AD
AD
AD
play

 

ကိုယ်ပိုင်လုပ်ငန်းလေးတစ်ခုတည်ထောင်နိုင်တယ်ဆိုတာက အိမ်မက်တွေလက်တွေ့အကောင်အထည်ပေါ်လာပြီး သိပ်ကိုပျော်စရာကောင်းတဲ့ကိစ္စပါပဲ။ ဒါပေမဲ့အဲဒီပျော်ရွှင်စရာအိပ်မက်လေးဆက်လက်ရှင်သန်ဖိုိ့ဆိုရင်တော့ အခက်အခဲတွေကိုရင်ဆိုင်ကျော်လွှားနိုင်မှ ဖြစ်မှာပါ။ ဒါဆိုရင် အသစ်စတင်တဲ့ကိုယ်ပိုင်လုပ်ငန်းရှင်တွေ ရင်ဆိုင်ရတဲ့အခက်အခဲတွေနဲ့ ကျော်လွှားနိုင်မယ့်နည်းလမ်းတွေကဘာတွေများဖြစ်မလဲ...ကြည့်လိုက်ကြရအောင်။

(၁) လက်ရှိအလုပ်ကထွက်ပြီး ပုံမှန်ဝင်ငွေကိုစွန့်လွှတ်လိုက်ရခြင်း

ကိုယ်ပိုင်လုပ်ငန်းစတင်တဲ့အချိန်မှာ လက်ရှိလုပ်နေတဲ့ဝန်ထမ်းအလုပ်ကနေထွက်လိုက်ရပြီး ပုံမှန်ဝင်ငွေတစ်ခုကို စွန့်လွှတ်လိုက်ရတာက ကြီးမားတဲ့စိန်ခေါ်မှုကြီးတစ်ခုပါပဲ။ ကိုယ့်ရဲ့ကိုယ်ပိုင်လုပ်ငန်းကအမြတ်ပေါ်ပြီး ဝင်ငွေတစ်ခု မရှိသေးချိန်မှာ ကိုယ်ပိုင်အသုံးစရိတ်အတွက်အခက်အခဲရှိလာနိုင်သလို ပုံမှန်ဝင်ငွေမရှိလို့ စိတ်ဖိစီးမှုတွေလည်း ဝင်လာနိုင်ပါတယ်။ အမြတ်မရှိသေးဘဲ လုပ်ငန်းရဲ့လည်ပတ်ငွေထဲကနေကိုယ်သုံးဖို့ ထုတ်သုံးနေရရင်လည်း စာရင်းပိုင်းရှုပ်ထွေးမှုတွေဖြစ်ပေါ်လာနိုင်ကာ လုပ်ငန်းကတိုးတက်မှုနှေးကွေးသွားနိုင်ပါတယ်။ဒီအခက်အခဲကြောင့် စတင်ပြီးမကြာခင်မှာတင်ရပ်နားသွားကြတဲ့ကိုယ်ပိုင်လုပ်ငန်းရှင်တွေလည်း အများကြီးပါပဲ။

ဒီအခက်အခဲကိုကျော်လွှားနိုင်ဖို့အကြံပေးချင်တာကတော့ ကိုယ်ပိုင်လုပ်ငန်းမစတင်ခင် လိုအပ်တဲ့အရင်းအနှီးအတွက် တွက်ချက်ရာမှာ ကိုယ့်ရဲ့လုပ်ငန်းမှာကိုယ်တိုင်ပါဝင်လုပ်ကိုင်ရတဲ့အတွက် ကိုယ့်ကိုယ်ကိုယ်လစာငွေပမာဏတစ်ခု သတ်မှတ်ပြီး ထည့်သွင်းတွက်ချက်ထားဖို့ပါ။ ဒီလိုနည်းနဲ့သင်ဟာ အလုပ်ကထွက်လိုက်ပြီး ကိုယ်ပိုင်အလုပ်လုပ်နေပေမယ့် လစဉ်ဝင်ငွေတစ်ခုဆက်ရှိနေမှာဖြစ်သလို ကိုယ့်ရဲ့အသုံးစရိတ်အတွက် လုပ်ငန်းရဲ့လည်ပတ်နေတဲ့ငွေထဲကနေ ထုတ်သုံးဖို့ လည်းမလိုအပ်တော့ပါဘူး။

(၂) ကြီးမားတဲ့ဆုံးဖြတ်ချက်တွေကိုယ်တိုင်ချမှတ်ရခြင်း

ဝန်ထမ်းဘဝမှာ ယူရတဲ့စွန့်စားမှုတွေက ကိုယ်ပိုင်လုပ်ငန်းရှင်တစ်ယောက်ဖြစ်လာချိန်မှာယူရတဲ့စွန့်စားမှုတွေနဲ့ယှဉ်ရင် အသေးအမွှားဖြစ်နေမှာပါ။ ကိုယ့်ရဲ့ကိုယ်ပိုင်လုပ်ငန်း၊ကိုယ်ပိုင်ငွေ အရှုံး၊အမြတ်က ကိုယ့်ရဲ့ဆုံးဖြတ်ချက်တွေပေါ်မှာ မူတည်နေမှာဖြစ်တာကြောင့် ချမှတ်ရတဲ့ဆုံးဖြတ်ချက်တိုင်းကကြီးမားနေမှာပဲ ဖြစ်ပါတယ်။ ဒီအခါမှာစိုးရိမ်စိတ်တွေဝင်လာပြီး လွဲမှားတဲ့ဆုံးဖြတ်ချက်တွေချမှတ်မိကာ ဆုံးရှုံးနစ်နာမှုတွေနဲ့ ကြုံရနိုင်ပါတယ်။

ဒီအခက်အခဲကိုကျော်ဖြတ်ဖို့အတွက် ကိုယ့်ရဲ့အတွေ့အကြုံ၊ဗဟုသုတတွေနဲ့ ထိုးထွင်းသိမြင်မှုအပေါ် ယုံကြည်မှုထားပါ။ ကိုယ်မကျွမ်းကျင်တဲ့ကိစ္စတွေအတွက်ဆုံးဖြတ်ချက်တွေချမှတ်ရတော့မယ်ဆိုရင် သက်ဆိုင်ရာနယ်ပယ်အလိုက် ကျွမ်းကျင်ပြီးအတွေ့အကြုံရှိသူတွေဆီကအကြံဥာဏ်ကိုရယူပါ။

play

 

(၃) မူလအိုင်ဒီယာကို စွန့်လွှတ်မိခြင်း

မလုပ်ခင်တုန်းက ကိုယ့်ရဲ့အိုင်ဒီယာအပေါ်မှာ ယုံကြည်မှုရော၊ စိတ်အားထက်သန်မှုရောမြင့်မားခဲ့ပေမယ့် လက်တွေ့လုပ်တဲ့အချိန်မှာ ဈေးကွက်ထဲကအကျိုးအမြတ်များများရနေတဲ့ တခြားလုပ်ငန်းတွေကိုမြင်တွေ့ပြီး ကိုယ့်ရဲ့မူလအိုင်ဒီယာကိုစွန့်လွှတ်ပြီး ကိုယ်ကြိုတင်မစီစဉ်ထားတဲ့၊ မကျွမ်းကျင်တဲ့တခြားလုပ်ငန်းပုံစံတစ်ခုကို ပြောင်းလဲလုပ်ကိုင်မိတာဟာလည်း လုပ်ငန်းတည်ထောင်ခါစမှာကြုံတွေ့ရနိုင်တဲ့အခက်အခဲတစ်ခုပါပဲ။

ဒီအခက်အခဲကိုကျော်လွှားနိုင်ဖို့အတွက် ကိုယ့်ရဲ့မူလအိုင်ဒီယာပေါ်မှာပဲအာရုံစူးစိုက်ထားပြီး ငါးပွက်ရာငါးစာချ ဆိုသလိုမျိုးမလုပ်ဖြစ်အောင်ကြိုးစားသွားရမှာပါ။

(၄) အရင်းအနှီးမလုံလောက်ခြင်း

လုပ်ငန်းတကယ်စတင်ပြီးလည်ပတ်တဲ့အချိန်မှာ ကိုယ်မူလတွက်ထားတာထက်ပိုမိုကုန်ကျပြီး အရင်းအနှီးမလောက်မင ဖြစ်ကာ ရှေ့မဆက်နိုင်တဲ့ လုပ်ငန်းတွေအများကြီးရှိပါတယ်။

ဒီအခက်အခဲကိုကျော်လွှားနိုင်ဖို့ဆိုရင်တော့ လုပ်ငန်းမစတင်မီကတည်းက Plan B အနေနဲ့ငွေကြေးအရင်းအနှီးလိုလာခဲ့ရင် ဘယ်လိုနည်းလမ်းနဲ့ရှာဖွေသွားမယ်ဆိုတာကိုကြိုတင်စဉ်းစားထားဖို့လိုပါတယ်။ ရင်းနှီးမြုပ်နှံမယ့်သူတွေဖိတ်ခေါ်တာ၊ ဘဏ်ချေးငွေရယူတာနဲ့တခြားနည်းလမ်းတွေကိုကြိုတင်ရှာဖွေထားရမှာပါ။ ကိုယ့်ရဲ့လုပ်ငန်းကတည်ထောင်ပြီးသား ဖြစ်နေတဲ့အတွက် ရင်းနှီးမြုပ်နှံမှုဖိတ်ခေါ်တာပဲဖြစ်ဖြစ်၊ ဘဏ်ချေးငွေရယူတာပဲဖြစ်ဖြစ် လုပ်ငန်းလက်ကိုင်မရှိသေးဘဲ ရှာဖွေရတာထက်စာရင် ပိုမိုလွယ်ကူမှာပဲ ဖြစ်ပါတယ်။

(၅) ဝန်ထမ်းကောင်းတွေမခန့်အပ်နိုင်ခြင်း

တည်ထောင်ခါစလုပ်ငန်းအသစ်ဖြစ်တဲ့အတွက် အရည်အချင်းရှိကျွမ်းကျင်တဲ့ဝန်ထမ်းတွေကိုခေါ်ယူဖို့ ခက်ခဲနေတာမျိုးနဲ့ ကြုံရနိုင်ပါတယ်။ ကျွမ်းကျင်ဝန်ထမ်းတွေက ကုမ္ပဏီကြီးကြီးတွေမှာပဲ လစာကောင်းကောင်းနဲ့လုပ်ချင်တတ်ကြတာပါ။ ဒီအတွက်ရရာလူကိုခန့်လိုက်ရပြီး လုပ်ငန်းအောင်မြင်မှုအတွက်ကြီးမားတဲ့အခက်အခဲကြီးတစ်ခုဖြစ်လာနိုင်ပါတယ်။

ဒါပေမဲ့စိတ်ဓါတ်ကျစရာမလိုပါဘူး။ဒီအခက်အခဲကိုကျော်လွှားနိုင်မယ့်နည်းလမ်းတွေရှိပါတယ်။ ဝန်ထမ်းတွေအများကြီး ခန့်မယ့်အစား ကျွမ်းကျင်ဝန်ထမ်းအနည်းငယ်ကို သူတို့ကုမ္ပဏီကြီးတွေမှာမရနိုင်တဲ့ ရာထူးကြီးကြီးပေးအပ်ကာ လစာကိုလည်းမနည်းအောင်ပေးတာ၊ ကျောင်းပြီးခါစလူငယ်တွေထဲက အရည်အချင်းရှိပြီးကိုယ့်လုပ်ငန်းနဲ့ကိုက်ညီနိုင်မယ့် သူတွေကို စိတ်ရှည်ရှည်နဲ့ရွေးချယ်ခန့်အပ်ကာ အလုပ်ထဲရောက်မှကိုယ့်စိတ်ကြိုက်သင်တန်းပေးပို့ချတာ စတဲ့နည်းလမ်းတွေဟာ ဒီအခက်အခဲကိုကျော်လွှားနိုင်မယ့်နည်းလမ်းတွေပဲဖြစ်ပါတယ်။ သတိပြုရမှာကတော့ လုပ်ငန်းစတင်တဲ့အချိန်မှာ ကိုယ်နဲ့ခင်မင်နှီးတဲ့သူငယ်ချင်းတွေ၊ ဆွေမျိုးတွေကိုပဲ ကိုက်ညီမှု ရှိ၊မရှိအကဲမဖြတ်ဘဲ ဝန်ထမ်းအဖြစ်ခေါ်ယူခန့်အပ်တာမျိုးမလုပ်မိဖို့ပဲ ဖြစ်ပါတယ်။

ဒီနေ့ကမ္ဘာမှာ လူမှုပတ်ဝန်းကျင်နဲ့ သဘာဝပတ်ဝန်းကျင်ဆိုင်ရာ အရေးတကြီး လိုအပ်ချက်တွေကိုဖြည့်ဆည်းပေးနိုင်ဖို့ အတွက် စိတ်အားထက်သန်ပြီး သူတို့ရဲ့ အရည်အသွေးတွေနဲ့ စွမ်းအင်တွေကို ပိုမိုကောင်းမွန်တဲ့ ကမ္ဘာတစ်ခုတည်ဆောက် ရာမှာအသုံးချနေတဲ့ မျိုးဆက်သစ်တစ်ရပ် ရှိနေပါတယ်။ Chivas Regal ဟာ အဲဒီမျိုးဆက်သစ်တွေကို အဓိပ္ပာယ်ပြည့်ဝတဲ့နည်းလမ်းတွေနဲ့ ထိတွေ့ဆက်ဆံပြီး သူတို့တွေထဲကနေ အောင်မြင်တဲ့ လူမှုကူညီရေး စွန့်ဦးတီထွင်လုပ်ငန်းရှင်တွေ ပေါ်ထွက်လာစေဖို့အတွက် အားပေးကူညီသွားဖို့ ဆုံးဖြတ်ထားပါတယ်။

စီးပွားရေးလုပ်ငန်းနဲ့ တီထွင်ဖန်တီးမှုတွေက ကောင်းမွန်မှုအတွက်အင်အားတစ်ရပ်ဖြစ်လာနိုင်တယ်လို့ Chivas Regal က စိတ်ထဲနှလုံးထဲက ယုံကြည်ထားပါတယ်။ www.chivas.com ကိုဝင်ရောက်ပြီးတော့ ဆက်လက်လေ့လာဖတ်ရှု့နိုင် ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD