ဘာမှမလုပ်ခင်မှာ အရင်ဦးဆုံး မျက်လုံးထောင့်စွန်လေးကို တိပ်အကြည်လေးကပ်ပြီး အိုင်းရှဲဒိုးတွေမပျံ့အောင် ကာထားလိုက်ပါဦး။ ပြီးရင်တော့ primer လိမ်းရပါမယ်။ အရောင်တွေ အများကြီး တစ်ဆင့်ပြီးတစ်ဆင့် ခြယ်မှာဆိုတော့ primer မလိမ်းထားရင် အဆင်မပြေဘူး။ အရောင်တွေရောနှောသွားမယ်၊ အရောင်လည်း မစွဲဘူး။ Primer လိမ်းတဲ့အခါ လက်ချောင်းထိပ်လေးတွေနဲ့ အသာအယာပျံ့နှံ့အောင်လုပ်ပေးပါ။ လက်ရဲ့အနွေးဓာတ်ကြောင့် primer က ညီညီညာညာလေး ပျံ့ပြူးသွားမှာဖြစ်ပါတယ်။

အဆင့် ၁ - မက်မွန်သီးရောင်နဲ့ ကိုကိုးရောင်ကို ပထမဆုံးခြယ်ပါမယ်။ ဒီအရောင်နှစ်ခုကို အောက်ခံထားရင် အပေါ်က ဘာအရောင်ဆိုးဆိုး ပိုပြီးပေါ်သွားမှာပါ။ အရောင်နှစ်ခုကို ပျံ့သွားအောင် ဘရပ်ရှ်လေးသုံးပြီး blend လုပ်ပေးရပါမယ်။

အဆင့် ၃ - V section ရဲ့ အပြင်ဘက် (နားထင်စပ်၊ မျက်ခွံထောင့်)မှာ ခရမ်းရောင်ကို တင်လိုက်ပါမယ်။ အပြင်ဘက်စွန်းပိုင်းကိုတော့ ခရမ်းရောင်အတိုင်းပဲထားပြီး ရှေ့ဘက်ခြမ်းတွေကို blend လုပ်ပေးလိုက်ပါဦး။

အဆင့် ၄ - မျက်ခွံအောက်ပိုင်း အလယ်တည့်တည့်နေရာကို အနီရောင်အိုင်းရှဲဒိုးချပါ။ အပေါ်က ပန်းရင့်ရောင်၊ ဘေးကခရမ်းရောင်နဲ့ ညီသွားအောင် ဘရပ်ရှ်လေးနဲ့ ညှိလိုက်ရပါမယ်။ အနီရောင်ပေါ်မှာမှ လိမ္မော်ရောင်ကို အုပ်ပြီးဆိုးပေးလိုက်ပါ။ တစ်ရောင်တစ်ပြီးတိုင်း ဘေးကအရောင်တွေနဲ့ အသားကျသွားအောင် ဘရပ်ရှ်လေးနဲ့ညှိဖို့လည်း မမေ့ပါနဲ့။

အဆင့် ၅ - အပေါ်မျက်ခွံရဲ့ အတွင်းဘက်ထောင့် (နှာခေါင်းအနီး)ကိုပဲ ဖြည့်ဖို့ကျန်ပါတော့တယ်။ အဝါရောင်ကိုဖြည့်ပါမယ်။ အဝါရောင်က တခြားအရောင်အောက်ခံတွေကြောင့် လွယ်လွယ်ကူကူ မပေါ်ဘူး။ ဒါကြောင့်မို့လို့ အိုင်းရှဲဒိုးအဖြူကို အရင်ဆုံးနေရာချပါ။ အဖြူပေါ်မှာမှ အဝါကို ထပ်တင်ပေးရတယ်။ အပေါ်မျက်ခွံလေးကတော့ ပန်းရောင်၊ လိမ္မော်၊ ခရမ်း၊ အဝါတို့နဲ့ လှနေပြီပေါ့။

အဆင့် ၆ - အောက်မျက်ခမ်းလေးကိုလည်း ဆက်ခြယ်သပါမယ်။ သူကတော့ ခြယ်သစရာ နေရာကျဉ်းတော့ နည်းနည်းပဲ ဖြည့်ရမှာပေါ့။ အဝါရောင်၊ အစိမ်းရောင်၊ အပြာရောင်တို့ကို အောက်မျက်ခမ်းမှာ သုံးနေရာ အချိုးချ ဆိုးပေးရပါမယ်။ ဒါဆိုရင်တော့ သက်တံရောင် တောက်ပလင်းဖြာတဲ့ မျက်ဝန်းလေး ရပါပြီ။

Source : Shivonmakeupbiz