AD
AD
AD
play

 

မော်တော်ကားတစ်စီးဝယ်တော့မယ်ဆိုရင် ကားပိုင်ရှင်တွေအနေနဲ့ ကားမော်ဒယ်လ်၊ ဈေးနှုန်းနဲ့ ကားရဲ့အရောင်တွေကိုလည်း ဦးစားပေးစဉ်းစားလေ့ရှိပါတယ်။ ဗေဒင်အယူအဆအရ အရောင်တိုင်းမှာ သူတို့နဲ့သက်ဆိုင်တဲ့ လွှမ်းမိုးမှုကိုယ်စီရှိကြပြီး အကျိုးသက်ရောက်မှုတွေလည်းရှိတယ်လို့ ယုံကြည်ကြတဲ့သူတွေရှိပါတယ်။

မိမိနှစ်သက်တဲ့ကားအရောင်က ကိုယ့်ရဲ့ စိတ်နေသဘောထား၊ အကျင့်စရိုက်တွေကိုလည်း ထင်ဟပ်စေနိုင်တာကြောင့် ဘယ်လိုစိတ်ထားပိုင်ရှင်တွေက ဘယ်လိုအရောင်တွေကို စိတ်နှစ်သက်သလဲဆိုတာ ကြည့်လိုက်ကြရအောင်။

play

 

အနက်ရောင်

ကားတစ်စီးဝယ်မယ်ဆိုရင် လူ တစ်ရာမှာ ၄၀ လောက်က အနက်ရောင်ကို ကြိုက်ကြတယ်လို့ ဆိုပါတယ်။ အနက်ရောင်က ကျော့ရှင်းမှု၊ ဂန္တဝင်ဆန်မှုနဲ့ အားအင်ပြည့်ဝမှုတို့ကို ဖော်ညွှန်းပါတယ်။ အနက်ရောင်က လျှို့ဝှက်နက်နဲမှုနဲ့ ကြွယ်ဝမှုတွေကိုလည်း ကိုယ်စားပြုသေးတာကြောင့် အနက်ရောင်ကားတွေကို သဘောကျသူအများစုက ယေဘုယျအားဖြင့် ကျော့ရှင်းမှုရှိတဲ့၊ ဂန္တဝင်ဆန်တဲ့အရာတွေကို နှစ်သက်တတ်ပြီး ကားအရောင်အပြင် (ဝတ်စုံလိုမျိုး) အခြားအရာတွေအတွက်လည်း အနက်ရောင်ကိုပဲ ရွေးချယ်လေ့ရှိတတ်ပါတယ်။

အနီရောင်

အနီရောင်က ဆွဲဆောင်အားမြင့်မားမှု၊ စွမ်းအင်ပြည့်ဝမှုတို့ကို ဖော်ညွှန်းပြီး အနီရောင်ကားကို နှစ်သက်သူအများစုက စွဲလန်းမှုအပြည့်နဲ့ ကားကိုမောင်းနှင်တတ်ကြတယ်လုိ့ ဆိုပါတယ်။ အနီရောင်ကားတွေကို သဘောကျသူအများစုက အခွင့်အလမ်းအသစ်တွေ၊ စိန်ခေါ်မှုအသစ်တွေကို ရှာဖွေရင်ဆိုင်လေ့ရှိကြပြီး အောင်မြင်မှုအပေါ်မှာလည်း ဂုဏ်ယူတတ်ကြပါတယ်။ အမျိုးသမီးဖြစ်မယ်ဆိုရင်တော့ အနီရောင်ကားက ကိုယ့်ကိုယ်ကိုယ် ယုံကြည်မှုနဲ့ ထင်ရှားကျော်ကြားမှုကို ထင်ဟပ်ဖော်ပြပေးပါတယ်။

play

 

အဖြူရောင်

အဖြူရောင်ကားကို ရွေးချယ်သူတွေက သန့်ရှင်းခြင်း၊ ရှင်းလင်းသပ်ရပ်ခြင်းကို သဘောကျသူတွေပါ။ အဖြူရောင်ကားပိုင်ရှင်တွေက ကားပေါ်မှာ အညစ်အကြေးတစ်စက်မှ မရှိရလေအောင် မကြာခဏ သန့်ရှင်းရေးလုပ်တတ်ပြီး ကားနည်းတူ သူတို့ရဲ့ပတ်ဝန်းကျင်ကိုလည်း ရှင်းလင်းသပ်ရပ်နေအောင် ဖန်တီးလေ့ရှိပါတယ်။အဖြူရောင်ရဲ့စွမ်းပကားတွေထဲမှာ ချစ်ခြင်းတရား၊ ခေတ်ဆန်မှုနဲ့ ဆန်းသစ်မှုတို့ကိုလည်း ဖော်ညွှန်းတာကြောင့် အဖြူရောင်ကားပိုင်ရှင်တွေဟာ ကမ္ဘာလောကကြီးကို ဆန်း သစ်လှပမှုတွေနဲ့ ရှုမြင်နိုင်သူတွေလို့ ဆိုကြပါတယ်။

ငွေရောင်

ငွေရောင်ကားတွေက လူကြိုက်အများဆုံးကားစာရင်းမှာ တတိယနေရာကလိုက်နေပါတယ်။ ငွေရောင်က နည်းပညာမြင့်မားမှု၊ စတိုင်လ်ကျလှပမှုနဲ့ ခန့်ညားမှုတို့ရဲ့ အရောင်ဖြစ်ပြီး အနက်ရောင်ကားတွေလောက် မတည်ငြိမ်သလို အနီရောင်ကား တွေလောက်လည်း မတက်ကြွတဲ့ စွမ်းအင်တွေကိုလည်း ဖော်ပြနိုင်စွမ်းရှိတယ်။ အမြဲတစေအလုပ်များသူဆိုရင် ငွေရောင်ကားတွေနဲ့ ပိုမိုလိုက်ဖက်ပါလိမ့်မယ်။ အကြောင်းကတော့ ငွေရောင်ကားတွေမှာ ဖုန်နဲ့အညစ်အကြေးတွေ တင်နေရင် ရုတ်တရက်မြင်နိုင်ဖို့ခက်ပြီး အချိန်အတန်ကြာမှ တစ်ခါလောက် သန့်ရှင်းပေးဖို့ လိုတာကြောင့်ပါ။

Source : Motors.com

Photos : Fourtitude,cars world

ဤအကြောင်းအရာကို သင်ဘယ်လိုထင်ပါသလဲ။
AD
More From

Lifestyle

AD