ချာပါတီလုပ်နည်းပေါင်းစုံ ရှိပေမယ့် ဒီနေ့မှာတော့ ချာပါတီကို အာလူးဟင်းနဲ့ တို့စားနိုင်မယ့် ချာပါတီ version လေးကိုပဲ ဖော်ပြပေးလိုက်ပါတယ်နော်။

ရှေးတုန်းက အာရပ်လူမျိုးတွေဟာ ကန္တာရထဲသွားရင် ဂျုံတစ်အိတ်နဲ့ ရေတစ်ဘူးပဲ ပါပါသတဲ့။ ဂျုံရှိရင် ဂျုံမှုန့်ကို ရေနဲ့နယ်ပြီး မုန့်လုံးလေးဖြစ်အောင်လုပ်၊ ပြီးရင် ကျောက်တုံးပူပူပေါ်မှာ ခနလောက်ကပ်ထားလိုက်တာနဲ့ မိနစ်အနည်းငယ်ကြာရင် ချာပါတီ (ရိုတီ) မုန့်လေးကို ရရှိပါသတဲ့။ ကဲ ဘယ်လိုလဲ။ ချာပါတီလုပ်ရတာ လွယ်လွယ်လေးပဲ မဟုတ်လား။ ချာပါတီလုပ်နည်းပေါင်းစုံ ရှိပေမယ့် ဒီနေ့မှာတော့ ချာပါတီကို အာလူးဟင်းနဲ့ တို့စားနိုင်မယ့် ချာပါတီ version လေးကိုပဲ ဖော်ပြပေးလိုက်ပါတယ်နော်။

ပါဝင်ပစ္စည်းများ

footer0403.jpg 

ပါဝင်ပစ္စည်းတွေကတော့ အရွယ်တော်အာလူး ငါးလုံး (တုံးတစ်ပြီး နနွင်းမှုန့်နဲ့ ပြုတ်ထားပြီး)၊ ကြက်သွန်နီ အရွယ်တော် (၂) လုံး၊ ခရမ်းချဉ်သီး အရွယ်တော် (၃) လုံး၊ ငရုပ်သီးစိမ်း (၃) တောင့်၊ ဟင်းမွှေးရွက် (၅) ရွက်၊ နံနံပင် (နုတ်နုတ်စင်းပြီးသား) လက်ဖက်ရည်ဇွန်း (၁) ဇွန်း၊ မုန်ညင်းစေ့ လက်ဖက်ရည်ဇွန်း (၁) ဇွန်း၊ စမုန်စပါး လက်ဖက်ရည်ဇွန်း (၁) ဇွန်း၊ ရှိန်းခိုမှုန့် လက်တစ်ကော်စာခန့်၊ ဂျင်းတစ်တောင့်ခန့်၊ ဆီ လက်ဖက်ရည်ဇွန်း (၄) ဇွန်း၊ whole wheat flour (ဂျုံမှုန့်) (၁/၂) ခွက်၊ ဆားအနည်းငယ်တို့ပဲဖြစ်ပါတယ်။

ပြုလုပ်နည်း

DSC_0046.JPG 

အရင်ဆုံး ဒယ်အိုးပြားတစ်လုံးထဲမှာ ဆီကို လက်ဖက်ရည်ဇွန်းနဲ့ (၄) ဇွန်းခန့်ထည့်ပြီး အပူပေးလိုက်ပါ။ ဆီပူလောက်ပြီဆိုရင် မုန်ညင်းစေ့ကို အရင်ထည့်လှော်ရမှာပါ။ မုန်ညင်းစေ့လေးတွေ အရောင်သမ်းလာပြီး ကြက်သွန်နီ၊ ငရုပ်သီးစိမ်း၊ ဟင်းမွှေးရွက်တို့ပါ ရောထည့်လိုက်ပါ။ ကြက်သွန်နီလေးတွေ ရွှေအိုရောင်သမ်းလာပြီဆိုရင်တော့ မီးကိုလျှော့လိုက်ပါ။

ခဏကြာရင်တော့ ခရမ်းချဉ်သီးကို ပါးပါးလှီးထည့်လိုက်ပြီး ခရမ်းချဉ်သီး ဆီသတ်လိုက်ပါ။ အဲဒီအချိန်မှာ နနွင်းမှုန့်နဲ့ရောပြုတ်ထားတဲ့ အာလူးကို ဇွန်းရှည်တစ်ချောင်းနဲ့ mash potato ဖြစ်အောင် ချေလိုက်ပါ။ ပြီးရင်တော့ ခရမ်းချဉ်သီး ဆီသတ်ထဲကို အာလူးရယ်၊ ဆားရယ်၊ ရေရယ်ကို ထည့်လိုက်ပါ။ ပြီးရင် (၃) မိနစ်ခန့် အပူဆက်ပေးထားလိုက်ပါ။

ဂျင်းတက်ကို အမှုန့်ကြိတ်ထားတာရယ်၊ နံနံပင်ကို နုတ်နုတ်စင်းထားတာရယ်၊ ရှိန်းခိုမှုန့်ရယ်ကိုပါ အပေါ်ကအုပ်ပေးလိုက်ပါ။ ဆူပွက်လာပြီဆိုရင်တော့ မီးပိတ်လိုက်ပါ။ နောက်ထပ်ဒယ်အိုးပြား အသေးတစ်လုံးထဲမှာတော့ စမုန်စပါးစေ့ကို ဆီအနည်းနဲ့ ဆီပူထိုးပေးလိုက်ပါ။ အဲဒီစမုန်စပါးကိုလည်း အာလူးဟင်းထဲ ရောထည့်ပေးလိုက်ပါ။ ပြီးရင်တော့ မိမိနှစ်သက်ရာ ခွက်တစ်ခွက်ထဲကို လှယ်ထည့်ထားပေးလိုက်ပါ။

 

ချာပါတီ (ရိုတီ)ကို ပြုလုပ်ဖို့အတွက် အရင်ဆုံး ဂျုံမှုန့် (၁/၂) ခွက်ကို ဇလုံတစ်လုံထဲထည့်လိုက်ပါ။ (ဖော်ပြပါပမာဏဟာ ချာပါတီလေးချပ်စာအတွက်ဖြစ်ပြီး ချပ်ရေများများ ပိုလိုချင်ရင်တော့ ဂျုံမှုန့် ပမာဏကို တိုးထည့်နိုင်ပါတယ်။) ပြီးရင် ဂျုံမှုန့်ပေါ်မှာ ဆားနည်းနည်းဖြူးလိုက်ပါ။ ပြီးတော့မှ ကြက်သီးနွေးရုံလောက် ရေနွေး (၁/၂) ခွက်ကိုလည်း ဂျုံမှုန့်ထဲ ရောထည့်လိုက်ပါ။ ပြီးရင်တော့ လက်နဲ့သမအောင်နယ်ပြီး မုန့်နှစ်လုံးကို ဖန်တီးရမှာဖြစ်ပါတယ်။ (၂) မိနစ်လောက်နယ်ရင် မုန့်နှစ်က ရုပ်လုံးပေါ်လာလောက်ပါပြီ။ နယ်ရတာ ပိုမိုလွယ်ကူစေဖို့အတွက် ဆီလေးနည်းနည်းပါရောပြီး နယ်ပေးလိုက်ပါ။

မိနစ်အနည်းငယ်ကြာရင် မုန့်နှစ်လုံးလေးက ပျော့ပျော့အိအိ ဂျုံလုံးလေး ဖြစ်နေသင့်ပါပြီ။ ဂျုံနယ်ချိန်က (၁၀) မိနစ်ဝန်းကျင်လောက်တော့ ကြာသင့်ပါတယ်။ ပြီးရင်တော့ ချာပါတီ (ရိုတီ) ကို စလုပ်နိုင်ပါပြီ။

ချာပါတီလုပ်ဖို့အတွက် ဒယ်အိုးပြား (skillet) တစ်ချပ်လိုပါတယ်။ ဂျုံနယ်နေချိန်မှာ ဒယ်အိုးပြားကို မီးဖိုပေါ်တင်ပြီး အပူပေးထားရမှာဖြစ်ပါတယ်။ ဂျုံနယ်လို့ပြီးပြီဆိုရင်တော့ ဒယ်အိုးပြားပူမပူ စမ်းဖို့အတွက် ရေစက်လေးနည်းနည်းလောက် တောက်ချကြည့်လိုက်ပါ။ ရှဲခနဲမြည်သွားတယ်ဆိုရင်တော့ လုံလောက်တဲ့အပူချိန်ကို ရပါပြီ။ ရေစက်လေးတွေကို ပြန်သုတ်ပေးပြီး ချာပါတီ စလုပ်နိုင်ပါပြီ။

 

ခုနက မုန့်နှစ်လုံးကို လေးလုံးအညီအမျှခွဲလိုက်ပြီး လက်ဝါးထဲထည့်ပြီး လုံုးပေးလိုက်ပါ။ ရလာတဲ့ မုန့်နှစ်လုံးငယ်ထဲကမှ တစ်လုံးကိုယူပြီး အသားလှီးဘုတ်ပြားပေါ်မှာ တင်ထားလိုက်ပါ။ ပြီးရင် မုန့်နှစ်လုံးလေးကို ဂျုံမှုန့်နည်းနည်းသုတ်ပြီး သစ်သားဒလိမ့်တုံး (roller) နဲ့ လှိမ့်ပေးလိုက်ပါ။ ဒါဆိုရင် မုန့်နှစ်အပြားလေးကို ရလာပါလိမ့်မယ်။ ရလာတဲ့ မုန့်နှစ်ပြားကို ဂျုံနည်းနည်းပြန်သုတ်ပြီး နောက်တစ်ခါ ထပ်လှိမ့်ပါ။ ဒါဆိုရင် (၅) လက်မအရွယ်အစားခန့်ရှိတဲ့ မုန့်ချပ်လေးကို ရလာပါလိမ့်မယ်။

ရလာတဲ့ မုန့်ချပ်လေးကို ဒယ်အိုးပြားပေါ်တင်ပြီး အပေါ်ကနေ သံယောက်မနဲ့ ဖိဖိပေးပါ။ မိနစ်ပိုင်းအနည်းငယ်ကြာရင် ထက်အောက်လှန်ပြီး ပြန်ဖိပေးပါ။ သိပ်မကြာပါဘူး။ ချာပါတီ (ရိုတီ) လေးက ပွတက်လာပါလိမ့်မယ်။ လုံလောက်တဲ့ ပမာဏကိုရပြီဆိုရင် ချာပါတီ (ရိုတီ) မုန့်လေးကို သံယောက်မနဲ့ဆယ်ပြီး ပန်းကန်တစ်ချပ်ထဲ လှယ်ထည့်ထားလိုက်ပါ။ ပြီးရင် နောက်သုံးချပ်ကိုလည်း အထက်ပါပုံစံအတိုင်းပဲ ပြုလုပ်ပေးလိုက်ပါ။ ဒါဆိုရင် ချာပါတီ (ရိုတီ) မုန့်ချပ်လေးတွေကို ရရှိပြီဖြစ်ပြီး ခုနက အာလူးဟင်းနဲ့ တွဲဖက်စားသုံးနိုင်ပါပြီ။

Source: Manjula's Kitchen

Share

Loading Next Article...
က္က