AD
AD
AD

အမျှင်ဓာတ်က ခန္ဓာကိုယ်အတွက် အရေးကြီးတဲ့ ဓာတ်တစ်မျိုးပါ။ အမျှင်ဓာတ်ကြွယ်ဝရင် နှလုံးရောဂါ၊ ဆီးချိုရောဂါနဲ့ တချို့ကင်ဆာရောဂါတွေကို ဖြစ်မလာအောင် ကာကွယ်ပေးနိုင်သလို အစာမကြေခြင်းနှင့် အဝလွန်ခြင်း ဖြစ်မလာအောင်လည်း တားဆီးပေးနိုင်ပါတယ်။ ဒါကြောင့် အမျှင်ဓာတ် လုံလောက်စွာ ရရှိစေနိုင်ဖို့ အမျှင်ဓာတ်ကြွယ်ဝတဲ့ သစ်သီးဝလံတွေကို ဖော်ပြပေးလိုက် ပါတယ်နော်။

၁။ ထောပတ်သီး

play
 

ထောပတ်သီး (၁၀၀) ဂရမ်မှာ အမျှင်ဓာတ် (၇) ဂရမ်ပါဝင်ပြီး အမျှင်ဓာတ် အကြွယ်ဝဆုံး သီးနှံတစ်မျိုးအဖြစ် တင်စားခြင်းခံထား ရပါတယ်။ တကယ်လို့ တစ်နေ့ကို ထောပတ်သီး (၁၀၀) ဂရမ် စားပေးမယ်ဆိုရင် နေ့စဉ်လိုအပ်တဲ့ အမျှင်ဓာတ် သုံးပုံတစ်ပုံကို ရရှိမှာပါ။ ထောပတ်သီးတွေကို အမျှင်ဓာတ်၊ ပိုတက်စီယမ်နဲ့ အဆီဓာတ် ကြွယ်ဝစေဖို့အတွက် မည်သည့်အစားအစာမှာမဆို ထည့်သွင်းပေးနိုင်ပါတယ်။

၂။ ဆီးသီးခြောက်

play
 

ဆီးသီးခြောက် (၁၀၀) ဂရမ်မှာလည်း အမျှင်ဓာတ် (၇) ဂရမ် ပါဝင်ပါတယ်။ ဆီးသီးခြောက်တွေဟာ အစာမကြေ၊ ရင်ပြည့်ရင်ကယ်ဖြစ်ခြင်းကို ထိန်းချုပ်ပေးနိုင်ပြီး ခွန်အားကိုလည်း တိုးစေနိုင်ပါတယ်။ ဆီးသီးခြောက်ကို ပုံမှန်စားပေးမယ်ဆိုရင် ခန္ဓာကိုယ်အတွက် လိုအပ်တဲ့ အမျှင်ဓာတ်ကို ရရှိစေနိုင်မှာပါ။

 

၃။ ရက်စ်ဘယ်ရီသီး

play
 

ရက်စ်ဘယ်ရီသီးကတော့ ဘယ်ရီသီးတွေထဲမှာ အမျှင်ဓာတ်အကြွယ်ဝဆုံး အသီးဖြစ်ပြီး (၁၀၀) ဂရမ်မှာ အမျှင်ဓာတ် (၆) ဂရမ် ပါဝင်ပါတယ်။ ဒါကြောင့် ရက်စ်ဘယ်ရီသီး တစ်နေ့ (၁၀၀) ဂရမ် စားရင် နေ့စဉ်လိုအပ်တဲ့ အမျှင်ဓာတ် လေးပုံတစ်ပုံကို ရရှိစေနိုင်တယ်လို့ ဆိုနိုင်ပါတယ်။ လူတွေက ရက်စ်ဘယ်ရီသီးမှာ ပါဝင်တဲ့ အမျှင်ဓာတ်ကြွယ်ဝမှုအကြောင်းကို သိပ်မပြောကြဘူးဆိုတာ သူ့မှာ antioxidant ကြွယ်ဝစွာပါဝင်လို့ အမျှင်ဓာတ်ကို သတိမပြုမိကြတာပါ။ ဒီတော့ ရက်စ်ဘယ်ရီသီးကို စားပေးမယ်ဆိုရင် အမျှင်ဓာတ်ကော၊ antioxidant ကော ပြည့်ဝစေမှာပါ။

၎။ မာလကာသီး

play
 

မာလကာသီးကတော့ ပုံမှန်စားဖြစ်မယ့် အသီးမျိုးထဲမှာ ပါမယ်မထင်ပါဘူး။ ဒါပေမယ့် သူ့မှာလည်း အမျှင်ဓာတ်ကြွယ်ဝစွာ ပါဝင်ပါတယ်။ မာလကာသီး (၁၀၀) ဂရမ်မှာ အမျှင်ဓာတ် (၅) ဂရမ် ပါဝင်ပါတယ်။ ဒါဟာ နေ့စဉ်အမျှင်ဓာတ် လိုအပ်ချက်ရဲ့ ငါးပုံတစ်ပုံခန့် ရှိပါတယ်။ ထမင်းစားပြီးချိန် မာလကာသီး အေးအေးလေး တစ်ထုပ်လောက် အချိုတည်းလိုက်ရုံနဲ့ နေ့စဉ်လိုအပ်တဲ့ အမျှင်ဓာတ်ကို တစ်ဖက်တစ်လမ်းက ဖြည့်ဆည်းပေးနိုင်မှာပါနော်။

၅။ ဘလက်ဘယ်ရီသီး

play
 

ဘယ်ရီသီးမျိုးနွယ်ဝင် နောက်တစ်မျိုးဖြစ်တဲ့ ဘလက်ဘယ်ရီသီးကတော့ (၁၀၀) ဂရမ်မှာ အမျှင်ဓာတ် (၅) ဂရမ် ပါဝင်ပါတယ်။ စတော်ဘယ်ရီ၊ ရက်စ်ဘယ်ရီ၊ ဘလူးဘယ်ရီသီးတို့လောက် လူသိမများပေမယ့် ဘလက်ခ်ဘယ်ရီသီးမှာလည်း ကျန်းမာရေး အကျိုးကျေးဇူးတွေ အများကြီးပါ။ အထူးသဖြင့် antioxidant နဲ့ အမျှင်ဓာတ် ပမာဏများစွာ ပါဝင်ပါတယ်။ သူ့ရဲ့ တမူထူးကဲတဲ့ အရသာကိုလည်း နှစ်သက်ကြမှာ အသေအချာပါပဲ။

Source: Bembu

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD