AD
AD
AD

အိမ်မက်တွေမှာ လက်တွေ့အဖြစ်အပျက်နဲ့ ဆက်စပ်နေတဲ့ ထူးဆန်းတဲ့ ဆက်နွယ်မှုတစ်ခု ရှိပါတယ်။ ကျွန်တော်တို့တွေ နေ့စဉ်ဘဝမှာ ကြုံတွေ့နေရတဲ့အရာတွေကို အိမ်မက်ထဲမှာ မြင်မက်တတ်ကြပါတယ်။ တကယ်တော့ ကျွန်တော်တို့ရဲ့ မသိစိတ်ဆိုတာ ဘဝအတွေ့အကြုံတွေ၊ ခံယူချက်တွေ၊ မှတ်ဉာဏ်တွေ အားလုံးကို သိုလှောင်ထားတဲ့ ဂိုထောင်ကြီးတစ်လုံး ဖြစ်ပါတယ်။

play

 

ဒါပေမယ့် အခုဆိုရင် သိပ္ပံပညာတိုးတက်မှုနဲ့အတူ အိမ်မက်တွေကို ဘာသာပြန်နိုင်လာပြီး သီအိုရီပေါင်းများစွာလည်း ထုတ်နိုင်နေပါပြီ။ သိပ္ပံပညာရှင်တွေအတွက်တော့ အိမ်မက်တွေဆိုတာ ဇီဝဗေဒ လုပ်ဆောင်မှုတစ်ခုဖြစ်ပြီး သိစိတ်ရဲ့ ဖြန့်ကျက်မှုတစ်ခုလည်း ဖြစ်ပါတယ်။ အောက်မှာဖော်ပြထားတာကတော့ အိမ်မက်နဲ့ပတ်သက်ပြီး သင်မသိသေးတဲ့ အချက်တွေဖြစ်ပါတယ်။

၁။ အိမ်မက်တွေကို မေ့သွားနိုင်တယ်

play
 

အိမ်မက်မက်တယ်ဆိုတာ ကျွန်တော်တို့တွေ နှစ်နှစ်ခြိုက်ခြိုက် အိပ်ပျော်နေမှ မြင်မက်တာပါ။ ဒါဟာ မှတ်ဉာဏ်လုပ်ဆောင်မှုနဲ့ သင်ကြားမှု/သင်ယူမှုရဲ့ တစ်စိတ်တစ်ပိုင်းလည်း ဖြစ်ပါတယ်။ ဒါပေမယ့် အိမ်မက် (၉၀) ရာခိုင်နှုန်းလောက်ဟာ ကျွန်တော်တို့တွေ နိုးထလာချိန်မှာ မေ့လျော့သွားတတ်ပါတယ်။

၂။ မျက်မမြင်တွေလည်း အိမ်မက်မက်တယ်

နိုးနေချိန်မှာ အမြင်အာရုံမရှိသူတွေတောင်မှ အိမ်မက်ထဲမှာ အရာဝတ္ထုတွေကို မြင်တွေ့နိုင်ကြပါတယ်။ တစ်ခုရှိတာက မွေးကတည်းက မျက်မမြင်ဖြစ်ခဲ့သူတွေကတော့ ရုပ်ပုံလွှာတွေကို မြင်တွေ့ရမှာမဟုတ်ဘဲ သူတို့ရဲ့နေ့စဉ်ဘဝမှာ ထိတွေ့ခဲ့တဲ့ အသံတွေ၊ အနံ့တွေ၊ အထိအတွေ့တွေ၊ စိတ်ခံစားချက်တွေကို သူတို့ကိုယ်တိုင် ပုံဖော်ထားတဲ့ ပုံရိပ်တွေကိုသာ မြင်တွေ့ရမှာပါ။

၃။ သိကျွမ်းရင်းနှီးပြီးသား မျက်နှာတွေကိုပဲ အိမ်မက်မက်မယ်

play
 

အိမ်မက်ထဲမှာ ကိုယ့်ရဲ့သိမှုကို ကျော်လွန်ပြီး ဘာမှမမြင်နိုင်ပါဘူး။ အိမ်မက်ထဲမှာ ကျွန်တော်တို့ မြင်တွေ့ရတဲ့ မျက်နှာတွေဆိုတာ လက်တွေ့ဘဝမှာ ကျွန်တော်တို့ မြင်တွေ့ခဲ့ဖူးတဲ့ မျက်နှာတွေပဲ ဖြစ်ပါတယ်။ ဒါပေမယ့် နေ့စဉ်ဘဝမှာ မျက်နှာပေါင်း ရာနဲ့ထောင်နဲ့ချီပြီး မြင်ဖူးထားတော့ သိစိတ်က မှတ်မိနိုင်မှာမဟုတ်ဘဲ မသိစိတ်ကသာ မှတ်သားထားမှာဖြစ်ပါတယ်။ ဒါကြောင့် မျက်နှာစိမ်းတွေကို အိမ်မက်မက်တယ်လို့ ခံစားရတာ ရှိနိုင်ပါတယ်။

 

၎။ အိမ်မက်မှာ ကိုယ်ပိုင်သင်္ကေတရှိတယ်

အကြောင်းအရာတစ်ခုခုနဲ့ ပတ်သက်ပြီး အိမ်မက်မက်တယ်ဆိုတာမှာ ဖုံးကွယ်ထားတဲ့ အဓိပ္ပာယ်တစ်ခုရှိပါတယ်။ တချို့အဓိပ္ပာယ်တွေက အလွန်ရိုးစင်းပေမယ့် တချို့အဓိပ္ပာယ်တွေကတော့ ဖြစ်ခဲ့ပြီးတဲ့ ကိစ္စတစ်ခုကို ရည်ညွှန်းတာ၊ ဖြစ်လာတော့မယ့် ကိစ္စတစ်ခုကို ရည်ညွှန်းတာ ဒါမှမဟုတ် မိမိရဲ့စိတ်အခြေအနေကို ရည်ညွှန်းတာ စသဖြင့် အဓိပ္ပာယ်အမျိုးမျိုး ထွက်နိုင်ပါတယ်။

၅။ မကောင်းတဲ့စိတ်ခံစားချက်တွေ ရောယှက်နေနိုင်တယ်

play
 

လူတစ်ယောက်ဟာ အိပ်နေချိန်မှာ အများဆုံး အိမ်မက်လေးခုခန့် မြင်မက်နိုင်ပြီး တစ်ခုချင်းစီဟာ မကောင်းတဲ့ စိတ်ခံစားချက်တွေနဲ့ ရောထွေးနေနိုင်ပါတယ်။ တစ်ခါတစ်ရံမှသာ ကောင်းတဲ့ စိတ်ခံစားချက်တွေ ရောနှောပါဝင် နေတတ်တာပါ။

Source: Youngisthan

Postby

 

ဤအကြောင်းအရာကို သင်ဘယ်လိုထင်ပါသလဲ။
AD
More From

Lifestyle

AD