့ အကြောင်းတွေဖန်တီးလာရင်လည်း ကိုယ့်ဘက်သည်းခံလိုက်ပါ။ နှစ်ယောက်တည်းရှိတဲ့အချိန်ကျမှ ဖြေရှင်းပါ။

၎။ စကားမပြောတော့ခြင်း

သင့်ချစ်သူဟာ အကြားအမြင်ဆရာ မဟုတ်ပါဘူး။ သင်ဘာဖြစ်နေလဲ ဆိုတာ သူအမြဲတမ်း အတိအကျမသိနိုင်ပါဘူး။ သင်မကြိုက်တဲ့ကိစ္စတစ်ခုကို သူလုပ်ထားမိတယ်ဆိုရင်တောင် ပွင့်ပွင့်လင်းလင်း ပြောဆိုရမှာ ဖြစ်ပါတယ်။ စိတ်ဆိုးလာတဲ့ အခါ ဘာစကားမှ မပြောတော့ပဲ နေလိုက်ခြင်းဟာ တဖက်လူကို စိတ်အနှောက်အယှက်များစွာ ဖြစ်စေပါတယ်။ ကျန်းမာတဲ့ချစ်သူစုံတွဲဆက်ဆံရေးမျိုး လိုချင်ရင်တော့ ပွင့်လင်းရမှာ နှစ်ဦးလုံးရဲ့ တာဝန်ဖြစ်ပါတယ်။ ဘာမကျေနပ်လဲ ဆိုတာ ထုတ်သာပြောလိုက်ပါ။ စိတ်ဆိုးလာတဲ့အခါ စကားမပြောတော့တဲ့ အကျင့်ကို တက်နိုင်သလောက် ရှောင်တာ ကောင်းမွန်ပါလိမ့်မယ်။

၅။ မယုံမကြည်ဖြစ်ခြင်း

ပရော်ဖက်ရှင်နယ် လုပ်ငန်းခွင်တွေမှာသာ မက၊ ချစ်သူသမီးရည်းစား ဆက်ဆံရေးရဲ့ အခြေခံအုတ်မြစ်ဟာလည်း ယုံကြည်မှု ဖြစ်ပါတယ်။ ချစ်သူဇနီးမောင်နှံနှစ်ဦးရဲ့ ဆက်ဆံရေးမှာ ယုံကြည်မှုဟာ မရှိမဖြစ်လိုအပ်ပါတယ်။ သူ့ရဲ့ အကျင့်စာရိတ္တအပေါ် ယုံကြည်မှု ရှိပေးလိုက်ပါ။ သူ့ရဲ့ပုဂ္ဂိုလ်ရေးကိစ္စတွေအပေါ် လေးစားမှု ပြလိုက်ပါ။ သူ့ရဲ့ အီးမေးလ်တွေ၊ ဖုန်းတွေကို အချိန်ပြည့် စစ်ဆေးမနေပါနဲ့။ အခြေခံအုတ်မြစ်ဖြစ်တဲ့ ယုံကြည်မှုမှ တစ်ဦးအပေါ် တစ်ဦးမရှိခဲ့ဘူးဆိုရင် အခြားအရာတွေ ဆောက်တည်ဖို့လည်း မလွယ်ပါဘူး။

၆။ လိမ်ညာခြင်း

လိမ်ညာခြင်းဟာ ဆက်ဆံရေးအတွက် ကြီးမားတဲ့ဆူးညှောင့်ခလုပ်ဖြစ်ပါတယ်။ ချစ်သူစုံတွဲ ကြားထဲမှ မဟုတ်ပါဘူး။ ဘယ်ဆက်ဆံရေးမှာမဆို လိမ်ညာခြင်းဟာ ဆက်ဆံရေးကို လုံးဝပြိုကွဲပျက်စီးစေတဲ့ အရာဖြစ်ပါတယ်။ တစ်ဦးကို တစ်ဦး ယုံကြည်မှုနဲ့ လျှောက်လှမ်းနေတဲ့အချိန် လိမ်ညာခြင်းကို မလုပ်တာ အကောင်းဆုံးဖြစ်ပါတယ်။ အလိမ်ခံရတာလည်း ဘယ်သူမှ ကြိုက်မှာမဟုတ်ပါဘူး။ သင်လိမ်နေတာ သူသိသွားရင် ပိုလို့တောင်ဆက်ဆံရေး ဆိုးသွားနိုင်ပါတယ်။ ဒါကြောင့် တက်နိုင်သမျှ ရိုးသားမှုရှိပါ။ ကိုယ့်ဘက်က စပြီးမလိမ်ရအောင် နေထိုင်ပြုမူတာ ဂရုတစိုက်ရှိပါစေ။

၇။ အသေးအဖွဲများက အတင်စီးမခံခြင်း

ကိုယ့်ဘက် အယူချည်းပဲရှိတာလည်း မကောင်းသလို အပေးချည်းပဲရှိတာလည်း မကောင်းပါဘူး။ စုံတွဲတွေအကြားမှာ အပေးအယူမျှတဖို့လည်း လိုပါတယ်။ ဒါပေမယ့်လည်း အသေးအဖွဲတွေကအစ အသေးစိတ်လိုက်တွက်နေစရာ တော့မလိုပါဘူး။ နောက်ဆုံးညစာ ဆယ်ခါစားတုန်းက ငါက ခြောက်ကြိမ်ရှင်းရပြီး သူက လေးကြိမ်ပဲရှင်းသေးတယ် ဆိုတာမျိုး စသဖြင့် ဒါတွေကို အသေးစိတ်လိုက်တွက်နေရင် အဆင်မပြေပါဘူး။ ဘဝနှစ်ခု ပေါင်းစပ်ဖို့ရည်ရွယ်ကြတဲ့ အခါဒါတွေက အသေးအဖွဲဖြစ်ပါတယ်။ ဒီလိုတွေးမိလိုက်တယ်ဆိုရင်ပဲ မလိုလားအပ်တဲ့ တင်းမာမှုတွေ ဖြစ်လာစေနိုင်ပါတယ်။ အရေးမပါတဲ့အရာတွေအတွက် အချိန်ကုန်ခံပြီး တွက်ချက်ဖို့ မလိုပါဘူး။

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ