ယောက်ျားလေးတွေရဲ့ အားသာချက်က ဆံပင်ဘယ်လောက်တိုတို ဖက်ရှင်ကျကျနဲ့ အလန်းဆုံးပုံစံဖြစ်အောင် ဆင်ယင်လို့ရတာပါပဲ။ ဆံပင်ပုံစံအမျိုးမျိုး ပြောင်းလဲရတာ အားမရလို့ ကတုံးတုံးလိုက်ပြီဆိုရင် လိုက်ဖက်တဲ့ဖက်ရှင်တွေကို စိတ်ကြိုက်ရွေးချယ်နိုင်တယ်လေ။ ရက်အနည်းငယ်လောက် သာသနာ့ဘောင်ဝင်ပြီး ဆံပင်ပြန်မပေါက်သေးတဲ့အချိန်မှာလည်း ဒီလိုဖက်ရှင်တွေဝတ်ပြီး စမတ်ကျကျစတိုင်လ်၊ အမိုက်စားစတိုင်နဲ့ ကောင်မလေးတွေငေးသွားအောင် လန်းလို့ရပါသေးတယ်။
၁။ Bomber Jacket
ဆံပင်တစ်ချောင်းမှမရှိပေမဲ့ Bomber Jacket သာ ဝတ်ထားလိုက်ရင် ရေရေလည်လည် လန်းပါတယ်။ ကတုံးတုံးထားတဲ့ အမျိုးသားတွေရော ဆံပင်ပါးတဲ့ အမျိုးသားတွေအတွက်ပါ အလွန်လိုက်ဖက်တဲ့ ဖက်ရှင်ပါ။ အဆိုတော် နစ်ခ်ဂျိုနက်စ်ဆိုရင် ဒီလိုဂျက်ကက်မျိုးတွေ အမြဲတမ်းဝတ်ပါတယ်။
၂။ ရှပ်အကျႌအကွက်
အကွက်ဒီဇိုင်းမျိုးစုံနဲ့ ရှည်အကျႌလက်ရှည်တွေကိုလည်း ရွေးချယ်သင့်ပါတယ်။ ကန့်လန့်စင်းတွေ၊ ဒေါင်လိုက်စင်းတွေပါတဲ့ ရှပ်အကျႌမျိုးကိုတော့ မရွေးပါနဲ့။
၃။ ဘွတ်ဖိနပ်အမည်း
ချည်သားဖြစ်ဖြစ်၊ သားရေဖြစ်ဖြစ် ဘွတ်ဖိနပ်အမည်းတွေဆိုရင် ကိုကိုကတုံးတွေနဲ့ အရမ်းလိုက်ပါတယ်။ ကင်းဗတ်စ်ဖိနပ်တွေလည်း လိုက်ဖက်ပေမဲ့ အနက်ရောင်ဖြစ်နေမှ ဆံပင်မရှိတဲ့အမျိုးသားတွေနဲ့ လိုက်ဖက်ပါတယ်။ ရှောင်ရမှာက ညှပ်ဖိနပ်တွေပါ။
၄။ ဂျင်းဘောင်းဘီရှည်
ဒီလိုအချိန်မျိုးမှာ စတိုင်လ်ပန်တွေကို ခဏခေါက်ထားလိုက်ပါ။ ဂျင်းဘောင်းဘီရှည်ကိုပဲ ဝတ်သင့်ပါတယ်။
၅။ Accessories
ဦးထုပ်၊ ခါးပတ်၊ လည်စည်းပုဝါ၊ ဆွဲကြိုး၊ ချိန်းကြိုးတွေလို ဖက်ရှင်အသုံးအဆောင်တွေနဲ့ ထပ်မံဖြည့်စွက်နိုင်ပါသေးတယ်။
Source : MFM