အိန္ဒိယနိုင်ငံကတော့ သူတို့ရဲ့ အစားအသောက် စားသုံးမှုပုံစံနဲ့လည်း ကမ္ဘာပေါ်မှာ ထင်ရှားပါတယ်။ ပဲကို အဓိကထား စားသုံးပြီးတော့ အရောင်အဆင်းကအစ တခြားနိုင်ငံတွေရဲ့ ရိုးရာအစားအသောက်နဲ့သိသိသာသာကြီးကို ကွဲပြားခြားနားနေခဲ့တာမို့ စိတ်ဝင်စားမှုလည်း ခံခဲ့ရတာဖြစ်ပါတယ်။ အာလူးပူရီ၊ တိုရှည်၊ ပလာတာ၊ စမူဆာ အစရှိတဲ့ စားသောက်ဖွယ်ရာတွေဆိုရင် ကျွန်တော်တို့နိုင်ငံမှာလည်း နှစ်ခြိုက်စွာ စားသုံးနေကြပြီးတော့ တခြားစားသောက်စရာတွေလည်း အများကြီးစားသုံးနေကြတာ ဖြစ်ပါတယ်။ အစားအသောက်တွေ ကွဲပြားနေသလို စားသောက်မှုပုံစံလည်း ကွဲပြားနေတာကို တွေ့ရှိရမှာပါ။ အထူးသဖြင့် အိန္ဒိယနိုင်ငံတောင်ပိုင်းမှာဆိုရင် စားသောက်မှုပုံစံတစ်မျိုးက ထူးထူးခြားခြားကို ပေါ်လွင်နေခဲ့တာပါ။ စားသောက်ဖွယ်ရာတွေကို ငှက်ပျောရွက်ပေါ် တည်ခင်းပြီးတော့ စားသုံးတဲ့ ပုံစံတစ်မျိုးပါ။ ဒီလို စားသောက်တဲ့ ပုံစံဟာ သူတို့အတွက် အကျိုးကျေးဇူးအများကြီး ရရှိစေတယ်လို့လည်း ဆိုပါတယ်။ အဲဒီ အကျိုးကျေးဇူးတွေက ဘာလဲဆိုတာကို လေ့လာကြည့်ရအောင်လားဗျာ။

၁။ Anti-Oxidant ကြွယ်ဝစွာ ပါဝင်ခြင်း

play
 

ငှက်ပျောရွက်မှာဆိုရင်တော့ polyphenol လို့ခေါ်တဲ့ Anti-Oxidant ဓာတ် ကြွယ်ဝစွာ ပါဝင်နေပါတယ်။ အစိမ်းရောင်ရှိတဲ့ အရွက်တော်တော်များများမှာ ဒီဓာတ်ပေါင်းပါဝင်မှုရှိပြီးတော့ ရောဂါများစွာကို ကာကွယ်ပေးနိုင်တဲ့ အစွမ်းရှိပါတယ်။ ဒါကြောင့်မို့လို့ ငှက်ပျောရွက်ပေါ်မှာ အစားအသောက်တွေကို တည်ခင်းပြီး စားသုံးခြင်းက ဘတ်တီးရီးယားတွေကို သေဆုံးစေနိုင်တယ်လို့ ယုံကြည်ပြီး ဒီလိုစားသုံးခြင်းဟာ အစားအသောက်တွေထဲမှာ ပါဝင်နေတဲ့ ဘတ်တီးရီးယားတွေကို ကာကွယ်ပေးနိုင်တယ်လို့ သူတို့က ဆိုကြပါတယ်။

၂။ စီးပွားရေးအရ တွက်ချေကိုက်ခြင်း

play
 

ဈေးကြီးတဲ့ စားပွဲတွေ၊ စားပွဲခင်းတွေကို အသုံးပြုမယ့်အစား ငှက်ပျောရွက်ပေါ်တင်ပဲ ခင်းကျင်းတာက ပိုပြီးတော့ တွက်ချေကိုက်တယ်လို့ ဆိုပါတယ်။ နေ့စဉ်နဲ့အမျှ လိုအပ်နေမယ့် ငှက်ပျောရွက်ကို ငှက်ပျောပင်တွေကနေ အလွယ်တကူ ဖြတ်ခုတ်ပြီးတော့ ပြုလုပ်ရတာက လွယ်ကူမှုရှိသလို ၀င်ငွေကို ခြိုးခြံချွေတာရာ ရောက်တယ်လို့လည်း သူတို့က ယူဆကြပါတယ်။ ဒါ့အပြင် စားသောက်ပြီးတဲ့အခါမှာလည်း ရေနဲ့ဆေးကြောစရာမလိုပဲ ဒီတိုင်း လွှင့်ပစ်လိုက်ရုံပဲ ရှိတာကြောင့် ရေဖြုန်းတီးမှုလည်း နည်းပါးတယ်လို့ ဆိုပါတယ်။

၃။ သဘာဝပတ်ဝန်းကျင်ကို ကာကွယ်ပေးခြင်း

play
 

ပလတ်စတစ်အန္တရာယ်ကြီးမားလာခြင်းကို တစ်ဖက်တစ်လမ်းမှ အကာအကွယ်ပေးနိုင်ပါသေးတယ်။ နှစ်ပေါင်းများစွာ ဆွေးမြည့်ပျက်စီးမှုမရှိတဲ့ ပလတ်စတစ်က သဘာဝပတ်ဝန်းကျင်ကို အကြီးအကျယ်ထိခိုက်စေပြီးတော့ ငှက်ပျောရွက်မှာတော့ ဒီလိုမျိုး မရှိကြောင်း သူတို့က ရှင်းပြပါတယ်။ ဒါ့အပြင် ဓာတုပစ္စည်းတွေပါဝင်တဲ့ ဆပ်ပြာနဲ့ ဆပ်ပြာမှုန့်တွေကို အသုံးပြုစရာ မလိုတာကြောင့်လည်း ဒါတွေကြောင့် ဖြစ်ပွားလာနိုင်တဲ့ ရောဂါတွေကိုလည်း တားဆီးပြီးဖြစ်ကြောင်း သူတို့ကတော့ ယူဆကြတာပါ။ ရေနဲ့ဆေးကြောသန့်စင်စရာ မလိုတော့တဲ့အတွက်ကြောင့် မြေကြီးပေါ်မှာ ညစ်ပတ်နေတဲ့ ရေစီးကြောင်းကို မတွေ့ရတာ စိတ်ချမ်းမြေ့စရာပါလို့လဲ အိန္ဒိယတောင်ပိုင်းသားတွေက ပြောခဲ့ပါတယ်။

၎။ သန့်ရှင်းခြင်း၊ ရောဂါပိုးမွှားများကို ကာကွယ်ပေးခြင်း

play
 

အခြားအသုံးအဆောင်ပစ္စည်းတွေနဲ့ စားသောက်တာထက်စာရင် ငှက်ပျောရွက်နဲ့ စားသောက်တာက ပိုပြီးတော့ သန့်ရှင်းစင်ကြယ်မှု ရှိပါတယ်။ ပုံမှန် အသုံးအဆောင်တွေကို သုံးစွဲရခြင်းက ဆပ်ပြာနဲ့ပြန်လည် ဆေးကြောရပြီးတော့ ရေနဲ့ဆေးကြောမှု အားနည်းခဲ့ရင် ဆပ်ပြာမှာပါဝင်တဲ့ ဓာတ်တွေကျန်ရစ်ပြီး ဒုက္ခပေးနိုင်တာမို့ ငှက်ပျောရွက်ကို အသုံးပြုကြတာဖြစ်ပါတယ်။ ငှက်ပျောရွက်ရဲ့ အပေါ်ယံမှာ ဖယောင်းကဲ့သို့သော အရာတစ်မျိုး ပါဝင်ပြီးတော့ အဲဒီအရာက ညစ်ပတ်ခြင်း နဲ့ ဖုန်မှုန့်တွေကို အလွယ်တကူ ဖယ်ရှားပေးနိုင်ဖို့ အထောက်အကူပြုပါတယ်။

Source: Food.ndtv

ဤအကြောင်းအရာကို သင်ဘယ်လိုထင်ပါသလဲ။
Video