ပါဝင်ပစ္စည်းများ

ကန်စွန်းဥအကြီး တစ်လုံး၊ မုန်လာဥနီ ခြစ်ပြီးသား (၂) ခွက်ခန့်၊ ပန်းဂေါ်ဖီ (၂) ခွက်ခန့်၊ အစေ့နဲ့ အူတိုင်ထုတ်ပြီး ပါးပါးလှီးထားတဲ့ ငရုပ်ပွသီး (၁) လုံး၊ နံနံပင်အနည်းငယ်၊ စပျစ်စေ့ဆီ (၂) ဇွန်းခန့်၊ ပဲငံပြာရည် (၁/၄) ခွက်ခန့်၊ အယ်လ်မွန်ထောပတ် (၂) ဇွန်းခန့်၊ မေပယ်လ်သကာရည် (၁) ဇွန်းခန့်၊ သံပရာသီး (၁) ခြမ်းခန့်၊ ကြက်သွန်ဖြူ (၂) တောင့်၊ ဂျင်းတောင့် (၁) လက်မခန့်၊ ငရုပ်သီးမှုန့် (၁) ဇွန်း၊ ဆားအနည်းငယ်နဲ့ ဟင်းသီးဟင်းရွက်ဆီ (၁/၄) ခွက်ခန့် လိုအပ်ပါတယ်။

ပြုလုပ်နည်း

အရင်ဆုံး ကန်စွန်းဥနဲ့ မုန်လာဥနီကို spiralizer လို့ခေါ်တဲ့ မီးဖိုချောင်သုံး ပစ္စည်းတစ်မျိုးကိုသုံးပြီး အမျှင်လေးတွေဖြစ်အောင် ခြစ်ယူပါ။ ဒီနေရာမှာ spiralizer မရှိရင်လည်း ပုံမှန်မုန်လာဥ ခြစ်တဲ့ဓားနဲ့ပဲ ခေါက်ဆွဲဖတ်လို အမျှင်လေးတွေရအောင် ဖန်တီးနိုင်ပါတယ်။ ပြီးရင်တော့ ရလာတဲ့အမျှင်လေးတွေကို ဖယ်ထားပြီး ဖက်ထိုင်းဆော့စ်လုပ်ဖို့အတွက် ပြင်ဆင်ရပါမယ်။

မီးဖိုပေါ်မှာ medium အပူချိန်လောက်နဲ့ ဒယ်အိုးပြားအကြီးတစ်လုံးကို အပူပေးထားလိုက်ပါ။ ပြီးရင် ဒယ်အိုးပြားထဲကို စပျစ်စေ့ဆီ လက်ဖက်ရည်ဇွန်းနဲ့ (၂) ဇွန်းခန့် ထည့်ပေးလိုက်ပါ။ ဒယ်အိုးပူလာပြီ ဆိုတာနဲ့ ပန်းဂေါ်ဖီဖတ်တွေနဲ့ မုန်လာဥနီ အမျှင်လေးတွေကို ဒယ်အိုးထဲမှာ (၅) မိနစ်ခန့် ဆီပူထိုးပေးလိုက်ပါ။ ပြီးရင် ဒယ်အိုးထဲကို ငရုပ်ပွသီးအမျှင်လေးတွေကို ထည့်ပေးလိုက်ပြီး (၂) မိနစ်၊ (၃) မိနစ်ခန့် ဆီပူထိုးပေးလိုက်ပါ။ ပြီးရင် ဒယ်အိုးထဲက ဆယ်ထုတ်ပြီး ဇလုံအကြီးတစ်လုံးထဲကို ပြောင်းထည့်ပေးလိုက်ပါ။

ခုနက ဒယ်အိုးပြားထဲမှာပဲ ခေါက်ဆွဲပုံစံ အမျှင်လေးတွေရအောင် ခြစ်ထားတဲ့ ကန်စွန်းဥခေါက်ဆွဲဖတ်လေးတွေကို ထည့်ပေးလိုက်ပါ။ စပျစ်စေ့ဆီနည်းနည်းပါ ထည့်ပေးပြီး (၈) မိနစ်ခန့် ကြော်ပေးလိုက်မယ်ဆိုရင် ကန်စွန်းဥဖတ်လေးတွေ အရောင်ပြောင်းသွားတာကို တွေ့မြင်ရမှာပါ။

Source: Sidechef