AD
AD
AD

စားပွဲပေါ်တင်ထားတဲ့ (သို့) အိတ်ကပ်ထဲထည့်ထားတဲ့ ဖုန်းကို အီးမေးလ်စစ်ဖို့ (ဒါမှမဟုတ်) ဂဏန်းပေါင်းစက်အဖြစ်သုံးဖို့ဆိုပြီး ယူထုတ်လိုက်တယ်။ နောက် (၁၀) မိနစ်လောက်ကြာတော့မှ လက်က အလိုလို Facebook app သင်္ကေတကို နှိပ်မိပြီး (၁၀) မိနစ်လုံး တောက်လျှောက် Facebook ထိုင်ပွတ်မိနေတာကို သတိထားမိမယ်။

play

ဒီလိုအဖြစ်မျိုးကြုံဖူးတာ ခင်ဗျားတစ်ယောက်တည်းတော့ မဟုတ်ပါဘူး။ လူမှုကွန်ရက် (Social Media) တွေနဲ့ပတ်သက်တဲ့ တစ်စုံတရာက ကျွန်တော့်ကို စဉ်ဆက်မပြတ်ဆွဲဆောင်ထားတာပါ။ လူမှုကွန်ရက်တွေမရှိဘဲ ခဏလောက်ဖြစ်ဖြစ် နေကြည့်ဖူးပါသလား။ လွတ်လပ်သလိုခံစားရတဲ့ အရသာကို သိရှိနားလည်လာပါလိမ့်မယ်။

လေ့လာမှု

play
 

Cyberpsychology, Behavior and Social Networking (ဆိုင်ဘာစိတ်ပညာ၊ အပြုအမူနဲ့ လူမှုကွန်ရက်သုံးစွဲခြင်း) ဆိုတဲ့ ဂျာနယ်တစ်စောင်မှာဖော်ပြထားတဲ့ လေ့လာမှုတစ်ခုအရတော့ Facebook လိုဂိုလေးကို ထိုင်ကြည့်နေမိတာကတောင် ပျော်ရွှင်မှုကို ရရှိစေတယ်လို့ ဆိုထားပါတယ်။ နောက်ပြီး အဲဒီကရတဲ့တွန်းအားကပဲ Facebook ပေါ်ကို ထပ်ခါထပ်ခါ ပြန်လာချင်အောင် ဆွဲဆောင်နေပါတယ်တဲ့။ နောက်တစ်ခုက လူမှုကွန်ရက်ပေါ်မှာ မိမိဝေမျှထားတဲ့အရာတွေ လူဘယ်လောက်သတိထားမိလဲ ဆိုတာသိရှိဖို့၊ မိမိရဲ့သူငယ်ချင်းတွေ ဘာလုပ်နေလဲဆိုတာသိရှိဖို့အတွက် Facebook ကို ထပ်ခါတလဲလဲ သုံးစွဲနေမိပါတယ်တဲ့။

လေ့လာမှုမှာပါဝင်သူတွေဟာ Facebook နဲ့ သက်ဆိုင်တဲ့ဓာတ်ပုံတစ်ပုံရယ်၊ တခြားဓာတ်ပုံတစ်ပုံရယ်နားမှာ တရုပ်စာလုံးတစ်လုံးကို ကြည့်ရှုခဲ့ကြပါတယ်။ အဲဒီမှာ Facebook ကို ကြိမ်ဖန်များစွာ သုံးစွဲဖူးသူတွေက သိပ်မသုံးဖူးသူတွေထက်စာရင် Facebook နဲ့ သက်ဆိုင်တဲ့ဓာတ်ပုံနားမှာ ယှဉ်တွဲထားတဲ့အခါ တရုပ်စာလုံးကိုတောင် ကြည့်လို့ကောင်းတယ်လို့ မြင်လာတယ်လို့ ဆိုပါတယ်။

"လူတွေက Facebook သုံးတဲ့အခါမှာ တစ်ခုခုရလိုက်သလို ခံစားရပါတယ်" လို့ မီချီကန်ပြည်နယ် တက္ကသိုလ် ဆက်သွယ်ရေးဌာနက တွဲဖက်ပါမောက္ခ Allison Eden က ဆိုပါတယ်။ "Facebook နဲ့ယှဉ်တွဲထားတဲ့ တစ်ခုခုကို မြင်တွေ့ရတာတောင် ကောင်းတဲ့ခံစားချက်ရပြီး စိတ်ထဲမှာရင်းနှီးကျွမ်းဝင်လာသလို ခံစားရပါတယ်" လို့လည်း ဆိုပါတယ်။

Facebook စွဲလမ်းခြင်းရောဂါ

play
 

ဦးနှောက်က Facebook ကြည့်တာနဲ့ စိတ်လှုပ်ရှားတက်ကြွမှုတစ်ခုခုကို ရရှိတော့မယ်လို့ အလိုလိုသိလာပြီး တခြား app တွေ ထက်စာရင် ဒီ Facebook ကိုပဲ ကြိမ်ဖန်များစွာ ဖွင့်သုံးမိနေပြီဆိုရင်တော့ ဒါဟာ Facebook စွဲလမ်းနေတဲ့ရောဂါလက္ခဏာပါပဲ။ ဒါပေမယ့် ဒါဟာအကုန်မဟုတ်သေးပါဘူး။ လေ့လာမှုရဲ့ဒုတိယအပိုင်းမှာဆိုရင် သုတေသီတွေဟာ Facebook ကို အရူးအမူး စွဲလမ်းသူတွေကို လေ့လာခဲ့ကြပါတယ်။ အံ့သြဖို့မလိုတဲ့အချက်ကတော့ Facebook ကို အရူးအမူးစွဲလမ်းသူတွေဟာ Facebook ပေါ်မှာအချိန်အများစုသုံးဖြုန်းနေသူတွေပါပဲ။

ဟုတ်ပြီ။ ဒါဆိုရင် ကျွန်တော်တို့တွေ Facebook ကို ဘာလို့အဲလောက်တောင် အချိန်ပေးခဲ့တာလဲ။ အဖြေကတော့ ပျင်းလို့ပါပဲ။ ကျွန်တော်တို့တွေ ပျင်းရိညည်းငွေ့တဲ့အခါ ဖုန်းမျက်နှာပြင်ကိုကြည့်လိုက်ရင် လုပ်စရာတစ်ခုခုရှိသလို ခံစားရပါတယ်။ နောက်ပြီး ဖုန်းဖွင့်လိုက်ပြီဆိုတာနဲ့ လက်ကို အလိုလို Facebook icon ကို နှိပ်မိတတ်တာဟာလည်း မသိစိတ်က Facebook ကို မှတ်သား ထားလိုက်လို့ပါ။

"ဒီလိုဖြစ်စေတဲ့ အတွင်းလှုံ့ဆောင်မှုကတော့ ပျင်းရိခြင်းပါပဲ။ အပြင်လှုံ့ဆော်မှုတွေကတော့ notification လို့ခေါ်တဲ့ အွန်လိုင်းလှုံ့ဆော်မှုတွေပါပဲ။ အင်တာနက်ဖွင့်ထားလိုက်ပြီဆိုတာနဲ့ ခင်ဗျားရဲ့ဖုန်းမျက်နှာပြင် ပေါ်ကို ခင်ဗျားသူငယ်ချင်းထဲက ဘယ်သူဘာလုပ်နေပြီဆိုတာကို ပြောပြမယ့် notification တွေ တက်လာပါလိမ့်မယ်။

အဲဒီလှုံ့ဆော်မှုတွေကို ခင်ဗျား ဘယ်လောက်ကြာကြာတောင့်ခံနိုင်မှာလဲ။ မကြာပါဘူး။ လက်ကို အလိုလို Facebook icon ကို နှိပ်မိပြီး ဖွင့်သုံးမိပါလိမ့်မယ်" လို့ "Hooked: How to Build Habit-Forming Products" ဆိုတဲ့စာအုပ်ကိုရေးသားသူ Nir Eyal က Business Insider ကို ပြောကြားပါတယ်။

ဒါပေမယ့် တဖြည်းဖြည်းနဲ့တော့ ကျွန်တော်တို့တွေဟာ ပျင်းရိမှုတို့၊ notification တို့ဆိုတဲ့ အကြောင်းပြချက်တွေကိုတောင် မလိုအပ်တော့ပါဘူး။ Status တစ်ခုခုတင်လိုက်တာပဲဖြစ်ဖြစ်၊ Message တစ်ခုခု ပို့လိုက်တာပဲဖြစ်ဖြစ်၊ သူများရဲ့ post အောက်မှာ comment သွားပေးလိုက်တာပဲဖြစ်ဖြစ် တုံ့ပြန်မှုတစ်ခုခုကတော့ ရရှိမှာပါ။ အဲဒီတုံ့ပြန်မှုတွေကပဲ ကျွန်တော်တို့ကို Facebook ဆီကို အာရုံပြန်စိုက်ဖို့ ဆွဲခေါ်သွားပါလိမ့်မယ်။ ဒီလိုနဲ့အကျင့်တစ်ခုဖြစ်လာတဲ့အချိန်မှာ လှုံ့ဆော်မှုတွေရှိမနေချိန်မှာတောင် လက်က Facebook ကိုဖွင့်ပြီး လှုံ့ဆော်မှုတွေကို စောင့်မျှော်တတ်လာပါလိမ့်မယ်။ ဒါမှမဟုတ် လှုံ့ဆော်မှုတွေ ရရှိလာအောင် နည်းအမျိုးမျိုးနဲ့ ကြံဆလာပါလိမ့်မယ်။ (တချို့လူတွေ Facebook ပေါ်မှာ အဆဲခံရအောင် တမင်ရေးပြီး သူများတွေ ကိုယ့်ကိုဆဲလာရင်တောင် ပျော်နေတတ်တာမျိုးက Facebook စွဲလမ်းခြင်းရောဂါ ပြင်းထန်လာတဲ့သဘောမျိုးပါ။)

အကျင့်ဘယ်လိုဖျောက်မလဲ

play
 

အကျင့်ဆိုတာ ဖျောက်ရခက်တယ်လို့ ဆိုသလိုပါပဲ။ Facebook စွဲလမ်းခြင်းဆိုတာလည်း ဖျောက်ရခက်ပါတယ်။ တစ်ခါတလေမှာ ကျွန်တော်တို့တွေ လက်လျှော့အရှုံးပေးဖို့ ကြိုးစားကြပါတယ်။ ဒါပေမယ့် မတော်တဆဆိုသလိုပဲ ပြန်သုံးမိသွားတတ်ပါတယ်။ (အလွန်ဆုံးလုပ်နိုင်တာက Facebook အကောင့်ဟောင်းတစ်ခုကိုဖျက်ပြီး အသစ်နောက်တစ်ခုနဲ့သုံးတာလောက်ပဲ လုပ်နိုင်မှာပါ။) အမှန်တော့ ဒီကိစ္စနဲ့ ပတ်သက်ပြီး ကျွန်တော်တို့ ဘာမှမလုပ်နိုင်သလောက်ပါပဲ။ ဒါပေမယ့် တစ်ခါတလေမှာ မိမိရဲ့ Facebook အကောင့်ကို deactivate လုပ်ထားတယ်ဆိုတာလည်း ကျန်းမာရေးအတွက် ကောင်းမွန်တဲ့ အလေ့အထ တစ်မျိုးပါပဲ။

Source: Reader's Digest

ဤအကြောင်းအရာကို သင်ဘယ်လိုထင်ပါသလဲ။
AD

AD