Lifestyle: သင် ဒါတွေဖြစ်နေပြီဆိုရင် ညဘက် စောစောအိပ်ပါ

ဒီအချက်တွေ သင် ဖြစ်နေပြီဆိုရင် ညဘက်မှာ စောစောအိပ်ပြီး အိပ်ရေးဝဖို့ ကြိုးစားသင့်ပါတယ်။

play

 

ညဘက်မှာ ကောင်းမွန်လုံလောက်တဲ့ အိပ်စက်မှုမရှိခြင်းနဲ့ စိတ်ပိုင်းနဲ့ ရုပ်ပိုင်းဆိုင်ရာ ကျန်းမာရေး အခြေအနေကြား နက်ရှိုင်းတဲ့ ဆက်နွယ်မှုရှိနေကြောင်းကို ဆေးသိပ္ပံပညာရှင်တွေက သတိပေးထောက်ပြထားပါတယ်။ အခုဖော်ပြထားတဲ့ အချက်တွေ သင် ဖြစ်နေပြီဆိုရင် ညဘက်မှာ စောစောအိပ်ပြီး အိပ်ရေးဝဖို့ ကြိုးစားသင့်ပါတယ်။

play

၁။ ဒေါသထွက်လွယ်တယ်

အိပ်စက်မှုနဲ့ စိတ်ခံစားမှုဆိုင်ရာ ကျန်းမာရေးမှာ နက်ရှိုင်းစွာ ဆက်နွယ်မှုရှိပါတယ်။ စိုးရိမ်ပူပန်မှုနဲ့ စိတ်ဓာတ်ကျမှု ခံစားနေရသူတွေဟာ ညဘက် အိပ်မပျော်နိုင် ဖြစ်လေ့ရှိသူတွေ ဖြစ်ပါတယ်။ ကောင်းမွန်စွာ အိပ်စက်ရမှုမရှိဘဲ အိပ်ရေးမဝသူတွေဟာ စိတ်ခံစားမှုကောင်း မရနိုင်ဘဲ ဒေါသထွက်လွယ်တာမျိုး ဖြစ်နေတတ်ပါတယ်။

play

၂။ ဖန်တီးနိုင်မှုနဲ့ အလုပ်လုပ်နိုင်စွမ်း လျော့ကျနေတယ်

ကာလရှည်ကြာ အိပ်ရေးမဝဖြစ်နေသူတွေဟာ အာရုံစူးစိုက်မှု လျော့ကျလာပြီး စကားပြောဆိုရာမှာပင် စကားလုံး အသုံးအနှုန်း ပျောက်ဆုံးနေတတ်တာမျိုး ကြုံရနိုင်ပါတယ်။ အိပ်ရေးမဝသူတွေဟာ ဖန်တီးနိုင်မှုနဲ့ အလုပ်လုပ်နိုင်စွမ်း လျော့ကျလာတတ်ပါတယ်။

၃။ ကိုယ်အလေးချိန် တိုးလာတယ်

အိပ်ရေးမဝလေ ခန္ဓာကုိုယ် အလေးချိန်တိုးလာလေ ဖြစ်တတ်ပါတယ်။ ညဘက်အိပ်ချိန် ၆ နာရီအောက် လျော့နည်းသူတွေဟာ ခန္ဓာကိုယ် အလေးချိန်တိုးပြီး ဝဖြိုးလာတတ်ပါတယ်။

play

၎။ မျက်နှာက ကြည့်မကောင်းဘူးဖြစ်နေတယ်

မျက်နှာအသွင်အပြင်က ကြည့်မကောင်း ဖြစ်နေပါတယ်။ မျက်လုံးတွေနီနေတာ၊ မျက်ကွင်းညိုနေတာတွေက အိပ်ရေးမဝသူတွေရဲ့ လက္ခဏာတွေပါ။

၅။ တစ်ခုခုဆုံးဖြတ်ဖို့ တွန့်ဆုတ်နှောင့်နှေးနေတယ်

အိပ်ရေးမဝခြင်းက ဦးနှောက်ကို သက်ရောက်မှုရှိပြီး စဉ်းစားဆုံးဖြတ်မှုတွေ ပြုလုပ်ရာမှာ တွန့်ဆုတ်နှောင့်နှေးနေကာ မပြတ်မသား ဖြစ်နေတတ်ပါတယ်။

play

၆။ လိင်စိတ်လျော့နည်းလာတယ်

အိပ်ရေးမဝမှုက ပင်ပန်းနွယ်လျမှု ဖြစ်စေတဲ့အပြင် အထူးသဖြင့် အမျိုးသမီးတွေမှာ လိင်စိတ်လျော့နည်းတတ်ပြီး အိမ်ထောင်ရေးသုခကို ထိခိုက်စေနိုင်ပါတယ်။

၇။ နေ့အချိန်မှာ အိပ်ငိုက်တတ်တယ်

ညဘက်မှာ လုံလောက်တဲ့ အိပ်စက်မှုမရှိသူတွေဟာ နေ့အချိန်တွေမှာ တက်ကြွမှုနည်းပြီး အိပ်ငိုက်နေတတ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ