Lifestyle: ဝီစကီသောက်လို့ အသက်ရှည်တာဆိုတဲ့ အသက် ၁၁၀ အရွယ် အဘွားအို

သူမဟာ ဗြိတိန်ရဲ့ အသက်အကြီးဆုံး အမျိုးသမီးတစ်ဦးဖြစ်ပါတယ်။

play

 

စက်တင်ဘာလ ၁၆ ရက်နေ့မှာ အသက် ၁၁၀ ပြည့် မွေးနေ့ကို ကျင်းပခဲ့တဲ့ ဗြိတိန်ရဲ့အသက်အကြီးဆုံး အမျိုးသမီးကြီးတစ်ဦးက သူမ အသက်ရှည်ရခြင်းအကြောင်းအရင်းကို ထုတ်ဖော်ပြောကြားခဲ့တာ ဖြစ်ပါတယ်။

သူငယ်ချင်းတွေကြားထဲမှာ Amazing Gace လို့ ခေါ်ကြတဲ့ ဂရေ့စ်ဂျုန်းစ်ဟာ ယူကေရဲ့ ဒသမမြောက် အသက်အကြီးဆုံးသူ ဖြစ်ပါတယ်။

သူမဟာ Famous Grouse မုယောဝီစကီကို နှစ်ပေါင်း ၆၀ တိုင်တိုင် ညအိပ်ခါနီးတိုင်း သောက်တယ်လို့ ဆိုပါတယ်။

"အိပ်ခါနီး ဝီစကီသောက်ဖို့ ဘယ်တော့မှ မမေ့ဘူး။ ညဘက်မှာ အဖော်ဆိုလို့ ဝီစကီပဲရှိတာ" လို့ ဘရော့ဒ်ဝေးမှာ နေထိုင်တဲ့ သမီးတစ်ဦးသာရှိတဲ့ ဂရေ့စ်က ပြောပါတယ်။

play
သမီးဖြစ်သူ အသက် ၇၈ နှစ်အရွယ် ဒါဒရီမက်ကာသီနဲ့အတူ တွေ့ရစဉ်

 

"ဝီစကီက လူနဲ့တည့်တယ်။ အဘွားအသက် ၅၀ ကစပြီး ညတိုင်းသောက်တာဆိုတော့ နှစ်ပေါင်း ၆၀ ရှိပြီပေါ့။ အခုချိန်မှာ ရပ်လိုက်ဖို့လည်း စိတ်ကူးမရှိဘူး" လို့ သူမကဆိုပါတယ်။

"အဘွားရဲ့ဆရာဝန်ကလည်းပြောတယ်။ ဝီစကီကို ဆက်သောက်ပါ ဂရေ့စ်။  အဲဒါ ခင်ဗျားရဲ့နှလုံးအတွက် ကောင်းတယ်လို့ ပြောတယ်" လို့ သူမက ပြောခဲ့ပါတယ်။

အခု အသက် ၁၁၀ အရွယ်မှာ သူမဟာ အသက် ၆၀ အရွယ်ကအတိုင်းပဲ ခံစားရဆဲဖြစ်ပြီး အအာအင်တွေ အပြည့်ရှိနေတုန်းလို့ ဆိုပါတယ်။

"ကျွန်မအမေက တကယ့်ကို ထူးခြားတဲ့သူပါ။ သူက လှပပြီး ဉာဏ်လည်းထက်တယ်။ အမြဲသတိရှိတယ်။ အခုထိလည်း သတိရှိနေတုန်းပဲ" လို့ သူမရဲ့ အသက် ၇၈ နှစ်အရွယ် သမီး ဒါဒရီမက်ကာသီက ပြောပြခဲ့ပါတယ်။

Source & Photos : Metro

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ