Lifestyle: ကားမောင်းရမှာ ကြောက်နေရင် ဘယ်လိုလုပ်မလဲ

ကားစမောင်းတတ်တဲ့အချိန် တစ်ယောက်တည်းမောင်းရတာ စိတ်လှုပ်ရှားစရာပါ။

play

 

ကားကိုတစ်ခါမှ မမောင်းဘူးတဲ့သူတစ်ယောက်အတွက်တော့ ကားမောင်းရတာ စိတ်လှုပ်ရှားစရာကောင်းမှာ အမှန်ပါပဲ။ ကားနဲ့ ပထမဆုံးထိတွေ့ရမယ့် သူတစ်ယောက်ကတော့ ကြောက်စိတ်တွေ ဖြစ်ပေါ်နေပါလိမ့်မယ်။ ကားမောင်းရမှာကြောက်နေတယ်ဆိုရင် ဘယ်လိုလုပ်မလဲဆိုတာ ဓူဝံပရိသတ်တွေအတွက် ဖော်ပြလိုက်ပါတယ်။

စနစ်တကျ သင်တန်းတက်ဖို့လိုပါတယ်

မြန်မာနိုင်ငံမှာ အသက် ၁၈ နှစ်ပြည့်ပြီးရင် ယာဉ်မောင်းလိုင်စင်လျောက်ထားလို့ရပါပြီ။ ကားတစ်စီးကို စိတ်ချလက်ချမောင်းနှင်နိုင်ဖို့ စနစ်တကျ သင်တန်းတက်ထားတာက အကောင်းဆုံးဖြစ်ပါလိမ့်မယ်။ သင်တန်းစနစ်တကျ တက်ထားရင် ကိုယ့်ကိုယ်ကို ယုံကြည်မှု ပိုရှိလာမှာဖြစ်လို့ပါ။

play

 

နေ့ခင်းအချိန်မှာ ကားမောင်းပါ

ကားစမောင်းမယ့် သူတွေအတွက်တော့ မြင်ကွင်းရှင်းတဲ့အချိန်မှာ ကားမောင်းတာအကောင်းဆုံးပါပဲ။ ညဘက်မှာဆိုရင် ကားအ၀င်အထွက်၊ အယူအဆက လွဲနိုင်ပြီး ရုတ်တရက်အန္တရာယ်ဖြစ်လာတာတွေကို ရှောင်ရှားနိုင်အောင် နေ့ဘက်ကားမောင်းတာ အကောင်းဆုံးပါပဲ။

အဖော်တစ်ယောက်ယောက်ခေါ်သွားပါ

ပထမဆုံးအကြိမ် တစ်ယောက်တည်း ကားထွက်မောင်းဖို့ကတော့ အရမ်းကိုစွန့်စားရာကျပါလိမ့်မယ်။ ကိုယ်နဲ့အတူ အဖော်တစ်ယောက်ခေါ်သွားရင် ယုံကြည့်မှု ပိုမိုရှိလာနိုင်သလို ကားမောင်းတဲ့ နေရာမှာလည်း ကြောက်စိတ်ရှိတော့မှာ မဟုတ်ပါဘူး။

play

 

သတ္တိရှိဖို့လိုအပ်ပါတယ်

ပထမဆုံးအကြိမ် တစ်ယောက်တည်းကားမောင်းတဲ့အချိန်မှာ အနည်းနဲ့အများကြောက်စိတ်တော့ ၀င်ကြမှာပါပဲ။ စိုးရိမ်စိတ် မရှိအောင်လို့ ကိုယ်လုပ်နိုင်တယ်ဆိုတဲ့ စိတ်မွေးပြီးမောင်းရင် အားလုံးအဆင်ပြေသွားပါလိမ့်မယ်။ မတော်တဆဖြစ်ခဲ့ရင်ဆိုတဲ့ စိတ်ကို ခေါင်းထဲက ထုတ်ထားလိုက်တာ အကောင်းဆုံးပါပဲ။

Photos : Pexels,gettyimage

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ