AD
AD
AD

သံပရိုသီးကို ချက်ပြုတ်၊ အသုပ်သုပ်တဲ့ နေရာမှာ ထည့်သုံးတာက သံပရာသီးထက် ပိုသဘောကျမိတယ်။ သံပုရာသီးကို ဟင်းထဲထည့်ချက်ရင် အခန့်မသင့်ရင် ခါးသွားတတ်တယ်လေ။ သံပရိုသီးက မခါးဘူး။ လိုတဲ့အချိန် သုံးလို့ရအောင် သံပရိုသီးတွေကို ဆားရည်စိမ်ထားရင်လည်း ရတာပဲ။

play

 

ဒီတိုင်းထားရင် ကြာကြာမခံဘူး ပုပ်ကုန်မယ့်အတူတူတော့ ဆားရည်စိမ်ပြီး သိမ်းထားရင် အကြာကြီးခံပါတယ်။ သံပရိုသီး ဆားရည်စိမ်ချင်ရင်တော့ မပုပ်တဲ့အလုံးကိုပဲ ရွေးပြီးစိမ်ရမှာပါ။ ပုပ်စပြုနေတဲ့အလုံးကို စိမ်လိုက်ရင် တခြားအလုံးတွေပါ ပုပ်သွားနိုင်တာကိုလည်း သတိထားဦးနော်။

 

သံပရိုသီးတွေကို ပထမဆုံး ရေနွေးနဲ့ဆေးပါ။ စိမ်ပြီး မဆေးရပါဘူး။ လောင်းချပြီးဆေးရပါမယ်။ ပြီးသွားရင် သံပရိုသီးတစ်လုံးကို ဒေါင်လိုက် လေးစိတ် စိတ်ရပါမယ်။ အရင်းကို လှီးထုတ်ပြီးမှ လေးစိတ် စိတ်ပါ။ အစိတ်တွေကွဲသွားတဲ့ထိတော့ မစိတ်ရဘူး။ ပုံထဲကလောက်ပဲစိတ်ရမယ်။

play

 

သံပရိုသီးတစ်လုံးကို ဆား ထမင်းစားဇွန်းတစ်ဇွန်းခန့် သိပ်ပေးရပါမယ်။ စိတ်ထားတဲ့ အရာတွေကို လက်လေးနဲ့ဖြဲပြီး ဆားသိပ်ပါ။ ဆားသိပ်ထားတဲ့ သံပရိုသီးတွေကို ပုလင်းထဲမှာ ကျပ်နေအောင် ဖိသိပ်ပြီးရင် သံပရိုသီးတွေဖုံးတဲ့အထိ သံပရိုရည် လောင်းချပြီးရင်တော့ အဖုံးကို လေလုံအောင်ပိတ်ထားလိုက်ရုံပါပဲ။

play

 

ပလတ်စတစ်ဘူး၊ အဖုံးတွေကို သုံးတာထက် အပူဒဏ်ခံမယ့် ပုလင်းနဲ့ သံအဖုံးတို့ကို သုံးတာက အကောင်းဆုံးဖြစ်ပါလိမ့်မယ်။ ဘူးကို အခန်းအပူချိန်မှာပဲ သိမ်းထားပါ။ နေရာင်နဲ့မထိအောင် ၁၀ ရက်မှ ၁၂ ရက်အထိ ထားပြီးရင်တော့ ရေခဲသေတ္တာထဲမှာ သိမ်းထားလို့ ရပါပြီ။ လအတော်ကြာ အသုံးပြုနိုင်မှာ ဖြစ်ပါတယ်။ သံပရာရည်/သံပရိုရည် သုံးဖို့ လိုလာတိုင်း ပုလင်းထဲကအရည်လေးကို ယူသုံးရုံပေါ့။

Source : Healthy Foodie

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD