မြို့ပြလူနေမှုစနစ်က ရှုပ်ထွေးပါတယ်။ ဖဲချပ်အိမ်တွေလို ထောင်ထားတဲ့ တိုက်ခန်းကျဉ်းကျဉ်းလေးတွေထဲမှာ ညအိပ်လိုက်၊ နောက်တစ်နေ့မှာ ဝင်ငွေရှာဖို့အတွက် လိုင်းကားတိုးစီးပြီး အလုပ်ကိုသွားလိုက်၊ အလုပ်ထဲမှာ အထက်လူကြီးကထောင်း၊ လုပ်ဖော်ကိုင်ဖက်က ပညာပြ၊ customer က တိုင်နဲ့ စိတ်ပျက်ညည်းငွေ့ဖွယ် တစ်နေ့တာကို ဖြတ်သန်းပြီးတဲ့အခါ တိုက်ခန်းကျဉ်းလေးထဲကို ပြန်ရောက်လာ၊ နောက်တစ်နေ့ အလုပ်ပြန်သွားနဲ့ သံသရာလည်နေတာပါ။

မြို့ပြလူနေမှုစနစ်ရဲ့ စိတ်ဖိစီးမှုကလည်း အလွန်တရာမှ မြင့်မားပါတယ်။ ဒီတော့ လူတိုင်းလူတိုင်းမှာ စိတ်ဖိစီးမှုတွေနဲ့ ဝေးရာ၊ စိတ်ရှုပ်ထွေးစရာ ကိစ္စတွေနဲ့ ဝေးရာနေရာလေးတစ်ခုတော့ လိုအပ်ပါတယ်။ ဒီလိုနေရာလေးရဖို့အတွက် မိမိရဲ့လက်ရှိ အခန်းလေးကိုပဲ မွန်းမံပြင်ဆင်မှုတွေ ပြုလုပ်မယ်ဆိုရင်ကော....

၁။ ရနံ့ကုထုံး (Aromatherapy)

play
 

Essential oil လေးတွေ ထည့်သုံးရတဲ့ Oil diffuser (ရနံ့ထုတ်စက်) ပဲဖြစ်ဖြစ်၊ မွှေးရနံ့ပါတဲ့ ဖယောင်းတိုင်ပဲဖြစ်ဖြစ် မိမိအခန်းလေးထဲမှာ ထားထားမယ်ဆိုရင် ဝင်လိုက်တာနဲ့ ရနံ့လေးက မွှေးပျံ့ပြီး စိတ်ကို ကြည်လင်လန်းဆန်း စေမှာပါ။ အလုပ်ထဲက ဒရာမာတွေ၊ စိတ်ဖိစီးမှုတွေကို မေ့ပျောက်ပြီး စိတ်ကိုသက်တောင့်သက်သာ ရှိစေမှာအမှန်ပါပဲ။

ဒီနေရာမှာ မိမိအနှစ်သက်ဆုံး ရနံ့ပါဝင်တဲ့ အဆီကို ရွေးချယ်ဝယ်ယူတတ်ဖို့က အဓိကကျပါတယ်။ မိမိအတွက် စိတ်ကို အမောပြေစေမယ့် ရနံ့လေး အခန်းထဲမှာ သင်းပျံ့နေတော့ စိတ်ကိုချမ်းသာစေတာပေါ့။

၂။ စိတ်ကိုကြည်လင်စေမယ့် သီချင်းလေးတွေဖွင့်ပါ

play
 

အသံကောင်းကောင်းထွက်တဲ့ Woofer (ဆောင်းဘောက်) တစ်လုံးအတွက် ငွေကုန်ကြေးကျခံလိုက်တာက နောက်ဆက်တွဲ အကျိုးကျေးဇူးတွေ အများကြီးကို ရရှိစေမှာပါ။ သာယာငြိမ့်ညောင်းတဲ့ စန္ဒရားသံတိုးတိုးလေး၊ ဆွဲဆွဲငင်ငင်နဲ့ တယောထိုးသံ ချိုအီအီလေးတွေ ပျံ့လွှင့်နေတဲ့ အိပ်ခန်းလေးက တစ်နေ့စာအမောတွေကို ပြေပျောက်စေနိုင်မှာပါ။ ဘာဖွင့်ရမှန်းမသိရင် Youtube မှာ relaxing music လို့ပဲ ရိုက်ကြည့်ပြီး ပေါ်လာတဲ့ playlist ကိုသာ ဖွင့်ကြည့်လိုက်ပါ။

၃။ အပြာရောင်ဆေးသုတ်ပါ

play
 

လူတိုင်းလူတိုင်းက မိမိရဲ့အိပ်ခန်းလေးကို မိမိနှစ်သက်ရာအရောင်နဲ့ ဆေးသုတ်ခြင်း (သို့) နံရံကပ်စက္ကူကပ်ခြင်းတွေကို ပြုလုပ်တတ်ကြပါတယ်။ အဲဒီမှာ အရောင်ရွေးချယ်မှုက အရေးပါပါတယ်။ မိမိရွေးချယ်လိုက်တဲ့ အရောင်က စိတ်ကိုမှုန်မှိုင်းစေတဲ့ အရောင်ဖြစ်နေရင် အချိန်တိုင်းလိုလို စိတ်ညစ်ညူးနေရမှာပါ။ အကောင်းဆုံးရွေးရောင်မှုကတော့ အပြာရောင်ပါပဲ။ အပြာရောင်ဟာ

စိတ်ကိုငြိမ်သက်စေတဲ့ အစွမ်းရှိပါတယ်။ နောက်ပြီး အပြာရောင်ဟာ စိတ်ကူးသစ်တွေပေါ်ပေါက်လာစေဖို့အတွက် လှုံ့ဆော်ပေးနိုင်စွမ်းလည်း ရှိပါတယ်။ ဒါကြောင့် အိမ်ခန်းဆေးရောင် ရွေးချယ်မှုကို ကောင်းမွန်စွာရွေးချယ်တတ်ပါစေ။

၎။ စိတ်ငြိ်မ်ဧရိယာလေးတစ်ခု သတ်မှတ်ထားပါ

play
 

မိမိစိတ်ကို တည်ငြိမ်စေမယ့် နေရာထောင့်လေးတစ်ခုကတော့ လူတိုင်းမှာ လိုအပ်တာပါပဲ။ စာအေးဆေးဖတ်လို့ရမယ့် ပက်လက်ကုလားထိုင်လေး တစ်လုံး ဖြစ်ချင်ဖြစ်မယ်။ ရုပ်ရှင်ထိုင်ကြည့်နေကျ ဆိုဖာလေးတစ်လုံး ဖြစ်ချင်ဖြစ်မယ်။ နောက်ဆုံး မိမိရဲ့အိပ်ယာလေး ဖြစ်ချင်ဖြစ်မယ်။ အဲဒီနေရာလေးကို တတ်နိုင်သမျှ သန့်ှရှင်းသပ်ရပ်အောင် ထားခြင်းက စိတ်ကိုကြည်လင် လန်းဆန်းစေပြီး စိတ်ဖိစီးမှုတွေကို လျော့ပါးစေနိုင်ပါတယ်။

၅။ ခေါင်းအုံးကို လာဗင်ဒါဆီ ဖြန်းပေးပါ

play
 

လာဗင်ဒါပန်းဆီဟာ ကျန်းမာရေးအကျိုးကျေးဇူးတွေ အများကြီးပါရှိတဲ့အတွက် နာမည်ကြီးပါတယ်။ အဲဒီထဲမှာ ညဘက်မှာ ကောင်းကောင်းအိပ်ပျော်စေခြင်းလည်း ပါဝင်ပါတယ်။ ဒါကြောင့် ညမအိပ်ခင်မှာ အိပ်ယာခင်းနဲ့ ခေါင်းအုံးစွပ်ကို လာဗင်ဒါဆီ ပက်ဖြန်းပေးပြီးမှ အိပ်ကြည့်ပါ။ စိတ်ကိုကြည်လင်လန်းဆန်းပြီး စိတ်သောကတွေ ကင်းဝေးသွားပါလိမ့်မယ်။

Source: theculturetrip

ဤအကြောင်းအရာကို သင်ဘယ်လိုထင်ပါသလဲ။
Video