ကြက်ဥမွှေကြော်ဆိုရင် ထွေထွေထူးထူးတောင် ပြောဖို့ လိုမှာမဟုတ်တော့ဘူးနော်။ လွယ်လွယ်ကူကူ မြန်မြန်ဆန်ဆန်နဲ့ ပြင်ဆင်လို့ရသလို မနက်စာ၊ နေ့လယ်စာ၊ ညစာ အကုန်စားလို့ရတယ်။ အာဟာရလည်းပြည့်ဝတယ်။

play

 

ကြက်ဥထဲကို ခရမ်းချဉ်သီး၊ နံနံပင်၊ ငရုတ်သီးစိမ်းလေးတွေထည့်ပြီး ငြုပ်ကောင်းမှုန့်ထည့်၊ သမအောင် ခလောက်၊ ပြီးရင် ဆီအိုးထဲထည့်ကြော်စားကြတာပဲ။ အနှစ်မကျက်တဲ့ half fried ကို မကြိုက်တာမို့ ကြက်ဥဆိုမွှေကြော်လေးပဲ စားဖြစ်တာ။ ခုတော့ ကြက်ဥမွှေကြော်ကို ဒယ်အိုးမလိုဘဲ လုပ်စားလို့ရတာ သိလိုက်ရတယ်။

 

play

 

ဒီနည်းမှာ ဒယ်အိုးအစား မိုက်ခရိုဝေ့ဗ်မီးဖိုကို သုံးမှာပါ။ ပန်းကန်လုံးတစ်ခုထဲမှာ ကြက်ဥကိုထည့်ပြီးခလောက်ရပါမယ်။ အရင်အတိုင်း ကြက်ဥမွှေကြော်ဖို့ ပြင်ဆင်သလို ပြင်ဆင်ပြီးရင် နွားနို့လေးနည်းနည်းလောက်ထည့်ကြည့်ပါဦး။ ပြီးရင် မိုက်ခရိုဝေ့ဗ်ထဲမှာ တစ်မိနစ်ခွဲ ထည့်ထားလိုက်ရုံပါပဲ။

play

 

တစ်မိနစ်ခွဲ ပြည့်ပြီဆိုရင် မိုက်ခရိုဝေ့ဗ်ထဲကနေ ကြက်ဥပန်းကန်ကို ထုတ်ကြည့်လိုက်။ ကြက်ဥမွှေကြော်အရသာနဲ့ ကြက်ဥပေါင်းလေးက ပိုပြီးစားကောင့်းမယ့်ပုံပါ။ ဆီလည်းမလို၊ ဒယ်အိုးလည်းမလိုဘဲနဲ့ ပိုပြီးစားကောင်းမှာမို့ လုပ်စားကြည့်ပါနော်။

Source : Foodlifehacks

Postby

 

ဤအကြောင်းအရာကို သင်ဘယ်လိုထင်ပါသလဲ။
Video