Lifestyle: ဆားရေကို လောင်စာအဖြစ်သုံးပြီး မောင်းမယ့်ကား

Tesla Motors ရဲ့ ကားတွေနဲ့ နှိုင်းယှဉ်နေကြပါတယ်။

play

 

၂၀၁၄ ခုနှစ်က ဂျနီဗာ ကားပြပွဲမှာ NanoFlowcell AG ကုမ္ပဏီဟာ ဆားရေကိုအသုံးပြုတဲ့ ဘတ္ထရီနဲ့မောင်းမယ့် ကားကို ပြသခဲ့ပါတယ်။ ဒါပေမဲ့ အဲဒီအချိန်တုန်းက အဆိုပါကားရဲ့ လက်တွေ့အသုံးဝင်ပုံကို သံသယဖြစ်ခဲ့ကြပါတယ်။

play

 

အခု Quant e-Sportlimousine ကို ဥရောပလမ်းတွေပေါ်မှာ မောင်းခွင့်ပြုလိုက်ပြီဖြစ်ပါတယ်။ အချို့ကားသတင်း ဝက်ဆိုက်တွေက လျှပ်စစ်ကားကုမ္ပဏီကြီးဖြစ်တဲ့ Tesla Motors ရဲ့ Model S ကားနဲ့ နှိုင်းယှဉ်မှုတွေတောင် ပြုလုပ်နေကြပါတယ်။ Quant e-Sportlimousine ရဲ့ ဒီဇိုင်းဟာ တခြားကားတွေထက်မနိမ့်ဘဲ ဆွဲဆောင်မှု ရှိပါတယ်။

play

 

ဆားရေကို စစ်ထုတ်လည်ပတ်ထားတဲ့ လျှပ်စစ်အားနဲ့ ကားကို လည်ပတ်အလုပ်လုပ်စေမှာ ဖြစ်ပါတယ်။ လျှပ်စစ်အား ထုတ်လုပ်မယ့် လျှပ်စစ်အရည်တွေကို လီတာ ၂၀၀ဆန့် ကန်နှစ်ကန် ဘေးချင်းကပ်ထားပြီး ကားက သယ်ဆောင်မှာ ဖြစ်ပါတယ်။ ကန်နှစ်ကန်မှာ ထားထားတဲ့ အရည်တွေဟာမတူညီဘဲ ကြားထဲမှာ ခြားထားတဲ့အကန့်ကို အရည်တွေဖြတ်တဲ့အခါ တုံ့ပြန်မှုပေါ်လာပြီး လျှပ်စစ်ဖြစ်ပေါ်လာမှာ ဖြစ်ပါတယ်။

play

 

ကားဟာ မြင်းကောင်ရေ ၉၂၀ နဲ့ ၂.၈ စက္ကန့်အတွင်း စမှတ်ကနေ တစ်နာရီမိုင်နှုန်း ၆၂ မိုင်ထိ သွားနိုင်တာ ဖြစ်ပါတယ်။ ဈေးကွက်ထဲမှာ ဒေါ်လာ ၁.၇ သန်းလောက်နဲ့ ရောက်ရှိလာနိုင်ခြေ ရှိပါတယ်။

play

 

Photos & Source: BBC, Quartz

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ