Lifestyle: နှလုံးသားမှာ ဒဏ်ရာရခဲ့သူတွေ နောက်တစ်ကြိမ် ချစ်မိတဲ့အခါ…

, updated
play

 

အချစ်နဲ့ ပတ်သက်လာရင် အချို့သော သူတွေရဲ့ ရင်ထဲမှာ အမာရွတ်တွေက အမြဲရှိနေတတ်ပါတယ်။

စိတ်ပိုင်းဆိုင်ရာ နာကျင်ထိခိုက်စေခဲ့တဲ့ ဆက်ဆံရေးတစ်ခုရှိလာတဲ့အခါ  ရုပ်ပိုင်းဆိုင်ရာ နှိပ်စက်ခံရတာ မဟုတ်ပေမဲ့လည်း ပုံစံမျိုးစုံနဲ့ ဒဏ်ရာရနေနိုင်ပါတယ်။ အဲဒီဒဏ်ရာမျိုးဟာ အနာဂတ် ဆက်ဆံရေးတွေကိုလည်း သက်ရောက်မှု ရှိနေပါတော့တယ်။

ကိုယ့်အပေါ် ချစ်ကြင်နာ ဂရုစိုက်မယ်လို့ ထင်ထားတဲ့ လူတစ်ယောက်ရဲ့ လှည့်စားခံရ၊ ထိန်းချုပ်ခံရ၊ သိမ်ငယ်အောင် လုပ်ခံရ၊  ကိုယ့်ကိုယ်ကိုယ် တန်ဖိုးမရှိသလို ခံစားရအောင် လုပ်ခံရပြီးတဲ့နောက်မှာ နောက်တစ်ခေါက်ပြန်ချစ်ဖို့ဆိုတာ အလွန်ခက်ခဲတဲ့အရာပါ။

အဲဒါအပြင် ဆက်ဆံရေးတွေအပေါ် သူ့ရဲ့အမြင်တွေ ပြောင်းလဲသွားတတ်ပါတယ်။ အခုဖော်ပြမှာတွေကတော့ အချစ်ရေးမှာ စိတ်ဒဏ်ရာရခဲ့သူတွေ ဖြစ်တတ်တဲ့အရာတွေပါ။

၁။ တတ်နိုင်သလောက် ဝေးဝေးနေတတ်ကြတယ်

play

 

ကိုယ်တကယ်သဘောကျနေရင်တောင် ခပ်ဝေးဝေးမှာပဲနေတတ်ပါတယ်။ စာလာရင် ချက်ချင်းပြန်မပြောတာမျိုး၊ သူနဲ့ အချိန်အများကြီး မကုန်ဆုံးတော့တာမျိုးပေါ့။ အရမ်းနီးစပ်သွားမှာကို မလိုချင်လို့ပါ။

၂။ ဟန်ဆောင်တတ်ကြတယ်

play

 

စိတ်ပိုင်းဆိုင်ရာ ထိခိုက်အောင်လုပ်ခံလိုက်ရပြီးတဲ့နောက် ပွင့်ပွင့်လင်းလင်းပြောရတာ နာကျင်စေတဲ့အရာပါ။ နောက်တစ်ခါ အထိခိုက်မခံနိုင်တော့ပါဘူး။ ကိုယ့်အကြောင်းကို အကုန်ပြောလိုက်ရင် ကိုယ့်ရဲ့အားနည်းချက်ကို သူများ သိသွားပြီး ပစ်မှတ်ဖြစ်မှာ သိပ်ကို စိုးရိမ်ပါတယ်။ တချို့အရာတွေက ကိုယ့်ဖာသာ ကြိတ်မှိတ်နေလိုက်ရတာကို ပိုပြီး လုံခြုံတယ်လို့ ခံစားမိတတ်ကြပါတယ်။

၃။ ဘာပဲဖြစ်ဖြစ် ဖြည်းဖြည်းပဲလုပ်တယ်

play

 

အပြုအမူ နှေးကွေးတာမျိုးကို ပြောတာမဟုတ်ပါဘူး။ စိတ်ခံစားချက်မှာ နှေးကွေးသွားတာပါ။  ဒဏ်ရာရထားတဲ့ ခွေးလေးတစ်ကောင်လိုပေါ့။  ဘယ်အရာမဆို သတိလေးအမြဲရှိနေတတ်တော့တာပါပဲ။ နောက်ထပ် နာကျင်မှုမဖြစ်အောင် ကိုယ့်ကိုယ်ကိုယ် အလိုလိုကာကွယ်ထားတဲ့ စိတ်လေးဖြစ်သွားတယ်။

၎။ အရမ်းသံသယစိတ်များတယ်

play

 

လူတစ်ယောက်က ကိုယ့်ကို မကောင်းဘူးဆိုပြီး နှစ်ပြားမတန်အောင် ခဏခဏပြောပြီး ကိုယ့်ကို ဟိုးအောက်ဆုံးအထိ ချိုးနှိမ်တာကို ခံစားခဲ့ရပြီးတဲ့နောက်  နောက်လူတစ်ယောက် ရောက်လာတဲ့အခါ သူက ကိုယ့်ဘဝထဲကို ဘာလို့ ဝင်ချင်တာလဲလို့ သံသယစိတ်ဝင်မိ ပါတော့တယ်။ ကိုယ့်ကိုချစ်တယ်လို့ပြောလာရင်တောင် ထူးဆန်းသလို ကြည့်မိတတ်ပါတယ်။ ကိုယ့်မှာ တခြားသူကို ဆွဲဆောင်နိုင်တဲ့အရာရှိကောရှိရဲ့လားလို့  ခံစားနေရပြီလေ။

၅။ ကိုယ်တွဲနေသူနဲ့ ပတ်သက်သူတွေကို သိကျွမ်းရမှာ ချီတုံချတုံဖြစ်နေတယ်

play

 

ကိုယ်နဲ့တွဲနေသူရဲ့ မိသားစု၊ သူငယ်ချင်းတွေနဲ့ ခင်မင်လာတဲ့အခါ အရာရာက အလေးအနက်ဖြစ်လာပြီဆိုတဲ့ အဓိပ္ပာယ်၊ သူနဲ့ကိုယ်ရဲ့ ဘဝတွေက ပိုပြီးချည်နှောင်မိသွားပြီဆိုတဲ့ အဓိပ္ပာယ်လည်း ဖြစ်နေတယ်။ အဲဒီလိုဖြစ်မှာကို လန့်မိတဲ့အတွက် အမြဲတမ်း သတိနဲ့ နေတယ်။

၆။ အကောင်းဆုံးကို မျှော်လင့်ကြပေမဲ့ အဆိုးဆုံးကိုလည်း တွေးထားကြတယ်

play

 

ကိုယ်ချစ်ရသူရဲ့  ဆိုးဆိုးရွားရွားဆက်ဆံမှုကို ခံလိုက်ရပြီးတဲ့နောက် ကိုယ့်ရဲ့နှလုံးသားပတ်ပတ်လည်မှာ နံရံတစ်ခု အလိုလို တည်ဆောက်မိပါတော့တယ်။ အရာရာအတွက် အသင့်ပြင်ဆင်ထားတယ်။ ဘယ်အရာမဆို မမြဲဘူး၊ ကိုယ်ဘယ်တော့မှ ထပ်ပြီး နာကျင်မှာမဟုတ်တော့ဘူးဟု မှတ်ယူထားကြပါတယ်။


Source : yourtango

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ