Lifestyle: ကားတစ်စီးဝယ်ရင် ဦးစားပေး စစ်ဆေးသင့်တဲ့ အချက် ၄ ချက်

ကိုယ်တိုင်ကားအကြောင်းနားမလည်ရင် ကျွမ်းကျင်တဲ့သူတွေနဲ့ တိုင်ပင်သင့်ပါတယ်။

play

 

လူတစ်ရာ ရာခိုင်နှုန်းမှာ ကိုးဆယ်လောက်က ကားတစ်စီးလောက်ပိုင်ချင်တဲ့ ဆန္ဒတစ်ခုတော့ရှိကြမှာ သေချာပါတယ်။ ဒီခေတ်မှာ ကားတစ်စီးကို လွယ်လွယ်ကူကူနဲ့ ကိုယ်ရဲ့စိတ်ကြိုက်ဝယ်ယူရှာဖွေနိုင်တဲ့အချိန်မှာ ကားပိုင်ဆိုင်ပြီးသားသူတွေနဲ့ ကားပိုင်ဆိုင်ဖို့ စိတ်ကူးနေတဲ့သူတွေ သိသားသင့်တဲ့ ကားတစ်စီးမ၀ယ်ခင်  အဓိကထားဦးစားပေး စစ်ဆေးသင့်တဲ့ အချက်တွေကို ဖော်ပြလိုက်ပါတယ်။ ကိုယ်တိုင်ကားအကြောင်းနားလည်တဲ့သူမဟုတ်ရင် ကျွမ်းကျင်တဲ့သူကို ခေါ်သွားပြီး အောက်မှာပြောထားတဲ့ အချက်တွေကို ဦးစားပေးစစ်ဆေးပါလို့ အကြံပြုလိုက်ပါတယ်။

play

 

အင်ဂျင်ပိုင်း

ကားတစ်စီးရဲ့ အသည်းနှလုံးလို့တောင်တင်စားကြတဲ့ အင်ဂျင်ပိုင်းကတော့ လိုရာခရီးကို ပို့ဆောင်ပေးနိုင်ဖို့ အရေးကြီးဆုံးနေရာကပါဝင်သလို ကားရဲ့သက်တမ်းက အင်ဂျင်ရဲ့သက်တမ်းလို့ ပြောစမှတ်ရှိကြလို့ အင်ဂျင်ပိုင်းက အရေးကြီးပါတယ်။ ကားစက်နှိုးပြီး အင်ဂျင်သံမှန်မမှန် အရင်ဆုံးနားထောင်သင့်ပါတယ်။ ပြီးရင် ကားအိတ်ဇောပိုက်ကနေ မီးခိုးထွက်တာပုံမှန်ဟုတ်မဟုတ် စစ်ဆေးဖို့လိုအပ်သလို ကားရဲ့အင်ဂျင်အပူချိန်ပုံမှန် ရှိမရှိကိုလည်း စစ်ဆေးဖို့လိုအပ်ပါတယ်။ နောက်ပိုင်းခေတ်မီကားတွေဆိုရင်တော့ သက်ဆိုင် OBD Tools တွေနဲ့ စစ်ဆေးလို့ ရပါတယ်။

ကားအောက်ပိုင်း

လမ်းကြမ်းကြမ်း၊ လမ်းကောင်းကောင်း ကားတစ်စီးရဲ့အောက်ပိုင်းတွေကောင်းမွန်မှပဲ လိုရာခရီးကို သက်သက်သာသာသွားနိုင်မှာပါ။ ကားအောက်ပိုင်းမှာလည်း နေရာတိုင်းက သူ့နေရာနဲ့သူအရေးကြီးလို့ တိုင်းရော့ဒ်တွေငြိမ်မငြိမ်၊ ဘောဂျွိုင်းတွေ တည့်မတည့်နဲ့ ဘရိတ်ရူးတွေ ကောင်းမကောင်းကိုလည်း စစ်ဆေးဖို့လိုအပ်မှာပါ။

play

 

ကားဘော်ဒီ

Brand New ကားအသစ်တွေဝယ်ရင် ဒီအပိုင်းမှာ ပြဿနာမရှိပေမယ့် Used ကားတွေ ၀ယ်မယ်ဆိုရင်တော့ဒီအပိုင်းက အရေးကြီးပါတယ်။ အတိုက်အခိုက်အပြစ်အနာအဆာကင်းတဲ့ကားဟုတ်မဟုတ်ကို ကားဘောနတ်၊ ဘေးပါးခြမ်းနဲ့ ပတ်တီးအထူအပါးနဲ့ ဘော်ဒီဆေးရောင် ညီမညီကို စစ်ဆေးချာစစ်ဆေးသင့်ပါတယ်။ ဘောနတ်ဖုံးဖွင့်ပြီးရှေ့ခြမ်းက ဒေါက်ကလေးတွေကို သေချာကြည့်ရင်လည်း တိုက်ထားတဲ့ ကားဟုတ်မဟုတ်ဆိုတာ သိနိုင်ပါတယ်။

ကားနဲ့သက်ဆိုင်တဲ့ စာရွက်စာတမ်း

ဒီအပိုင်းကတော မြန်မာနိုင်ငံတွင်းမှာ ကားအရောင်းအ၀ယ်လုပ်မယ်ဆိုရင် လူတိုင်းနီးပါးလုပ်နေကြတဲ့ ကိစ္စတစ်ခုပါ။ သက်ဆိုင်ရာ လိုင်စင်ရုံးကိုသွားပြီး လိုင်စင်မှန်မှန်စစ်ဆေးသင့်သလို ယာဉ်စည်းကမ်း၊ လမ်းစည်းကမ်းဖောက်ဖျက်ထားတာရှိမရှိကိုလည်း သက်ဆိုင်ရာ ယာဉ်ထိန်းရုံးကို သွားရောက်စစ်ဆေးဖို့ လိုအပ်ပါလိမ့်မယ်။

Photos : urasotokiralama,ebay

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ