ကျွန်မတို့ မိန်းကလေးတွေအကုန်လုံးကတော့ ကြည်လင်စိုပြေတဲ့၊ အစက်အပြောက်ကင်းတဲ့ အသားအရေကို ပိုင်ဆိုင်ချင်ကြတာချည်းပါပဲ။ လှပတဲ့ အရေပြားကို ပိုင်ဆိုင်နိုင်ဖို့ရာလည်း အလှကုန်ပစ္စည်းစုံအောင်ကို သုံးဖြစ်ကြတယ်လေ။ သဘာဝပစ္စည်းတွေကလည်း ငွေကုန်ကြေးကျမများဘဲ အသားအရေကို လှပစေနိုင်ပါတယ်။ အသားအရေကို ကြည်လင်သန့်ရှင်းစေပြီး စိုပြေစေမယ့် နည်းလမ်းတစ်ခုကို အုန်းဆီနဲ့ပြုလုပ်ကြည့်ရအောင်ပါ။
လိုအပ်တာကတော့ မုန့်ဖုတ်ဆိုဒါ - လက်ဖက်စားဇွန်း ၁ ဇွန်းနဲ့ အုန်းဆီစစ်စစ် - လက်ဖက်စားဇွန်း ၂ ဇွန်းတို့ ဖြစ်ပါတယ်။ နှစ်မျိုးလုံးကို ခွက်တစ်ခုထဲမှာ ရောမွှေလိုက်ရင် အနှစ်အသွင် ရလာပါလိမ့်မယ်။ ဒီအနှစ်ကို မျက်နှာပေါ်မှာလိမ်းထားပြီး ၁၅ မိနစ်ကြာမှ ရေကြက်သီးနွေးလေးနဲ့ ဆေးချလိုက်ပါ။ လက်ချောင်းလေးတွေကို အသုံးပြုပြီး မျက်နှာကို ၁ မိနစ်ခန့် စက်ဝိုင်းပုံလှည့်လည်ကာ နှိပ်ပေးလိုက်ပါဦး။ ပြီးမှ ရိုးရိုးရေနဲ့ ထပ်ဆေးလိုက်ပါ။
ဒါဆိုရင်တော့ ကြည်လင်စိုပြေနေတဲ့ မျက်နှာအသားအရေကို မြင်ရမှာဖြစ်ပြီး စိတ်ကျေနပ်မှုု ရသွားပါလိမ့်မယ်။ ဒီနည်းကို တစ်ပတ်မှာ နှစ်ကြိမ်၊ သုံးကြိမ်လောက် လုပ်လို့ရပါတယ်။ အုန်းဆီဟာ အသားအရေကို နုပျိုစိုပြေစေပါတယ်။ သဘာဝမိတ်ကပ်ဖျက်ဆေးလည်း ဖြစ်တာကြောင့် မျက်နှာပေါ်က အညစ်အကြေးတွေဟာ ရေဆေးလိုက်တဲ့အခါ တစ်ပါတည်း ကုန်စင်သွားမှာဖြစ်ပါတယ်။
Source : Style Craze