Lifestyle: စိတ်ပျက်စရာအကောင်းဆုံး အထက်လူကြီး (၁၀) မျိုး

သူတို့ကြောင့် အလုပ်ပါ ထွက်လိုက်ရတဲ့အထိ ဖြစ်သွားတတ်ပါတယ်။

play

 

လက်အောက် ဝန်ထမ်းအပေါ်မှာ ကောင်းတဲ့ အထက်လူကြီးတွေရှိသလို ကိုယ့်ကို အလုပ်ထွက်ချင်စိတ် ပေါ်လာအောင်ထိ ပြုလုပ်နေတဲံ ဆိုးရွားလွန်းတဲ့ အထက်လူကြီးတွေလည်း ရှိပါတယ်။

လူတစ်ယောက်နဲ့ တစ်ယောက်နဲ့ မတူသလိုပဲ သူတို့ရဲ့ စိတ်ပျက်စရာကောင်းတဲ့ ပုံစံတွေကလည်း တစ်မျိုးစီပါပဲ။ ဒီလိုအထက်လူကြီးမျိုး တစ်ယောက်ရှိရင်တောင် အတော်စိတ်ဆင်းရဲရမှာဖြစ်ပြီး တစ်ယောက်မက ရှိနေရင်တော့ သင်ဟာ သိပ်သနားစရာကောင်းတဲ့ ဝန်ထမ်းဖြစ်နေပါပြီ။

၁။ လမ်းပျောက်နေတဲ့ သိုးငယ်လေး

ရုတ်တရက်ကြီး မမျှော်လင့်ထားဘဲ ရာထူးကြီးကြီးရလိုက်တယ်။ ဘာလုပ်လို့လုပ်ရမှန်းမသိ၊ လူတွေကို ဘယ်လို အုပ်ချုပ်ရမယ်ဆိုတာ နားမလည်ဘဲ မျက်စိသူငယ် နားသူငယ်ဖြစ်နေလို့ သိုးငယ်လေးလို့ တင်စားလိုက်တာပါ။

အဲဒီအချိန်မှာ ဒုက္ခအရောက်ဆုံးကတော့ သူ့လက်အောက်မှာ လုပ်ရသူတွေပါပဲ။ ကိုယ့်အလုပ်လည်း လုပ်ရတယ်၊ သူနားမလည်တာ (သူဘာမှနားမလည်ပါ) ကိုလည်း ရှင်းပြရတယ်၊ ဘာမဟုတ်တဲ့ကိစ္စတွေမှာ နားမလည်ပါးမလည်နဲ့ ဆရာလုပ်တာလည်း ကိုယ့်မှာ ခံရပါတယ်။

၂။ အမြဲစိတ်ပျက်လက်ပျက်ဖြစ်နေသူ

ဝန်ထမ်းတွေဟာ အမြဲတက်ကြွဖို့ လိုအပ်နေတဲ့အချိန်မှာ ခေါင်းဆောင်လုပ်သူက အမြဲတမ်း ညည်းညူစိတ်ပျက်နေတော့ ကျန်တဲ့သူတွေမှာ အလုပ်လုပ်ရတာ ဘယ်လိုမှ အဆင်မပြေပါဘူး။

play

 

၃။ အချစ်ဆုံးသူငယ်ချင်း

အမှတ်တမဲ့ကြည့်ရင်တော့ အစ်ကိုလို၊ အစ်မလို ခင်ရတဲ့ အထက်လူကြီးမျိုး ရထားတာ ကံကောင်းတယ်ပေါ့။ ဒါပေမဲ့ ငါတို့ကမိသားစုတွေပဲ၊ ညီအစ်ကိုတွေပဲ၊ မောင်နှမတွေပဲ ဆိုပြီး အခိုင်းခံရပြီး ဘာအကျိုးအမြတ်မှ ပြန်မလာတာ ခံရသူသာ အသိဆုံးပါ။

၎။ အမြဲတွန်းအားပေးနေသူ

သင့်မှာတော့ ရှိသမျှစွမ်းအကုန်ထုတ်သုံးနေရပေမဲ့ သင် ဒီထက်လုပ်နိုင်သေးတယ်လို့ အမြဲပြောနေတဲ့ အထက်လူကြီးပါ။  စောစောထ၊ နောက်ကျမှအိပ်၊ စနေတင်္ဂနွေလည်းလုပ်ဆိုပြီး အမြဲတမ်း အလုပ်လုပ်ဖို့ပဲ ပြောနေတဲ့သူမျိုး။  သူတို့ကိုယ်တိုယ်ကလည်း အရမ်းအလုပ်လုပ်ပါတယ်။

သူတို့ စိတ်ကျေနပ်အာင် လုပ်ပေးစရာမလိုသလို သူလုပ်သလို လိုက်လုပ်စရာလည်း မလိုပါဘူး။ လဲကျတဲ့အထိ သူ အလုပ်လုပ်ချင်တယ်ဆိုရင် သူ့ဘာသာ လုပ်ပါစေ။

၅။ အပြစ်ပုံချတတ်သူ

အဖွဲ့ရဲ့ လုပ်ဆောင်ချက်ကောင်းနေချိန်ဆိုရင် သူတော်လို့ဆိုတဲ့ ချီးကျူးမှုမျိုးကို သဘောကျနေပေမဲ့ အဖွဲ့က တလွဲလုပ်ရင်တော့ လက်အောက်ငယ်သားမကောင်းလို့ ဆိုပြီ လက်ညှိုးထိုးတဲ့သူမျိုးပါ။

play

၆။ ကလေးဆိုးကြီး

သင့်ကို ကလေးလို ချွဲနွဲ့နေမယ့် ပျော့ပျော့လေးနဲ့နံတဲ့ ကြောင်ချေးမျိုးပါ။ သူ့ရဲ့ အထက်လူကြီးတွေက မကောင်းဘူးဆိုပြီး သင့်ကို အမြဲညည်းညူပြမယ်။ သူလုပ်ရမယ့် အလုပ်တွေကိုလည်း သင့်ကို ဆရာတင်သလိုနဲ့ အကုန်ခိုင်းလိမ့်မယ်။

၇။ အထက်ကိုပဲ တက်လှမ်းချင်သူ

သူတို့ကတော့ ရာထူးတက်မယ်ဆိုရင် ဘာပဲလုပ်ရလုပ်ရ လုပ်မယ့်သူမျိုး။ သင့်ကို သူတို့အောင်မြင်မှုအတွက် လှေခါးထစ်တစ်ခုလို့သာ မြင်ပါလိမ့်မယ်။

၈။ အသေးစိတ်ကအစ လိုက်ပြောသူ

ဒီလိုအထက်လူကြီးမျိုးဟာ သင် ကီးဘုတ်နဲ့ ထရိုက်ချင်လောက်အောင် ဆိုးတဲ့သူမျိုးပါ။ သင့်ရဲ့စွမ်းဆောင်ရည်ကို ဘယ်တော့မှ မယုံကြည်ဘဲ အသေးစိတ်ကအစ အမြဲ သူ့ကို သံတော်ဦးတင်နေရတဲ့အတွက် သင့်အလုပ်က ထင်သလောက် ခရီးမတွင်တော့ပါဘူး။

play

 

၉။ နိုင်ငံရေးသမား

ဘယ်တော့မှ မတည်တဲ့ ကတိတွေကို အမြဲပေးသူပေါ့။ အလုပ်တစ်ခု ပြီးမြောက်ရင် ဘယ်ရွေ့ဘယ်မျှ ဘောနပ်စ်ရအောင် လုပ်ပေးမယ်လို့ ကတိပေးပေမဲ့ သင်သာ အဲဒီလို အလုပ်ပေါင်း အခု ၁၀၀ ပြီးသွားတယ်၊ သူ့ဘက်ကကတော့ ဘာဘောနပ်စ်မှ ရအောင် မစွမ်းဆောင်ပေးနိုင်သေးပါဘူး။

၁၀။ မကောင်းဆိုးဝါး

သူကတော့ သင့်ကို ဧည့်သည်တွေရှေ့မှာ အော်ဟစ်တယ်။ တခြားဝန်ထမ်းတွေရှေ့မှာလည်း သရော်လှော်ပြောင်တဲ့ သူပါ။

Source & Photos : Life

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ