AD
AD
AD

အညစ်အကြေးတွေ၊ ပေကျံစရာတွေ များလွန်းလှတဲ့ ကမ္ဘာကြီးမှာ ကျွန်တော်တို့ရဲ့ အဝတ်အစား ဖြူဖြူလေးတွေ အချိန်မရွေး ပေကျံသွားနိုင်ပါတယ်။ အကယ်၍ မတော်တဆ တစ်ခုခုကြောင့် အဝတ်အစားတွေ ပေစွန်းရတဲ့အခါ ဆပ်ပြာနဲ့လျှော်လည်းမပြောင်၊ အစွန်းချွတ်ဆေးနဲ့ ဖျက်လည်းမပျက်နဲ့ တော်တော် အာရုံနောက်ရပါတယ်။ ဒီကိစ္စကို ဖြေရှင်းဖို့အတွက် နည်းလမ်းလေးတွေ ရှိပါတယ်။ အဝတ်အစားလေးတွေ ပေစွန်းနေရင် ပြန်ဖျက်နိုင်တဲ့ နည်းလမ်းလေးတွေကို ဖော်ပြပေးလိုက်ပါတယ်နော်။

၁။ ကော်ဖီမှောက်ကျမယ်ဆိုရင်...

play
 

ကော်ဖီတို့၊ လက်ဖက်ရည်တို့ကြောင့်ဖြစ်တဲ့ အစွန်းအထင်းတွေကို ဖယ်ရှားချင်ရင် ပြောင်းဖူးမှုန့်နဲ့ ရှာလကာရည်အကြည်ကို ရောလိုက်ပါ။ ပြီးရင် ရလာတဲ့အနှစ်ကို ပေနေတဲ့ နေရာပေါ်မှာလိမ်းပြီး ခဏလောက် အခြောက်လှမ်းထားလိုက်ပါ။ ခြောက်သွားပြီဆိုမှ ဓားလေးနဲ့ အသာလေးပြန်ကော်ထုတ်ပြီး ပုံမှန်အတိုင်း ရေပြန်လျှော်ပေးလိုက်ပါ။

၂။ စတော်ဘယ်ရီသီးစားရင်း အနှစ်တွေပေကုန်ရင်...

စတော်ဘယ်ရီသီးတို့၊ ဘလူးဘယ်ရီသီးတို့လို ဘယ်ရီသီးနွယ်ဝင်တွေကထွက်တဲ့ အချိုရည်တွေဟာ စွန်းထင်းလွယ်ပြီး ဖျက်ရခက်ပါတယ်။ ဒီအစွန်းအထင်းတွေကို ဖယ်ရှားဖို့အတွက် အရင်ဆုံး ရေအေးနဲ့ ပွတ်တိုက်လိုက်ပါ။ ပြီးမှ အပေါ်က သံပုရာရည်နဲ့ ပွတ်ပြီး (၂) နာရီလောက် ဒီတိုင်းထားပေးလိုက်ပါ။ ပြီးရင် အထည်ကို အဝတ်လျှော်စက်ထဲ ထည့်လျှော်လိုက်ပါ။ ပြီးရင်တော့ သွားတိုက်တံလေး တစ်ချောင်းယူပြီး ဆပ်ပြာရည်နည်းနည်းနဲ့ ထပ်ပွတ်လိုက်ပါဦး။ ဒါဆိုရင် အစွန်းတွေပြောင်လောက်ပါပြီ။

၃။ အင်္ကျီပေါ် ဟင်းမှောက်ကျရင်...

play
 

ဟင်းချက်ဆီတို့၊ ထောပတ်တို့ကြောင့်ဖြစ်တဲ့ အစွန်းအထင်းတွေဟာလည်း ဖယ်ရှားရခက်ပါတယ်။ အင်္ကျီပေါ်မှာ ကြက်သားဟင်းဖိတ်သွားလို့ ဆီကွက်ထင်းနေတာကို တွေးကြည့်ပါ။ ဒါကို ဖယ်ရှားဖို့အတွက်ကတော့ ဆီစွန်းထင်းနေတဲ့ အဝတ်အစားကို ရေနွေးပူပူထဲမှာ မိနစ် (၃၀) လောက်ကြာအောင် စိမ်ထားလိုက်ပါ။ ပြီးရင်တော့ ဆပ်ပြာမှုန့်ထည့်ပြီး သွားပွတ်တံလေးတစ်ချောင်းနဲ့ ပွတ်ပေးလိုက်ပါ။ ပြီးရင် ရေနွေးပူထဲမှာ ခဏပြန်စိမ်ထားပြီး ပုံမှန်အတိုင်းပဲ လျှော်ဖွတ်ပေးလိုက်ပါ။

 

၎။ ဖျော်ရည်မှောက်ကျရင်...

အအေးဆိုင်ထိုင်ရင်း ဖျော်ရည်ခွက် မှောက်ကျတဲ့အခါ အင်္ကျီမှာ အစွန်းအထင်းကျန်ခဲ့မှာပါပဲ။ ဒီအစွန်းကို ချွတ်ဖို့ဆိုရင် ဇလုံတစ်လုံးထဲမှာ ပန်းကန်ဆေးဆပ်ပြာရည် (၁/၂) ခွက်ကို ရှာလကာရည်အကြည် (၁/၄) ခွက်နဲ့ ရောစပ်ပေးလိုက်ပါ။ သမအောင်မွှေပြီးရင် ဖျော်ရည်ကြောင့်ဖြစ်တဲ့ အစွန်းကွက်ပေါ်မှာ သုတ်လိမ်းပေးလိုက်ပါ။ မိနစ် (၃၀) လောက် ဒီတိုင်းထားပြီးရင် သွားတိုက်တံလေးတစ်ချောင်းနဲ့ ပွတ်တိုက်ပေးလိုက်ပါဦး။ ပြီးရင်တော့ ရေအေးအေးလေးတစ်ခွက်နဲ့ ပြန်ဆေးချပေးလိုက်ပါ။

၅။ အဝတ်အစားမှာ ပီကေလာကပ်နေရင်...

play
 

အင်္ကျီမှာ ပီကေ (chewing gum) လာကပ်နေရင် တော်တော်အာရုံနောက်ရပါတယ်။ ဖြေရှင်းနည်းကိုမသိခင်ကတော့ အမျှင်တန်းလန်းကြီးကိုဆွဲခွာ၊ လက်ကို ပြန်လာကပ်နဲ့... တော်တော်အာရုံနောက်ရပါတယ်။ အမှန်တော့ နည်းသိရင် လွယ်လွယ်လေးပါ။ ပီကေကပ်နေတဲ့ အဝတ်အစားကို ရေခဲသေတ္တာအအေးခန်းထဲ တစ်ညလောက်ထည့်ထားလိုက်ပါ။ မနက်မိုးလင်းရင် ခဲနေတဲ့ ပီကေလေးကို ဓားနဲ့ ကော်ထုတ်ပြီး ပုံမှန်အတိုင်း ပြန်လည်လျှော်ဖွတ်ပေးနိုင်ပါပြီ။

၆။ ခရမ်းချဉ်သီးဆော့စ် ပေသွားရင်...

ခရမ်းချဉ်သီးဆော့စ်ကြောင့်ဖြစ်တဲ့ အစွန်းအထင်းတွေကို ဖယ်ရှားဖို့ အစွန်းအထင်းပေနေတဲ့အဝတ်အစားကို ရှာလကာရည်ထဲ ထည့်စိမ်လိုက်ပါ။ ဒါမှမဟုတ် ပေနေတဲ့နေရာကို ရှာလကာရည်နဲ့ ပွတ်ပေးလိုက်ပါ။ အဲဒီအတိုင်း တစ်နာရီလောက်ထားပြီး ပုံမှန်အတိုင်းပြန်လျှော်ဖွတ်ပေးလိုက်ရင် ရပါပြီ။

Source: theindianspot

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD