ဘယ်လိုလုပ်မှ ဆံပင်ပျက်စီးတာတွေ ပြန်ကောင်းလာမလဲ?
 

ဆံပင်အရောင် အလန်းလေးဆိုးချင်တယ်။ မူလအရောင်က အနက်ရောင်ဆိုတော့ ဒီတိုင်းဆိုးလို့မရဘူး။ ဒီတော့ ချွတ်ဆေးနဲ့ အရောင်ချွတ်လိုက်ရရော။ အဲ့ဒီမှာ ဆံပင်အရောင်က လိမ္မော်ရောင်ဖြစ်သွားတယ်။ စိတ်ညစ်လိုက်တာ ဘာအရောင်မှန်းကိုမသိဘူး။ ဆံသားတွေလည်း ပျက်စီးကုန်ပြီ။ ဒီလိုဆိုရင် ဘယ်လိုလုပ်မှ ဆံပင်ပျက်စီးတာတွေ ပြန်ကောင်းလာမလဲ?

 

မြန်မာနိုင်ငံလူတွေရဲ့ ဆံပင်က အနက်ရောင်ဆိုတော့ ချွတ်ဆေးသုံးသူ ၁၀ ဦးမှာ ၈ ဦးက လိမ္မော်ရောင် ဖြစ်သွားပါတယ်။ လိမ္မော်ရောင်ကိုမှ အနုအရင့် အမျိုးမျိုး ထွက်လာတတ်ပါတယ်။ နောက်ထပ်ဆေးရောင်ဆိုးပြီး လိမ္မော်ရောင်ကို မဖုံးလိုက်ပါနဲ့။ ဆံပင်ပိုပျက်စီးရပါတယ်။ ဆံပင်အရောင်ကို ညှိပေးနိုင်တဲ့ ခေါင်းလျှော်ရည်တွေကိုသုံးပါ။ ချွတ်ဆေးတွေကိုလည်း ဓာတ်ပြယ်သွားစေတာမို့ တဖြည်းဖြည်း အရောင်က ပြောင်းလာပါလိမ့်မယ်။

 

ပန်းသီးအရက်ရှာလကာရည် (apple cider vinegar) ထမင်းစားဇွန်း ၂ ဇွန်း၊ ပန်းချဉ်ပေါင် ၁ အောင်စတို့ကို ရေတစ်ခွက်စာထည့်ပြီး မီးဖိုပေါ်မှာကျိုပါ။ အပူပေးနေရင်း အရည်တွေပျစ်လာပြီဆို အအေးခံကာ ဆံပင်ကိုသုတ်လိမ်းပေးရပါမယ်။ ၁၀ မိနစ်အကြာမှာ ခေါင်းပြန်လျှော်လိုက်ပါ။ ခေါင်းလျှော်ရည်က ဆာလ်ဖိတ်မပါတဲ့ ခေါင်းလျှော်ရည်ဖြစ်ဖို့ လိုပါတယ်။ ခေါင်းလျှော်ခါနီးတိုင်း ပြုလုပ်ပေးသွားမယ်ဆို လိမ္မော်ရောင်တောက်တောက်ဆံပင်က တဖြည်းဖြည်းနဲ့ အရောင်ပြောင်းလာမှာ ဖြစ်ပါတယ်။

Source : Style Craze

Share

Loading Next Article...
က္က