၁။ Peep toes (ခြေချောင်းထိပ်ဖော်တဲ့စတိုင်လ်)
ဒီဖိနပ်မျိုးက ဝတ်စုံအတော်များများနဲ့ လိုက်ပါတယ်။ ပေါင်လယ်၊ ဒူးအတိ ဂါဝန်လေးတွေ စကတ်လေးတွေနဲ့တော့ အလိုက်ဖက်ဆုံးပါပဲ။ ထသွားထလာ ဖက်ရှင်တွေနဲ့ လိုက်ဖက်ပါတယ်။
၂။ Pumps (ပေါ့ပါးတဲ့စတိုင်လ်နဲ့ရှုး)
ဒီဖိနပ်လေးတွေကို ချစ်စရာကောင်းပြီး မြို့ပြဆန်တဲ့စတိုင်လ်လို့ ခေါ်ရပါမယ်။ ဆိုလိုတာက ဘာနဲ့ဝတ်ဝတ် ချစ်စရာကောင်းနေတယ်ပေါ့။ Pantsuits လို့ ခေါ်ကြတဲ့ အကျႌဘောင်းဘီဝမ်းဆက်ဖက်ရှင်၊ အောက်ရှုးစကတ်၊ ဂါဝန်ရှည်တွေနဲ့ လိုက်ဖက်ပါတယ်။ ဆောင်းရာသီအတွက် အသင့်လျော်ဆုံးဖိနပ်လည်း ဖြစ်ပါတယ်။
၃။ Stilettos (ဒေါက်ပါးရှည်ရှည်လေးတွေ)
တော်ရုံနဲ့တော့ စီးဖို့မလွယ်ပါဘူး။ သူ့ကိုစီးရင် ဟန်ချက်ထိန်းရတာ ခက်တယ်။ ပြေးလွှားလို့မရဘူး။ ဒီတော့ ပါတီပွဲတွေ၊ အခမ်းအနားတွေလို ပွဲတက်ဖက်ရှင်တွေနဲ့ တွဲဝတ်ကြပါတယ်။
၄။ Small Heels (ဒေါက်အနိမ့်)
ရုံးတက်တဲ့အခါ နေ့စဉ်စီးဖို့အတွက် အိုကေတယ်လေ။ ဒေါက်မစီးချင်ဘူးဆိုတဲ့ မမကြီးတွေနဲ့ ပိုလိုက်ဖက်တယ်။ သူက ခြေထောက်တွေမနာဘူးဆိုတော့ အချိန်ကြာကြာစီးထားနိုင်ပါတယ်။
၅။ Boots
ဆောင်းရာသီမှာပဲ boots စီးရမှာလားလို့မေးရင် နိုးပါလို့ပဲ ဖြေလိုက်မယ်နော်။ သူက တကယ့်ကို အမိုက်စားဖက်ရှင်တွေနဲ့ တွဲဖက်ရတဲ့ဖိနပ်မျိုးပါ။ စကတ်ဆိုရင်တော့ ဒူးအတိနဲ့ ခြေမျက်စိဖုံး စကတ်တွေနဲ့မှ လိုက်ဖက်ပါတယ်။ သားရေဂျက်ကင်၊ ဂျင်းဘောင်းဘီရှည်တွေနဲ့ဆို လန်ထွက်နေအောင်လန်းတယ်။
၆။ ဖိနပ်ပါး
နွေရာသီနဲ့ အလိုက်ဖက်ဆုံး ဖိနပ်လေးတွေလည်း ဖြစ်သလို ပေါ့ပါးမှုအရှိဆုံးလည်း ဖြစ်ပါတယ်။ စီးရတာ သက်တောင့်သက်သာရှိတယ်လေ။ ကိုယ်နှစ်သက်ရာ ဖက်ရှင်နဲ့ တွဲကြတာပါပဲ။
၇။ Ballerinas (ဘဲလေးဖိနပ်)
သူကလည်း စီးရတာ သက်တောင့်သက်သာရှိတဲ့ ဖိနပ်မျိုးပါ။ ထူးခြားချက်ကတော့ အဝတ်အစားနဲ့ လိုက်တဲ့အရောင်ရယ်လို့ သီးသန့်ရွေးစရာမလိုဘဲ လိုက်ဖက်ပါတယ်။
၈။ Slip On Shoes
ဘောင်းဘီနဲ့မှ လိုက်ဖက်ပါတယ်။ ဒါပေမဲ့ ခုခေတ်မှာတော့ ဂါဝန်အတို ကားကားလေးတွေနဲ့လည်း တွဲဖက်ဝတ်ဆင်လာကြတာ တွေ့ရပါတယ်။
Source : Style Crazy