သောကြာနေ့ညတုံးကလည်း နောက်နေ့ ရုံးပိတ်ရက်ပဲဆိုပြီး ဘော်ဒါတွေနဲ့ တစ်ခွက်တစ်ဖလား မော့ထားတယ်။ စနေနေ့ ညတုံးကလည်း နက်ဖြန် တစ်နေကုန် အိပ်လို့ရတာပဲဆိုပြီး ဆက်သောင်းကျန်းထားတယ်။ တနင်္ဂနွေမနက် ရောက်တော့မှ လူတစ်ကိုယ်လုံး ဂိပြီး ဒေါင်ချာစိုင်းနေမယ်ဆိုရင်တော့ စိတ်လက်ပြန်လည် ကြည်လင်စေဖို့၊ အာရုံစူးစိုက်မှု ကောင်းမွန်စေဖို့ တစ်ခုခုတော့ လိုလာပါပြီ။

အများစုကတော့ ကော်ဖီတစ်ခွက်နဲ့ပဲ ဖြေဖျောက်တတ်ကြပါတယ်။ ကော်ဖီထဲမှာ ပါဝင်တဲ့ ကဖင်းဓာတ်ဟာ လူကိုပြန်လည် လန်းဆန်းစေမှာတော့ အသေအချာပဲပေါ့။ ဒါပေမယ့် ကော်ဖီမသောက်ဘဲ စိတ်လက်ပြန်လည် လန်းဆန်းချင်တယ်ဆိုရင်တော့ အောက်ပါနည်းလမ်းလေးတွေလည်း စမ်းသပ်ကြည့်လို့ရပါတယ်။

၁။ မနက်စာကောင်းကောင်း စားပေးမယ်

play
 

မနက်စာဟာ တစ်နေ့တာလုံးမှာ အရေးအကြီးဆုံး အစားအစာတစ်နပ်ပါပဲ။ အဲဒီအဆိုကို ထောက်ခံနေတဲ့ သိပ္ပံနည်းကျ အချက်အလက်တွေလည်း ရှိပါတယ်။ အပြည်ပြည်ဆိုင်ရာ အစားအသောက်သိပ္ပံနဲ့ အာဟာရဗေဒ ဂျာနယ်ထဲမှာ ဖော်ပြထားတဲ့ လေ့လာမှုတစ်ခုအရဆိုရင် မနက်စာကောင်းကောင်းစားသူတွေဟာ စိတ်ဖိစီးမှုနည်းပါးပြီး အာရုံစူးစိုက်နိုင်စွမ်းလည်း ပိုမိုကောင်းမွန်ပါတယ်တဲ့။

၂။ ရေအေးနဲ့ ရေချိုးပေးမယ်

ညနေရုံးဆင်းချိန်မှာ ရေနွေးနွေးလေးနဲ့ ရေချိုးပေးရတာ (သို့) ရေနွေးကန်ထဲမှာ ရေစိမ်ပေးရတာ သိပ်ကောင်းတဲ့အရသာပါ။ ဒါပေမယ့် မနက်ခင်းအချိန်မှာ ရေအေးအေးနဲ့ စကော့ခ်ျစတိုင်လ် ရေချိုးပေးခြင်းကလည်း ခန္ဓာကိုယ်အတွက် လိုအပ်တဲ့ စွမ်းအင်နဲ့ အာရုံစူးစိုက်မှုတွေကို ရရှိစေနိုင်ပါတယ်။ မနက်ခင်းအချိန်မှာ ရေချိုးခြင်းက စိတ်ကိုလန်းဆန်းတက်ကြွစေပြီး တစ်နေ့တာ လုပ်ဆောင်မှုတွေကို လုပ်ဆောင်နိုင်ဖို့အတွက် ခွန်အားကိုလည်း ပေးစွမ်းနိုင်ပါတယ်လို့ ဆေးပညာနေ့စဉ် ဂျာနယ်မှာ ဆိုထားပါသေးတယ်။

ရေအေးနဲ့ ထိတွေ့လိုက်ခြင်းက အသက်ရှူနှုန်းကို ပိုမိုမြန်ဆန်စေပြီး အောက်ဆီဂျင်တွေကို ခန္ဓာကိုယ်ထဲကို ပိုမိုလျင်မြန်စွာနဲ့ များပြားစွာ ရောက်စေနိုင်တဲ့အတွက် ခန္ဓာကိုယ်ခုခံအားစနစ်ရဲ့ အလိုအလျောက်တုံ့ပြန်မှုအရ စွမ်းအင်တွေ ထွက်လာတာလို့ ဆိုနိုင်ပါတယ်။

၃။ ကီဝီသီးစားပေးမယ်

play
 

ဒီအမွှေးပွသီးလေးကတော့ ခန္ဓာကိုယ်အတွက် လိုအပ်တဲ့ စွမ်းအင်တွေကို ဖြည့်စွမ်းပေးနိုင်တဲ့ ဗိုက်တာမင်တွေ၊ သတ္ထုဓာတ်တွေနဲ့ ပြည့်နေတဲ့ သစ်သီးတစ်မျိုးပဲ ဖြစ်ပါတယ်။ ဥပမာ... ဗိုက်တာမင်စီတို့၊ ပိုတက်စီယမ်တို့ပေါ့။ နောက်ပြီး ကမ္ဘာပေါ်မှာ လူစားအများဆုံး သစ်သီးဝလံ (၂၇) မျိုးစာရင်းထဲမှာတောင် ကီဝီသီးက အာဟာရတန်ဖိုး အပြည့်ဝဆုံးထဲမှာ ပါပါတယ်။ သုတေသီတွေက ပြောထားတာကတော့ တစ်နေ့ကို ကီဝီသီး (၂) လုံး စားပေးမယ်ဆိုရင် မောပန်းနွမ်းနယ်ခြင်းနဲ့ စိတ်ဓာတ်ကျဆင်းခြင်း ဝေဒနာတွေကို သက်သာစေနိုင်ပါတယ်။ ပြီးတော့ ခွန်အားကိုလည်း တိုးစေပါတယ်တဲ့။

၎။ ပျားဝတ်မှုန်သောက်မယ်

The Beauty of Detox Foods (အဆိပ်အတောက်ပြေစေတဲ့ အစားအစာတွေရဲ့ အလှတရား) စာအုပ်ကို ရေးတဲ့ စာရေးဆရာမ Kimberly Snyder ကတော့ "ဇွန်းတစ်ချောင်းထဲက ခွန်အားတိုးဆေး" လို့ သူမနာမည်ပေးထားတဲ့ အရာလေးကို စမ်းကြည့်ကြဖို့ အကြံပြုထားပါတယ်။ ဒါကတော့ ပျားဝတ်မှုန် (Bee Pollen) ပါ။

ပျားဝတ်မှုန် လက်ဖက်ရည်ဇွန်း တစ်ဇွန်းစာကို စားအုန်းဆီနည်းနည်းရောပြီး သောက်ပေးမယ်ဆိုရင် ခန္ဓာကိုယ်အတွက် လိုအပ်တဲ့ စွမ်းအင်တွေကို ရရှိစေနိုင်ပါတယ်။ ပျားဝတ်မှုန်ထဲမှာ မရှိမဖြစ်လိုအပ်တဲ့ အာဟာရဓာတ်တွေပါဝင်ပြီး ခန္ဓာကိုယ်အတွက် သက်လုံနဲ့ အာရုံစူးစိုက်နိုင်စွမ်းကို တိုးမြင့်စေနိုင်ပါတယ်။

၅။ နားရွက်နောက်ဘက်ကို နှိပ်နယ်ပေးမယ်

play
 

တရုပ်ရိုးရာရှေးဟောင်းဆေးနည်းတစ်မျိုးအရတော့ နားရွက်နောက်ဘက်မှာ ခန္ဓာကိုယ်စွမ်းအင်နဲ့ ဆိုင်တဲ့ သွေးကြောတချို့ စုနေတဲ့အတွက် နားနောက်ပိုင်းကို အသာအယာ ပွတ်သပ်နှိပ်နယ်ပေးမယ်ဆိုရင် ခန္ဓာကိုယ်သွေးလည်ပတ်မှုကို ပိုမိုမြန်ဆန်စေပြီး စွမ်းအင်တွေကို ထုတ်လွှတ်ပေးနိုင်ပါတယ်။

ဒီလိုနှိပ်ဖို့အတွက် တရုပ်သိုင်းကားတွေထဲကလို အကြောပိတ်ပညာတွေ၊ အကြောပြင်ပညာတွေလည်း တတ်ဖို့ မလိုပါဘူး။ လက်ချောင်းလေးတွေကိုပဲ သုံးပြီး နားနောက်ဘက်က နေရာလေးကို ပွတ်သပ်နှိပ်နယ်ပေးရုံပါပဲ။ ဒီနည်းလမ်းလေးက ကဖင်းဓာတ်မလိုဘဲ ခွန်အားနဲ့ အာရုံစူးစိုက်မှုကို တိုးစေနိုင်ပါတယ်။

Source: Reader's Digest

Postby

 

ဤအကြောင်းအရာကို သင်ဘယ်လိုထင်ပါသလဲ။
Video