တစ်အိမ်ထဲမှာနေသူ မိသားစုဝင်များပြီး နေရထိုင်ရမလွတ်လပ်တဲ့သူတွေ အများကြီးရှိမှာပါ။ ရန်ကုန်လူနေမှုပုံစံအရ တိုက်ခန်းကျဉ်းကျဉ်းလေးတွေထဲမှာ မိသားစုဝင်တွေ အများစုနေထိုင်ကြရတဲ့အတွက် တစ်ခါတလေမှာ မိသားစုဝင်တွေ ဘုရားဖူးသွားမယ်ဆိုရင်၊ အိမ်မှာလူမရှိဘူးဆိုရင် လုပ်မိတတ်တဲ့ အမူအကျင့်လေးတွေ ရှိတတ်ပါတယ်။ အဲဒါတွေကတော့....

၁။ သီချင်းဖွင့်ပြီးကမယ်

play
 

တစ်ခါတလေမှာ ကိုယ့်အခန်းထဲမှာ သီချင်းအကျယ်ကြီးဖွင့်ပြီး ကချင်စိတ်တွေ ပေါ်မိမှာပါပဲ။ ဒါပေမယ့် အိမ်မှာ တခြားအိမ်သားတွေ ရှိနေတဲ့အခါ မလုပ်ဖြစ်ဘူးပေါ့။ ဒီလိုမဟုတ်ဘဲ အိမ်မှာတခြားအိမ်သားတွေမရှိချိန်မှာတော့ ကိုယ်အကြိုက်ဆုံး သီချင်းကို အသံအကျယ်ဆုံးဖွင့်ပြီး အော်ဟစ်လိုက်ဆိုမိ၊ ကခုန်မိမှာပါပဲ။ ကိုယ့်ကိုစိုက်ကြည့်နေမယ့် မျက်လုံးတွေမရှိလို့ သူများဝေဖန်ခံရမှာလည်း ပူစရာမလိုတော့ဘူးပေါ့။ နောက်ပြီးတော့ အဲဒီလိုကခုန်ခြင်းဟာ စိတ်ဖိစီးမှုတွေကို လျော့ပါးစေပါတယ်။

၂။ ဖုန်းအေးဆေးပြောမယ်

play
 

တစ်ခါတလေ ကိုယ့်ရည်းစားနဲ့ဖုန်းပြောတာတို့၊ အချစ်ဆုံးသူငယ်ချင်းနဲ့ အတင်းတုပ်တာတို့လုပ်ချင်ရင် ဘေးမှာမိသားစုဝင်တွေ ရှိနေရင် ပြောရတာအဆင်မပြေပါဘူး။ ဒါကြောင့် အိမ်မှာဘယ်သူမှမရှိတဲ့အချိန်ဟာ ဖုန်းပြောလို့အကောင်းဆုံးအချိန်ပါပဲ။ ဆိုဖာပေါ်မှာ ပက်လက်တစ်မျိုး၊ မှောက်ခုံတစ်မျိုး၊ ဇောက်ထိုးမိုးမျှော်တစ်မျိုးလုပ်ရင်း ဖုန်းကိုအေးဆေးပြောလို့ရတာပေါ့။

၃။ စားချင်တာချက်စားမယ်

play

မိသားစုတွေ ရက်ရှည်ခရီးထွက်သွားတဲ့အချိန်ဆိုတာ မီးဖိုချောင်ထဲဝင်ပြီး ကိုယ်စားချင်တာကို လက်စွမ်းပြလို့ရတဲ့ အချိန်ပါပဲ။ အွန်လိုင်းမှာတွေ့ထားတဲ့ ချက်နည်းပြုတ်နည်းတွေကို လက်တည့်စမ်းချင်တယ်ဆိုရင်

မီးဖိုချောင်ရဲ့အကြီးအကဲ အမေမရှိတဲ့အချိန်လောက် လက်တည့်စမ်းလို့ကောင်းတဲ့အချိန် ဘယ်မှာရှိဦးမလဲ။ တစ်ခုတော့ရှိတာပေါ့နော်။ ကိုယ်ချက်ထားတာကို ကိုယ်ပြန်စားရဲဖို့တော့ လိုတာပေါ့။

၎။ သူငယ်ချင်းတွေကို ဖုန်းဆက်ခေါ်မယ်

အိမ်မှာလူကြီးတွေရှိနေတဲ့အချိန် သူငယ်ချင်းတွေကို အိမ်အလည်ခေါ်လို့ အဆင်မပြေပါဘူး။ ယောက်ျားလေးဆိုရင် မိန်းကလေးတွေအကြောင်းပြောမယ်။ ဘောလုံးပွဲအကြောင်းပြောမယ်။ ဂိမ်းအကြောင်းပြောမယ်။ မိန်းကလေးတွေဆိုရင် ကောင်လေးတွေအကြောင်းပြောမယ်။ မင်းသား၊ မင်းသမီးတွေအကြောင်း အတင်းတုပ်မယ်။ ဖက်ရှင်အကြောင်းပြောမယ် စသဖြင့်ပေါ့။ ဒါကြောင့် အိမ်မှာလူကြီးတွေ မရှိတဲ့အချိန်ဆိုတာ သူငယ်ချင်းတွေကို အိမ်ကိုခေါ်ပြီး ပါတီပေးဖို့ အကောင်းဆုံးအချိန်ပဲပေါ့။

၅။ ဝတ်စားဆင်ယင်မယ်

play
 

အိမ်မှာလူကြီးတွေမရှိတုန်း ဗီရိုထဲမှာရှိတဲ့ အဝတ်အစားတွေကို ဆွဲထုတ်ပြီး ဝတ်စားဆင်ယင်ကြည့်ဖူးကြလား မသိဘူး။ ဟိုအင်္ကျီလေးနဲ့ ဒီဘောင်းဘီလေးနဲ့ တွဲကြည့်လိုက်၊ ဒီဂါဝန်လေးနဲ့ ဟိုဂျက်ကင်လေးနဲ့ တွဲကြည့်လိုက်နဲ့ ကိုယ့်သီးခြားကမ္ဘာလေးထဲမှာ ကိုယ်ပိုင်ဒီဇိုင်နာလုပ်လို့ရပါတယ်။ ကိုယ်လုံးပေါ်မှန်တစ်ချပ်ရှေ့မှာ အဝတ်အစားတွေလဲပြီး အမျိုးမျိုး အိုက်တင်ထုတ်ရတာ အိမ်မှာလူမရှိတုန်းမှ လုပ်လို့ကောင်းတာပါ။ များသောအားဖြင့် မိန်းကလေးတွေ လုပ်လေ့ရှိတယ်ဆိုပေမယ့် ယောက်ျားလေးတွေလည်း တစ်ခါတလေ လုပ်တတ်ကြပါတယ်။

Source: Youngisthan

ဤအကြောင်းအရာကို သင်ဘယ်လိုထင်ပါသလဲ။
Video