Lifestyle: သားဖြစ်သူ မင်္ဂလာဆောင်စရိတ်ရဖို့ အလုပ်ကြမ်းဝင်လုပ်ပြီး ပိုက်ဆံကူရှာပေးတဲ့ မိခင်

, updated

ပိုက်ဆံ များများ ရဖို့ခက်ခဲပင်ပန်းတဲ့ အလုပ်ကြမ်းကို လုပ်ဖို့ သူမ ရွေးချယ်ခဲ့ပါတယ်။

play

 

မိခင်မေတ္တာဟာ ဘယ်လောက်ကြီးမားတယ်ဆိုတာ တရုတ်နိုင်ငံမှာ နေထိုင်တဲ့ ဇူယာလင်းဆိုသူ အမျိုးသမီးက သက်သေပြလျက်ရှိပါတယ်။

play

 

အသက် ၄၇ နှစ်အရွယ် ဇူယာလင်းဆိုတဲ့ အမျိုးသမီးက တရုတ်နိုင်ငံ မြောက်ပိုင်း ဟီဘိုင်ပြည်နယ်မှာ နေထိုင်သူ ဖြစ်ပါတယ်။ သူမရဲ့ သားဖြစ်သူဟာ ချစ်သူကောင်မလေးနဲ့ မင်္ဂလာဆောင်ဖို့အတွက် အလုပ်လုပ်ပြီး ပိုက်ဆံစုနေသူပါ။ သားဖြစ်သူရဲ့ မင်္ဂလာစရိတ်ကို အလုပ်လုပ်ပြီး ကူရှာပေးဖို့ ဇူ တစ်ယောက်ဆုံးဖြတ်လိုက်ပါတယ်။

play

 

အဲဒီနောက် ဆောက်လုပ်ရေးလုပ်ငန်းတွေထဲက ပင်ပန်းခက်ခဲတဲ့ သံချည်၊ သံကွေး အလုပ်တွေကို သူမဝင်ရောက်လုပ်ကိုင်ခဲ့ပါတယ်။ ဒီလုပ်ငန်းခွင်ဟာ အမျိုးသားတွေတောင် ပင်ပန်းတဲ့ အလုပ်ဖြစ်တာကြောင့် ဝင်ရောက်လုပ်ကိုင်သူ အမျိုးသမီးအလုပ်သမား ရှားပါးလေ့ရှိပါတယ်။ ဇူရဲ့ အဓိကအလုပ်က အဆောက်အဦဆောက်ဖို့ ဆင်ထားတဲ့ သံချောင်းတွေကို သံမဏိကြိုးတွေနဲ့ လိုက်လံ ချည်နှောင်ရတာ ဖြစ်ပါတယ်။

play

 

တစ်ရက်ကို ဇူက ဒီလိုချည်နှောင်မှုပေါင်း ၄၀၀ ကျော်လောက် လုပ်နိုင်တယ်လို့ ဆိုပါတယ်။ လုပ်အားခအနေနဲ့ ဇူဟာ တစ်ရက်ကို ယွမ်ငွေ ၁၉၀ (မြန်မာငွေသုံးသောင်းဝန်းကျင်) ရရှိပါတယ်။ သူမရဲ့ သားဖြစ်သူ ပေးရမယ့် မင်္ဂလာသတို့သမီး လက်ဖွဲ့ဟာ ယွမ်ငွေ ၆၆၀၀၀ လောက်ရှိပြီး မြန်မာငွေ သိန်းတစ်ရာကျော်လောက် ကျသင့်မှာ ဖြစ်ပါတယ်။ ဒီငွေပမာဏရဖို့ သူတို့သားအမိ နှစ်ဦးလုံး နေ့စဉ် အလုပ်ကြိုးကြိုးစားစား လုပ်ကြတယ်လို့ဆိုပါတယ်။

Source : China+

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ