AD
AD
AD

ကတ္တီပါမွေ့ယာ၊ ဇိမ်ယူဖို့ spa ၊ (၂၄) နာရီ ဆေးဝါးကုသစောင့်ရှောက်မှု၊ ဘယ်လ်ဂျီယမ်နိုင်ငံက တင်သွင်းတဲ့ အယ်လ်ကိုဟော မပါဝင်တဲ့ဘီယာ.... အစရှိတဲ့ စကားလုံးတွေကို ကြားလိုက်ရရင် သန်းကြွယ်သူဋ္ဌေးကြီးတစ်ယောက်ရဲ့ လူနေမှုပုံစံလို့ ထင်မိကြပါလိမ့်မယ်။ တကယ်တော့ ဒါတွေဟာ ပိုးမွေးသလိုမွေးထားတဲ့ အိန္ဒိယနိုင်ငံက အိမ်မွေးခွေးလေးတွေရဲ့ နေထိုင်မှုပုံစံပါပဲ။ နည်းနည်းတော့ မနာလိုဖြစ်သွားတယ် ဟုတ်။

play

 

Critterati ဟာ တောင်အာရှမှာတော့ အိမ်မွေးခွေးတွေအတွက် ရည်ရွယ်ဖွင့်လှစ်ထားတဲ့ ပထမဦးဆုံး ဇိမ်ခံဟိုတယ်တစ်လုံး ဖြစ်ပါတယ်။ အခန်းခတွေကတော့ တစ်ညကို အမေရိကန်ဒေါ်လာ (၇၀) ဝန်းကျင်ရှိပြီး သူတို့ရဲ့ပျော်ရွှင်မှုနဲ့ သက်တောင့်သက်သာ ရှိမှုတို့ကိုသာ အလေးထားတဲ့ ပိုင်ရှင်တွေကတော့ သူတို့အတွက် ပိုက်ဆံကို ရက်ရက်ရောရောသုံးပြီး ထားပေးကြပါတယ်။

play

 

အိန္ဒိယနိုင်ငံမှာ လမ်းဘေးခွေး သန်း (၃၀) လောက် တစ်နေ့တစ်နေ့ ငတ်မသေအောင် ရုန်းကန်နေရချိန်မှာ St Bernards တို့၊ Labrador တို့၊ Lhasa Apsos တို့လို ခွေးတွေကတော့ အိမ်မွေးတိရစ္ဆာန် ထိန်းသိမ်းစောင့်ရှောက်မှု စနစ်ကောင်းကောင်းအောက်မှာ တော်ရုံလူတွေထက်တောင် ဇိမ်ကျနေပါသေးတယ်။

Critterati ဟိုတယ်ရဲ့အမှုဆောင်အရာရှိချုပ်ဖြစ်တဲ့ Deepak Chawla ကတော့ ဟိုတယ်ကို နယူးဒေလီမြို့မှာ ဖွင့်လှစ်ခဲ့ခြင်းက ချမ်းသာကြွယ်ဝတဲ့ မိသားစုဝင်တွေအတွက် ပုံမှန်ထက်သာတဲ့ ဝန်ဆောင်မှုတွေကို ပေးစွမ်းလိုတဲ့ ရည်ရွယ်ချက်နဲ့ပဲ ဖြစ်ပါတယ်လို့ ဆိုထားပါတယ်။ "ကိုယ့်ခွေးကိုယ် ချစ်တဲ့ဘယ်လိုသခင်မျိုးကမှ ကိုယ့်ခွေးကိုယ် သာမန်ခွေးစောင့်ရှောက်ရေးဂေဟာတွေမှာ ထားခဲ့ချင်မှာလဲဗျာ" လို့လည်း သူကဆိုပါတယ်။

play

 

အာရှတိုက်ရဲ့စီးပွားရေးဘီလူးကြီးတစ်ကောင်ဖြစ်တဲ့ အိန္ဒိယနိုင်ငံဟာ စီးပွားရေးကဏ္ဍမှာ တိုးတက်လာတဲ့အတွက် မိမိတို့ရဲ့ အိမ်မွေးခွေးတွေကို အခုလိုမျိုး ဇိမ်ခံဟိုတယ်တွေမှာ ထားမယ်ဆိုလည်း အခက်အခဲမရှိ ထားနိုင်နေကြပါပြီ။ အိန္ဒိယနိုင်ငံရဲ့ အိမ်မွေးခွေးအရေအတွက်ဟာဆိုရင် ၂၀၀၂ ခုနှစ်မှာ ကောင်ရေ (၂) သန်း၊ ၂၀၁၆ ခုနှစ်မှာ ကောင်ရေ (၁၅) သန်း ဖြစ်လာခဲ့ပြီး လာမယ့် ၂၀၂၁ ခုနှစ်မှာ ကောင်ရေ (၂၆) သန်းထိ ဖြစ်လာလိမ့်မယ်လို့ ခန့်မှန်းထားပါတယ်။

Critterati ဟိုတယ်ရဲ့အကောင်းဆုံးအခန်းဟာဆိုရင် ပိုးဖဲကတ္တီပါ မွေ့ယာ၊ တယ်လီဗီးရှင်းတို့အပြင် လေသာဆောင်ဆီထွက်လို့ရတဲ့ သီးခြားခွေးတိုးပေါက်တောင် ပါဝင်ပါသေးတယ်။ နောက်ပြီး ခွေးတွေ ရေဆင်းကူးနိုင်မယ့် ခွေးရေကူးကန်ရယ်၊ ခွေးတွေအတွက် ဆီလူးအနှိပ်ခန်းရယ်၊ (၂၄) နာရီ ဆေးဝါးကုသစောင့်ရှောက်မှုရယ်လည်း ပါဝင်ပါသေးတယ်။ ထမင်းနဲ့ကြက်သားအပြင် မက်ဖင်မုန့်၊ ပန်ကိတ်၊ ရေခဲမုန့်၊ အယ်လ်ကိုဟောမပါဝင်တဲ့ ဘယ်လ်ဂျီယံဘီယာတို့ကို ရရှိနိုင်တဲ့ ခွေးကဖေးတွေလည်း ပါရှိပါသေးတယ်။

play

 

ပိုင်ရှင်တွေအနေနဲ့ မိမိတို့ရဲ့အိမ်မွေးခွေးလေးတွေကို နာရီပေါင်းများစွာကြာအောင် ထားခဲ့လို့လည်းရပါတယ်လို့ Chawla က ဆိုပါတယ်။ "မနက် (၇) နာရီမှာ အိမ်သာသွားဖို့အချိန်ပေးတယ်။ ပြီးရင် မနက်စာကျွေးတယ်။ ပြီးရင် အိမ်သာပြန်သွားခိုင်းတယ်။ ပြီးရင် နှစ်နာရီလောက် ပေးဆော့ခိုင်းတယ်။ ပြီးရင်တော့ ရေကူးခိုင်းတယ်။ ပြီးရင်ပြန်ဆော့ခိုင်းပြီး ကဖေးဆိုင်အတွက် အချိန်ပေးပါတယ်" လို့ Chawla က ဆိုပါတယ်။

play

 

အစာအကြွင်းအကျန်လေးတွေကို မျက်နှာငယ်လေးတွေနဲ့ စောင့်မျှော်နေတဲ့ လမ်းဘေးခွေးတွေနဲ့ ကွဲပြားတာက Critterati ရဲ့ ဖောက်သည်တွေ (ချမ်းသာတဲ့ သခင်ရဲ့ အိမ်မွေးခွေးလေးတွေ) ဟာ သူတို့လိုအပ်သမျှကို ရရှိနိုင်သလို သူတို့ကိုယ်သူတို့ မိဘတွေလို့ ယူဆကြတဲ့ သခင်တွေကလည်း သူတို့ရဲ့ သားသမီးလေးတွေ (ခွေးလေးတွေ) အတွက် သုံးလိုက်ရတဲ့ ပိုက်ဆံကို ထိုက်တန်တယ်လို့ ယူဆကြပါတယ်။

Source: channelnewsasia

ဤအကြောင်းအရာကို သင်ဘယ်လိုထင်ပါသလဲ။
AD

AD