Lifestyle: မြန်မာပြည်မှာပဲတွေ့ရနိုင်တဲ့ ထူးဆန်းထွေလာ ဖြစ်ရပ်များ

ကမ္ဘာမှာမရှိတဲ့ အမူအကျင့်တွေရှိနေတာကြောင့် ကမ္ဘာလှည့်ခရီးသည်တွေက ဒီအမူအကျင့်တွေကို စိတ်ဝင်တစား ရှိတက်ကြပါတယ်။

play

 

အရှေ့တောင်အာရှမှာ ပထဝီမျက်နှာပြင်အနေအထား၊ သမိုင်းကြောင်းအရ အရေးအပါဆုံးဖြစ်တဲ့ မြန်မာနိုင်ငံဟာ နှစ်ပေါင်းများစွာ နိုင်ငံတကာအတွက် ပဟေဠိသဖွယ်ဖြစ်ခဲ့ပါတယ်။ ဒီနေ့ထိတိုင် မြန်မာနိုင်ငံမှာ ကျင့်သုံးနေတဲ့ အလေ့အကျင့်တွေဟာ နိုင်ငံတကာအတွက် နားလည်ရ ခက်နေဆဲ ဖြစ်ပါတယ်။ ကမ္ဘာမှာ မရှိတဲ့ သို့မဟုတ် အနည်းငယ်သာ ရှိတဲ့ အမူအကျင့်တွေကို မြန်မာနိုင်ငံမှာ တွေ့ရနိုင်ပါတယ်။ သင်ဟာ မြန်မာနိုင်ငံသား တစ်ဦးဖြစ်လို့ ဒီအမူအကျင့်တွေ၊ ဓလေ့စရိုက်တွေနဲ့ ရင်းနှီးပြီးသားဖြစ်ပေမယ့် နိုင်ငံတကာ အတွက်တော့ အံ့သြကုန်နိုင်ဖွယ် အချက်တွေလို့ ဆိုနိုင်ပါတယ်။ ကမ္ဘာမှာမရှိပဲ မြန်မာမှာသာ ရှိတဲ့ အချက်တွေကတော့…

၁။ မက်ထရစ်စနစ်အသုံးမပြုခြင်း

play

 

တကမ္ဘာလုံးက မက်ထရစ်စနစ်ကိုအသုံးပြုနေကြတဲ့အချိန်မှာ မြန်မာကတော့ အတိုင်းအတာကိစ္စရပ်တွေမှာ မက်ထရစ်စနစ်ကိုအသုံးမပြုပါဘူး။ ကမ္ဘာမှာမက်ထရစ်စနစ်ကို အသုံးမပြုတာ မြန်မာအပါအဝင် ၃ နိုင်ငံသာ ရှိပါတယ်။ အဲဒါကတော့အမေရိက၊ လိုက်ဘေးရီးယားနဲ့ မြန်မာဖြစ်ပါတယ်။ စင်တီမီတာ၊ ဒက်ဆီမီတာ၊ ဒက်ကာ မီတာ စတဲ့ မက်ထရစ်သင်္ကေတတွေကို မြန်မာမှာ အသုံးမပြုပါဘူး။

၂။ စားသောက်ဆိုင်တွင် နှုတ်ခမ်းသံပေးပြီး မှာယူခြင်း

play

 

လက်ဖက်ရည်ဆိုင်၊ စားသောက်ဆိုင်၊ ဘီယာဆိုင်တွေမှာ ထိုင်ကြတဲ့အခါ အော်ဒါမှာယူခြင်းနဲ့ တစ်စုံတစ်ခု တောင်းဆိုခြင်းအတွက် ပါးစပ်ကတပြွတ်ပြွတ်မည်အောင် လုပ်ပြီးခေါ်လေ့ရှိကြပါတယ်။ ဆိုင်ရဲ့ဝန်ဆောင်မှုကို ရဖို့အတွက် ဒီလိုလုပ်တာကို နိုင်ငံခြားသားတွေကတော့ အနမ်းခြွေသံလုပ်ပြီး ခေါ်ကြတယ်လို့ ပြောလေ့ရှိကြပါတယ်။ ဒါမျိုးအလေ့အထဟာလည်း နိုင်ငံတကာမှာ တွေ့ရလေ့မရှိပဲ မြန်မာမှာပဲ တွေ့ရလေ့ ရှိတဲ့ အရာဖြစ်ပါတယ်။

၃။ လက်ဖက်ရည်ဆိုင်ပေါများခြင်း

အိန္ဒိယကရောက်လာတဲ့ လက်ဖက်ရည်ဆိုင်ယဉ်ကျေးမှုဟာ မြန်မာနဲ့ခွဲမရမတဲ့ ဓလေ့တစ်ခု ဖြစ်နေပါပြီ။ မြန်မာနိုင်ငံ အနှံ့သာမက ရန်ကုန်မြို့တစ်ဝိုက်မှာလည်း လမ်းတိုင်းမှာလိုလိုမှာ လက်ဖက်ရည်ဆိုင် ရှိတက်ပါတယ်။ ရန်ကုန်မြို့မှာ အပေါများဆုံး စားသောက်စရာဆိုင်က လက်ဖက်ရည်ဆိုင်တွေ ဖြစ်ပါတယ်။ အထူးသဖြင့် အချိန်ကြာကြာထိုင်နိုင်တဲ့ လမ်းဘေးလက်ဖက်ရည်ဆိုင်တွေ ဖွင့်ထားတာ မြန်မာမှာသာ ရှိတဲ့ ဓလေ့ဖြစ်ပါတယ်။

၎။ ကမ္ဘာ့အကြီးဆုံးစာအုပ်

play

 

ကမ္ဘာ့အကြီးဆုံးစာအုပ်ပါလို့ အသိအမှတ်ပြုခြင်းခံထားရတဲ့ စာအုပ်က မြန်မာပြည်မှာရှိပါတယ်။ မန္တလေးကုသိုလ်တော်ဘုရားမှာ မင်းတုန်းမင်းချန်ထားရစ်ခဲ့တဲ့ ကုသိုလ်တော်ကျောက်စာတွေက စာမျက်နှာပေါင်း ၁၄၀၀ ရှိပါတယ်။ ဒီလို ကမ္ဘာ့အကြီးဆုံး စာအုပ်ကိုလည်း မြန်မာက ပိုင်ဆိုင်ထားပါတယ်။ ဗုဒ္ဓရဲ့ တရားဓမ္မအမွေအနှစ်တွေကို ကျောက်စာမှာ ထွင်းထုပြီးကူးယူရေးသာထားခဲ့တာ ဖြစ်ပါတယ်။

၅။ Coca Cola အရောက်နောက်ကျခြင်း

play

 

၂၀၁၃ ခုနှစ်ကအထိ ကမ္ဘာမှာ ကိုကာကိုလာတရားဝင်မရှိတဲ့ နိုင်ငံသုံးနိုင်ငံရှိခဲ့ပါတယ်။ အဲဒီအထဲမှာ မြန်မာလည်း ပါဝင်ခဲ့ပါတယ်။ ကျူးဘား၊ မြောက်ကိုရီးယားနဲ့ မြန်မာသုံးနိုင်ငံသာ ကိုကာကိုလာ တရားဝင် ဖြန့်ဖြူးရောင်းချခြင်းမရှိခဲ့တာဖြစ်ပါတယ်။ အခုတော့ မြန်မာမှာ ကိုကာကိုလာ တရားဝင် ရနေပြီဖြစ်ပါတယ်။

၆။ သနပ်ခါး

play

 

သနပ်ခါးကို ရိုးရာအလှကုန်ပစ္စည်းအဖြစ် အသုံးပြုကြပါတယ်။ အသားအရေ ကျန်းမာရေးအတွက် ကောင်းမွန်ခြင်း၊ တန်ဖိုးသက်သာခြင်း စတဲ့အကြောင်းပြချက်တွေနဲ့ သနပ်ခါးဟာ မြန်မာမှာ ယောက်ျား၊ မိန်းမမရွေး အသုံးခဲ့တဲ့ အရာဖြစ်ပါတယ်။ သနပ်ခါးကို အလှကုန်ပစ္စည်းအဖြစ် အသုံးပြုတာ မြန်မာတစ်နိုင်ငံ တည်းသာရှိပါတယ်။ မြန်မာရိုးရာ အလှကုန်သနပ်ခါးကို နောက်ပိုင်းမှာ ထိုင်းနိုင်ငံကပါ အသုံးပြုလာကြတာ တွေ့ရပါတယ်။

၇။ လက်တစ်ဖက်ပေါ် တစ်ဖက်တင်ကာ ပစ္စည်းယူခြင်း၊ ငွေပြန်အမ်းခြင်း

play

 

ဈေးဝယ်သူတွေကို ငွေပြန်အမ်းတဲ့အခါ၊ ဒါမှမဟုတ် ရိုသေထိုက်သူ တစ်ဦးဦးဆီက တစ်စုံတစ်ခု ယူတဲ့အခါ တစ်ဖက်လက်ပေါ် တစ်ဖက်တင်လေ့ရှိပါတယ်။ ဒါဟာ ရိုသေလေးစားကြောင်းကို ပြတဲ့အမူအယာ ဖြစ်ပါတယ်။ နိုင်ငံအသီးသီးမှာ တဖက်လူကို လေးစားကြောင်းအမူအယာ အမျိုးမျိုးနဲ့ ပြလေ့ရှိပေမယ့် ဒီဓလေ့ကတော့ မြန်မာမှာတွေ့ရတဲ့ ဓလေ့ဖြစ်ပါတယ်။  နိုင်ငံတကာက ခရီးသွားတွေအတွက် ဒီအပြုအမူဟာ အထူးအဆန်း ဖြစ်ပါတယ်။

၈။ ဟောင်းနေရင် တန်ဖိုးမရှိတဲ့ အမေရိကန်ဒေါ်လာငွေ

play

 

မြန်မာနိုင်ငံမှာ အမေရိကန်ဒေါ်လာငွေကို ကျပ်ငွေနဲ့ အလဲအလှယ်လုပ်တဲ့အခါ ဒေါ်လာတွေက သန့်ရှင်းသပ်ရပ် နေဖို့လိုပါတယ်။ ဒါမှသာမဟုတ်ရင် သင့်အနေနဲ့ လဲလှယ်လို့ရမှာ မဟုတ်သလို ဈေးနှိမ်ခံရနိုင်တာမျိုးလည်း ကြုံရနိုင်ပါတယ်။ ငွေကြေးလဲလှယ်ပေးတဲ့အေဂျင်စီတွေ၊ ဘဏ်တွေအားလုံးမှာ ဒီဓလေ့ကို တွေ့ရနိုင်ပါတယ်။ မြန်မာနိုင်ငံမှာ အမေရိကန်ဒေါ်လာကို လဲလှယ်တဲ့အခါ သင့်ရဲ့ငွေကြေးတွေက ခေါက်ရိုးကျိုးရာ ဖြစ်နေရင်တောင် ပြဿနာရှိနိုင်ပါတယ်။

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ