အဝတ်အစားဆိုတာ နေရာ၊ အချိန်အခါကို လိုက်ပြီး ဝတ်တယ်မယ်ဆိုရင်တော့ ဆရာမကြီးပဲ။ ဈေးဘယ်လောက်ကြီးတာဝတ်ဝတ် အချိန်အခါနဲ့မလိုက်ဘူးဆိုရင် ဂွမ်းပြီနော်။ မိုးရာသီမှာ ဖက်ရှင်ကျကျ ဝတ်စားဆင်ယင်ချင်တဲ့ sis တို့အတွက် Duwun ရဲ့ မိုးရာသီဖက်ရှင်အကြံဉာဏ်လေးတွေက အသုံးတည့်မယ်လို့ ထင်ပါတယ်။
၁။ အပေါ်ထပ်
ရာသီဥတုက အေးတယ်မို့လား။ အပေါ်ကနေထပ်ဝတ်ရမယ့် ဖက်ရှင်ပစ္စည်းလေးတွေကို ဆောင်ထားပါနော်။ ဥပမာ- အနွေးထည်လက်ရှည်၊ ပုဝါတို့ပေါ့။
၂။ ခေါင်းစွပ် (Hoodie)
Hoodie လေးတွေက လူငယ်ဆန်ဆန်အသွင်လေး ဖြစ်သွားစေတယ်။ မိုးရာသီအတွက်လည်း အလိုက်ဖက်ဆုံးပဲ။ သူ့ကိုတော့ တောက်ပတဲ့အရောင်လေး ရွေးသင့်ပါတယ်။
၃။ ဂျင်း
ဂျင်းထည်တွေဝတ်ပြီး မိုးရေထဲမှာ ယုံကြည်မှုရှိရှိ စတိုင်လ်မိမိ လျှောက်လှမ်းနိုင်မယ်နော်။ ဂျင်းပြာက အကောင်းဆုံးရွေးချယ်မှုပါ။ ဘာကြောင့်လဲဆိုတော့ ဂျင်းပြာက ရေစိုလေ ပိုလှလေလေပဲ။ ဂျင်းဂျက်ကတ်၊ ဂျင်းဘောင်းဘီရှည်တို့ကို ရွေးချယ်သင့်တယ်။ ဂျင်းနဲ့လိုက်တာကတော့ ကျောပိုးအိတ်လေးတွေပါပဲ။ ဖြည့်စွက်ရမယ့် ဖက်ရှင်တစ်ခုပေါ့လေ။
၄။ သိုးမွေးထည်
သိုးမွေးထည်တွေကတော့ ဝတ်ရတာ ပေါ့ပါးသလောက် လူကိုလည်း အနွေးဓာတ်ရစေတယ်။ အေးမြစိုစွတ်တဲ့ ရာသီဥတုတွေအတွက် အလိုက်ဖက်ဆုံးဖက်ရှင်လည်းဖြစ်တယ်။ သိုးမွေးထည်ဝတ်တဲ့အခါ ပွပွကြီးတွေသာဝတ်လိုက်။ အောက်မှာတော့ အသားကပ် ဘောင်းဘီအကျပ်နဲ့တွဲရမှာဖြစ်ပါတယ်။ ချစ်ဖို့ကောင်းတဲ့ဒီဇိုင်းလေး ဖြစ်သွားမှာ။
၅။ ဂျက်ကတ်
ဂျက်ကတ်တွေက ဒီဇိုင်းစုံထွက်ပေါ်နေတယ်။ Bomber ဂျက်ကတ်တွေကတော့ ခုနောက်ပိုင်း အတော်ကိုရေပန်းစားတဲ့ဒီဇိုင်းပါ။ သားရေဂျက်ကတ်တွေလည်း ဝတ်ကြတယ်။ မိုးရာသီနဲ့လိုက်တဲ့ဖက်ရှင်ဆိုတော့ ဂျက်ကတ်တွေကို အမျိုးမျိုပြောင်းဝတ်ကြည့်နိုင်ပါတယ်။
Source : Scout