AD
AD
AD

၂၀၁၇ ကုန်လို့ ၂၀၁၈ ကိုတောင် ရောက်တော့မယ်နော်။ နှစ်သစ်အတွက် new year resolution တွေကော ထုတ်ပြီးကြပြီလား။ နှစ်သစ်ကူးပွဲတော်ဆိုတာ ကမ္ဘာတဝှမ်းလုံးမှာ ကျင်းပကြတဲ့ ပွဲတော်တစ်ခုဖြစ်တဲ့အတွက် မြန်မာနိုင်ငံမှာလည်း နှစ်တိုင်းလိုလို နှစ်ကူးခါနီးရင် count down လုပ်ကြတာထုံးစံပါ။

play

 

ဒီနှစ်ကော ဘယ်နေရာမှာ new year count down လုပ်ကြမှာလဲ။ ဘယ်မှာလုပ်ရမှန်း မသိသူတွေအတွက် ၂၀၁၇ ခုနှစ်ရဲ့ နောက်ဆုံးနေ့ရက် (ဒီဇင်ဘာလ (၃၁) ရက်) နေ့ညမှာ ကျင်းပတဲ့ နှစ်သစ်ကြိုဆိုပွဲလေးတွေကို တစုတစည်းတည်း ဖော်ပြပေးလိုက်ပါတာယ်နော်။

၁။ Myanmar Countdown 2018

play
 

(၃၁) ရက်နေ့ညမှာ ဘိုင်ပြတ်နေတာပဲဖြစ်ဖြစ်၊ ပိုက်ဆံကို ရှပ်ကီဖိုး၊ မုန့်ဖိုးပဲဖိုးအတွက် ပိုသုံးချင်တာပဲဖြစ်ဖြစ် free show တစ်ခုကို တက်ချင်တယ်ဆိုရင်တော့ ကျိုက္ကဆံအားကစားကွင်းမှာ ကျင်းပမဲ့ Myanmar Countdown 2018 ပွဲကို တက်လို့ရပါတယ်။ Forever Group နဲ့ MRTV-4 က ကြီးမှူးကျင်းပတာဖြစ်ပြီး  နိုင်ငံကျော်တေးသံရှင်တွေ ဖြစ်ကြတဲ့ စိုင်းစိုင်းခမ်းလှိုင်၊ လင်းလင်း ၊ ဂျီလတ် ၊ AR-T၊ Snare၊ Bunny Phyo ၊ ရဲရင့်အောင် ၊ G-Fatt ၊ ချစ်သုဝေ ၊ အိမ့်ချစ်၊ ၀ိုင်းစုခိုင်သိန်း ၊ Bobby Soxer ၊ လိမ္မော်သီး ၊ The X Factor Winner- ထွန်းနောင်ဆင့် ၊ David Derrick တို့အပြင် DJ Icez ၊ Dream Lover Band တို့နဲ့အတူ အနုပညာရှင်ပေါင်းများစွာရဲ့ ဖျော်ဖြေတင်ဆက်မှုတွေကို ကြည့်ရှုခံစားရမှာ ဖြစ်ပါတယ်။ အချိန်ကတော့ ၂၀၁၇ ခုနှစ် ဒီဇင်ဘာလ (၃၁) ရက်နေ့ ညနေ (၅) နာရီမှ ၂၀၁၈ ခုနှစ် ဇန်နဝါရီလ (၁) ရက်နေ့ မနက် (၁) နာရီထိဖြစ်ပါတယ်။ 

၂။ The Night Market- Count Down Party

play
 

ပြည်သူ့ရင်ပြင်ထဲက ရိုလာကိုစတာကွင်းထဲမှာ ပြုလုပ်ကျင်းပမဲ့ နောက်ထပ် Count Down Party ပွဲတစ်ခုကတော့ The Night Market- Count Down Party ပါ။ ပြည်တွင်း ဒီဂျေတွေဖြစ်တဲ့  Lance, L Maverick, ReTr0, GAMBOL, YA Kout, Zealot, PM တို့ရဲ့မြူးကြွတဲ့ EDM ဂီတသံတွေနဲ့အတူ ကဲရမဲ့ပွဲလေးပါ။ ဒါတင်မကသေးပါဘူး။ နိုင်ငံတကာ အစားအသောက်နဲ့ ဖက်ရှင်ကဏ္ဍ၊ ဓာတ်ပုံရိုက်ပွဲ၊ ဂီတဖျော်ဖြေပွဲတွေအပြင် ကံစမ်းမဲအစီအစဉ်တွေလည်း ပါရှိသေးတာမို့ နှစ်သစ်ကို မြူြးုမူးကြွကြွ ကဲချင်သူတွေအတွက်တော့ အသင့်တော်ဆုံး ပွဲလေးပါပဲ။

၃။ New Year Countdown Iron Cross Live Show

play
 

IC ပရိသတ်တွေအတွက်တော့ သတင်းကောင်းပါပဲ။ မြို့မကွင်း/ မိုင်ဒါကွင်းမှာ ကျင်းပပြုလုပ်မယ့် Iron Cross တီးဝိုင်းရဲ့ တေးသီချင်းတွေကို ကိုယ်တိုင်သွားကြည့်ပြီး new year countdown တူတူလုပ်လို့ရသလို သွားမကြည့်နိုင်သူတွေအတွက်လည်း Big 9 Online TV (facebook page) နဲ့ MRTV တီဗီချန်နယ်တို့မှာ တိုက်ရိုက်ထုတ်လွှင့်ပြသမှုကို ကြည့်ရှုနိုင်မှာဖြစ်ပါတယ်။ လေးဖြူ၊ အငဲ၊ မျိုးကြီး၊ ဝိုင်ဝိုင်းတို့ရဲ့ ကျော်ကြားခဲ့တဲ့ သီချင်းတွေကို တူတူလိုက်ဆိုရင်း နှစ်ကူးချင်တယ်ဆိုရင်တော့ မြို့မကွင်း/ မိုင်ဒါကွင်းကိုသာ ည (၉) နာရီမခွဲခင် ရောက်အောင်သွားပါတော့။

၎။ 90's New Year Countdown Party

play
 

ဒါလေးကတော့ နှစ်ကူးကို လူကြားသူကြားထဲ မတိုးဝှေ့ချင်ဘဲ ကိုယ်ဖီးလ်လေးနဲ့ကိုယ် ငြိမ့်ချင်သူတွေအတွက်ပါ။ ကျောက်မြောင်း၊ အောင်မင်္ဂလာလမ်းနဲ့ ဒဂုံသီရိလမ်းထောင့်က ၉၀'s Bar ဆိုတဲ့ ဘားလေးမှာ ၉၀ ပြည့်နှစ်တွေတုန်းက ခံစားချက်တွေကို ပြန်ရနိုင်တဲ့ event လေးတစ်ခုရှိပါတယ်။ ကြက်ကာလသားချက်ကို အိုးလိုက်ချက်ပြီး တစ်ဝိုင်းကို တစ်ပွဲချပေးမှာ ဖြစ်သလို ၉၀ ပြည့်နှစ်က သီချင်းဟောင်းလေးတွေနဲ့ ဖီးလ်ရအောင် ဒီဂျေကလည်း အသင့်ရှိနေမှာပါ။ အဲဒီ event လေးကို စိတ်ဝင်စားရင်တော့ သူတို့ရဲ့ facebook စာမျက်နှာမှာ သွားရောက်လေ့လာနိုင်ပါတယ်။

၅။ Myanmar Premium New Year Countdown Yangon 2018

play
 

နောက်ဆုံးပိတ် အိတ်နဲ့လွယ်မယ့်ပွဲလေးကတော့ နိုင်ငံတကာ ဒီဂျေတွေနဲ့အတူ ကဲလို့ရမယ့် EDM ပွဲကြီးပါပဲ။ ၃၁ ရက်နေ့ညကျရင် The One Entertainment Park ထဲမှာ  Carnage, SAY MY NAME, Breathe Carolina, Cesqeaux, Dynamite တို့လို နိုင်ငံတကာ အနုပညာရှင်တွေအပြင် Terror Bass နဲ့ The Bugbears တို့လို နိုင်ငံတကာထိ ထိုးဖောက်နိုင်တဲ့ ပြည်တွင်းဒီဂျေတွေရဲ့ ဖျော်ဖြေမှုတွေကိုပါ ခံစားနိုင်မှာပါ။ ရိုးရိုးလက်မှတ်ဈေးက (၃၅၀၀၀) ဖြစ်ပြီး VIP လက်မှတ်ဈေးကတော့ (၆၅၀၀၀) ကျပ်ပါ။

ဤအကြောင်းအရာကို သင်ဘယ်လိုထင်ပါသလဲ။
AD
More From

Lifestyle

AD