ခေးတို့၊ မွီးတို့ရေ ပုမှနုတာတော့ ဟုတ်ပါရဲ့။ ဒါပေမဲ့ ပုပုလုံးလုံးလေးဖြစ်နေရင်လည်း ဖက်ရှင်မကျ ၊ မလှမပကြီး ဖြစ်နေမှာနော်။ ကိုယ့်ကို သွယ်သွယ်လေး ဖြစ်သွားအောင် ဖက်ရှင်ကျကျ ဝတ်လိုက်မယ်ဆို ပုလို့ပုမှန်းတောင် မသိရဘူး။ တကယ့်အမိုက်စားလေး ဖြစ်နေတော့မှာ။
၁။ အပေါ်အောက်တစ်ရောင်တည်း
အကျႌရော ဘောင်းဘီ/စကတ်ကိုပါ တစ်ရောင်တည်းရွေးဝတ်ကြည့်ပါ။ ခေါင်းအစ ခြေအဆုံး တစ်ရောင်တည်းဆိုရင် ကိုယ့်ရဲ့အရပ်က ရှိရင်းစွဲထက် ပိုရှည်တယ်လို့ ထင်ရစေတယ်။
၂။ ခါးအမြင့်
စကတ်တွေ၊ ဘောင်းဘီတွေဝတ်ရင် ချက်နားတစ်ဝိုက်နဲ့ ချက်ပြုတ် ဝတ်ကြတယ်။ အရပ်လေးပိုရှည်တဲ့ပုံစံ ဖြစ်ချင်ရင်တော့ ခါးမြင့်မြင့်နဲ့ စကတ်တွေ၊ ဘောင်းဘီတွေကို ဝတ်ကြည့်ပါ။ သတိထားရမှာကတော့ ဗိုက်ခေါက်အရမ်းထူသူတွေက ခါးနိမ့်လွန်း၊ မြင့်လွန်းတာတွေနဲ့ သိပ်အဆင်မပြေဘူး။
၃။ လက်မောင်းတွေ
လက်မောင်းသားလေးတွေ ထုတ်ပြလိုက်ပါ။ ခုခေတ်စားနေတဲ့ ပုခုံးလျော (shoulder off) ဒီဇိုင်းလေးတွေ စမ်းဝတ်ကြည့်ပါလား။ အကျႌလက်ရှည်တွေက အရပ်ကို ပိုပုသလို ဖြစ်သွားစေတယ်။
၄။ လည်ထောင်
လည်ထောင်အကျႌလေးတွေက ဝတ်လိုက်ရင် လူကိုပုံစံပြောင်းသွားစေတယ်။ စမတ်ကျကျလေး ဖြစ်သွားတာ။ ယောက်ျားလေးတွေကလည်း လည်ထောင်အကျႌလေးနဲ့ ကောင်မလေးတွေကိုဆို သတိထားမိတယ်တဲ့။
၅။ အသားရောင်ဒေါက်
အရပ်ရှည်ချင်ရင် ဒေါက်ဖိနပ်စီးတာတော့ ဟုတ်ပါပြီ။ ဒါပေမဲ့ ဒေါက်အရောင်က ထင်းလွန်းနေတဲ့အခါ လူတွေအာရုံစိုက်စရာ ဖြစ်သွားတယ်။ ကိုယ့်အရပ်က ပုလို့ အတင်းကာရော ရှည်ချင်နေတယ်လို့ ပြောနေသလိုပဲ။ ဒါကြောင့်မို့လို့ ဒေါက်မြင့်စီးမယ်ဆိုရှု် ကိုယ့်အသားရောင်နဲ့ ညီနေမယ့် ဖိနပ်ရောင်ကို ရွေးပါလို့ အကြံပေးလိုက်ပါတယ်နော်။
Source : Bazaar