play

 

အိမ်သန့်ရှင်းလေးလုပ်တယ်ဆိုတာ မလွယ်တဲ့ကိစ္စပါ။ တစ်ခုရှင်းလိုက်တာနဲ့ နောက်ထပ် ရှင်းစရာလင်းစရာတွေ တစ်ခုပြီးတစ်ခု ထပ်တွေ့လာရော။ အိမ်အလုပ်လုပ်ရတာ ဘယ်လောက်ပင်ပန်းသလဲဆိုတာတော့ ကိုယ်တိုင်လုပ်ဖူးသူတွေမှသာ သိကြပါလိမ့်မယ်။ အိမ်သန့်ရှင်းရေးလုပ်မယ်ဆိုရင် ဘွားဘွားပြောသွားတဲ့ နည်းလေးတွေက လူပင်ပန်းသက်သာ၊ အချိန်ကုန် သက်သာစေပါတယ်။

၁။ ခေါင်းကပီကေတွေ

ကလေးတွေ ဆော့ကစားရင်း ဆံပင်မှာ ပီကေတွေ ကပ်လာပါတယ်။ ဒီလိုဆိုရင် ဆံပင်ကို ညှပ်ထုတ်ပစ်လိုက်ဖို့ မလိုပါဘူး။ ပီကေပေါ်မှာ မြေပဲထောပတ်ကို သုတ်ပြီး ခွာမယ်ဆို ပီကေတွေ ကွာသွားပါလိမ့်မယ်။

play

 

၂။ မုန့်ဖုတ်ဆိုဒါ

ကြွေပြားခင်းထားတဲ့ ကြမ်းပြင်က အရောင်ညစ်လာလို့ တိုက်ချွတ်မယ်ဆို ကြွေဂျီးချွတ်ဆေးကို သုံးကြပါတယ်။ ကလေးငယ်တွေရှိတဲ့ အိမ်မှာဆိုရင်တော့ သုံးလို့အဆင်မပြေပါဘူး။ အဲ့ဒီအစား မုန့်ဖုတ်ဆိုဒါဖြူးပြီး ရေဆွတ်ကာ တိုက်ပေးမယ်ဆို ကြမ်းပြင်က ပြောင်လက်လာပါလိမ့်မယ်။ ကလေးတွေအတွက်လည်း အန္တရာယ်မဖြစ်စေပါဘူး။ စတီးအိုးတွေ၊ ခွက်တွေကိုလည်း မုန့်ဖုတ်ဆိုဒါနဲ့ပွတ်တိုက်ပေးရင် ပြောင်လက်လာပါလိမ့်မယ်။

play

 

၃။ သွားတိုက်ဆေး

အိမ်မှာ အလှထားတဲ့ ငွေထည်ပစ္စည်းတွေကို သွားတိုက်ဆေးနဲ့တိုက်ပြီး ဆေးပါ။ ငွေပန်းကန်၊ ရေနွေးကရား၊ ငွေထည်လက်ဝတ်ရတနာ စတဲ့အရာတွေအားလုံးကို အဝတ်စပေါ် သွားတိုက်ဆေးလေးနည်းနည်းတင်ပြီး ပွတ်တိုက်ကာ ရေနဲ့ပြန်ဆေးလိုက်ရမှာဖြစ်ပါတယ်။ ရေတွေခြောက်သွားရင် အဝတ်နဲ့ပြန်တိုက်ကြည့်လိုက် အရင်လို မှိန်မနေတော့ဘူး။

၎။ အပြင်မသွားတဲ့ရက်တွေ

အပြင်သွားဖို့ ကြံထားပြီးမှ မိုးရွာလို့ မသွားဖြစ်တော့ဘူးဆိုရင် အိမ်သန့်ရှင်းလေးလုပ်ပေါ့။ ဘွားဘွားကတော့ အဲ့လိုပြောတာပဲ။ ပိတ်ရက်မှလုပ်မယ်ဆိုတဲ့အရာတွေကို အပြင်မသွားဖြစ်တဲ့ရက်မှာပဲ လုပ်ထားလိုက်ပါတဲ့။

 

၅။ ကော်တွေဘယ်လိုခွာမလဲ

အိမ်မှာ လိုအပ်တာလေးတွေ ပြင်ဆင်ရင်း ကော်တွေက လက်မှာ၊ ကြမ်းပြင်မှာ ကပ်သွားပြီဆို ခွာမရတော့ဘူး။ ခွာလိုက်တာနဲ့ ပွန်းပဲ့ကုန်တော့မှာလေ။ အဲ့ဒီလိုဆိုရင် ဆီလေးသုတ်ပြီးမှ ဖြည်းဖြည်းချင်းခွာလိုက်လို့ရပါတယ်။

Source : GHK

ဤအကြောင်းအရာကို သင်ဘယ်လိုထင်ပါသလဲ။
Video