တစ်နေ့လုံး အလုပ်တွေလုပ်ပြီး ပင်ပန်းနွမ်းနယ်ခဲ့သမျှ ညဘက် ရေအေးအေးလေး စိမ်ချိုးလိုက်ရရင် စိတ်က သက်တောင့်သက်သာ ဖြစ်သွားပါတယ်။ ဆပ်ပြုမြှုပ်တွေထဲဝင်စိမ်၊ အနံ့မွှေးတဲ့ဖယောင်းတိုင်လေးထွန်းလိုက်ပြီး ရေကိုစိမ်ချိုးရတာဟာ စိတ်ကိုတည်ငြိမ်အေးချမ်းစေပါတယ်။ သွေးလည်ပတ်မှုကို ကောင်းမွန်စေပြီး ကြွက်သားတွေကို သက်တောင့်သက်သာဖြစ်စေတာမို့ ညအိပ်ခါနီး ရေချိုးတာက တကယ်ကိုကောင်းပါတယ်။
ကိုယ့်အသားအရေလေးလည်းလှ၊ စိတ်လည်း တည်ငြိမ်အေးချမ်းစေဖို့အတွက် ရေချိုးနည်း ရှိပါတယ်။ လိုအပ်တဲ့ ပစ္စည်းတွေကိုတော့ စုံအောင် ရှာထားနော်။ ဒါမှ အကျိုးသက်ရောက်မှုကောင်းမှာ။
အုတ်ဂျုံလိုတယ်ဆို မအံ့သြပါနဲ့။ သူက အသားအရေခြောက်သွေ့မှု၊ နေလောင်ခြင်းနဲ့ အရေပြားယားယံတာကို သက်သာစေပါတယ်။ ဟင်းချက်ရာမှာချင်တွယ်တဲ့ ခွက်လေးနဲ့ ၁ ခွက် လိုပါတယ်။ ပျားရည်က အသားအရေကို စိုပြည်စေတာမို့ ထမင်းစားဇွန်း ၂ ဇွန်းစာ လိုပါတယ်။ လာဗင်ဒါအဆီကတော့ စိတ်ကိုသက်တောင့်သက်သာဖြစ်စေတာမို့ ၆ စက်လောက် ထည့်ပါ။ ယူကလစ်ဆီ၊ ပက်ပါမင့်ဆီတို့က စိတ်ကို လန်းဆန်းစေပါတယ်။ အုန်းဆီကိုလည်း ထည့်ပါဦး။ အသားအရေကို ချောမွေ့တင်းရင်းစေတယ်လေ။
မုန့်ဖုတ်ဆိုဒါကတော့ အသားအရေမှာ ကပ်ငြိနေတဲ့ ကြေးညှော်တွေကို ဖယ်ရှားပေးပါတယ်။ သူ့ကိုတော့ ရေဇလုံထဲမထည့်ပါနဲ့။ ရေစိမ်နေရင်း တံတောင်၊ ဒူး၊ ချိုင်းကြားနဲ့ ကြမ်းတမ်းညိုမွဲတဲ့နေရာတွေကို ပွတ်တိုက်ပေးရမှာ ဖြစ်ပါတယ်။
Source : Women Health