Food & Recipe: ပန်းငရုတ်ပွတွေရဲ့ အရောင်အလိုက် ကွာခြားမှုတွေကိုသိလား?

, updated

အရောင်တွေအလိုက် ထူးခြားတဲ့ ကွာခြားမှုတွေ ရှိနေတယ်ဆိုတာကတော့ သင် သိချင်မှသိဦးမှာပါ။

ပန်းငြုပ်ပွတွေကို အမျိုးမျိုးအဖုံဖုံ ချက်ပြုတ်စားသောက်ကြတယ်။ ဒါမှမဟုတ်လည်း ဟင်းလျာကို ပိုမိုလှပသွားအောင် ဖြည့်စွက်တန်ဆာတဲ့အခါ အသုံးပြုကြပါတယ်။ ပန်းငြုပ်ပွတွေမှာ အစိမ်းရောင်၊ အဝါရောင်၊ လိမ္မော်ရောင်၊ အနီရောင်ဆိုပြီး အရောင်လေးမျိုး တွေ့နိုင်ပါတယ်။ ပန်းငြုပ်ပွတွေဟာ အမျှင်ဓာတ်ကြွယ်ဝစွာပါဝင်ပြီး ဓာတ်တိုးဆန့်ကျင်ပစ္စည်းနဲ့ ဗီတာမင် C လည်း ပါဝင်ကြပါတယ်။ သို့ပေမဲ့လည်း အရောင်တွေအလိုက် ထူးခြားတဲ့ ကွာခြားမှုတွေ ရှိနေတယ်ဆိုတာကတော့ သင် သိချင်မှသိဦးမှာပါ။

play

 

၁။ အစိမ်းရောင်က ဘာလို့ဈေးသက်သာတာလဲ?

ဘယ်ဈေးမှာပဲဝယ်ဝယ် ပန်းငြုပ်ပွတွေထဲမှာ အစိမ်းရောင်ပန်းငြုပ်ပွက ဈေးအသက်သာဆုံးပါပဲ။ တကယ်တော့ သူတို့က စောစောစီးစီး ခူးထားလို့သာ စိမ်းနေတာပါ။ မမှည့်သေးတော့ အရသာလည်း မပြည့်စုံသေးဘူးလေ။

play

 

၂။ အာဟာရအရှိဆုံးက ...

ပန်းငြုပ်ပွတွေ အကုန်လုံးက ဗီတာမင် A ရော C ပါ ကြွယ်ဝစွာ ပါဝင်ပါတယ်။ Livestrong.com ကတော့ အစိမ်းရောင်ငြုပ်ပွနဲ့ယှဉ်ရင် အနီရောင်ပန်းငြုပ်ပွဟာ ကင်ဆာကိုတိုက်ထုတ်နိုင်တဲ့ ဘီတာကယ်ရိုတင်းဓာတ်တွေ ၁၁ ဆ ပိုမိုပါဝင်တယ်လုိ့ ဆိုပါတယ်။ အဝါရောင်ပန်းငြုပ်ပွတွေကတော့ ဗီတာမင် C ပိုမိုပါဝင်ပါသတဲ့။

play

 

၃။ အရောင်တွေ ကွာခြားရတာ ဘာကြောင့်?

အပေါ်မှာ ရေးခဲ့သလိုပါပဲ။ အစိမ်းရောင်ဆိုတာ မမှည့်သေးတဲ့ အနေအထားမို့ စိမ်းနေတာပါ။ အစိမ်းရောင်ကနေမှ အနီရောင်၊ လိမ္မော်ရောင် သို့မဟုတ် အဝါရောင်အဖြစ် မှည့်သွားကြတာ ဖြစ်ပါတယ်။ ဘယ်ငြုပ်ပွမဆို မမှည့်ခင်က စိမ်းနေလို့ဖြစ်ပါတယ်။ မမှည့်သေးတဲ့ ငြုပ်ပွက စားရင် နည်းနည်းလေး ပိုခါးပါတယ်။

Source : Huffpost

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ