အနီရောင်ငရုပ်သီးဆိုရင် ဘယ်အရသာ၊ အစိမ်းရောင်ငရုပ်သီးဆိုရင် ဘယ်အရသာ၊ လိမ္မော်ရောင်ငရုုပ်သီးဆိုရင် ဘယ်အရသာအစရှိသဖြင့် အမျိုးအစားခွဲခြားနိုင်ပါတယ်။ ဒါပေမယ့် ကြက်ဥတွေမှာကော အရောင်ကိုကြည့်ပြီး အမျိုးအစားခွဲခြားနိုင်ပါသလား။ အမျိုးအစားခွဲခြားဖို့ကော လိုပါသလား။

ကြက်ဥအမျိုးအစား ဘယ်နှမျိုးရှိ

စူပါမားကက်တစ်ခုမှာပဲဖြစ်ဖြစ်၊ ဈေးတန်းတစ်ခုမှာပဲဖြစ်ဖြစ် အဓိကတွေ့ရမယ့် ကြက်ဥအရောင် (၂) မျိုးကတော့ အဖြူရောင်နဲ့ အညိုရောင်ပါပဲ။ ဒါပေမယ့် ကြက်ဥ အဖြူရောင်နဲ့ အညိုရောင်ဆိုပြီး ကွဲပြားနေရခြင်းရဲ့ နောက်ကွယ်ကရည်ရွယ်ချက်က ဘာလဲ။ ဘာကြောင့် အဲဒီလိုမျိုးအရောင်တွေကွဲပြားနေရတာလဲ။ အထဲမှာပါတဲ့ကြက်ဥအရသာကတော့ တူတူပါပဲ။ နောက်ပြီး ကြက်ဥမွှေကြော်လုပ်မယ် ဆိုရင်လည်း တူညီတဲ့အရသာပဲထွက်လာမှာပါပဲ။ ဒါဆိုရင် ဘာလို့ အခွံအရောင်တွေ ကွဲပြားနေရတာလဲ။

မျိုးရိုးဗီဇကြောင့်

အမွှေးအတောင်အဖြူရောင်၊ နားသန်သီးအဖြူရောင်နဲ့ ကြက်မတွေဟာ အဖြူရောင်ကြက်ဥတွေကိုဥပြီး အမွှေးအတောင် အနီရောင်/အညိုရောင်၊ အနီရောင်နားသန်သီးနဲ့ ကြက်မတွေကတော့ အညိုရောင်ကြက်ဥတွေကို ဥပါသတဲ့။ Ameraucana မျိုးစိတ်လို့ခေါ်တဲ့ အီစတာကြက်ဥ ဥတဲ့ကြက်မတွေကတော့ အပြာရောင် အခွံနဲ့ ကြက်ဥတွေကို ဥပါတယ်တဲ့။

ဒါဆိုရင်တော့ရှင်းသွားပါပြီ။ ကြက်ဥနဲ့ ကြက်မ ဘယ်ကစ ဆိုတဲ့စကားအတိုင်းပဲ။ ကြက်ဥရဲ့အရောင်ကွဲပြားမှုနဲ့ ကြက်ဥကိုဥတဲ့ ကြက်မရဲ့မျိုးရိုးဗီဇတွေဟာ ဆက်နွယ်နေပါတယ်။ မျိုးရိုးဗီဇကွာခြားလို့ အရသာလည်း ကွာခြားမှာတော့မဟုတ်ပါဘူး။  ဒါပေမယ့် အဓိကကွာခြားမှုက အရောင်တစ်ခုုတည်းဆိုရင် ဘာလို့ စူပါမားကက်တွေမှာ အဖြူရောင်ကြက်ဥတွေက အညိုရောင်ကြက်ဥ တွေထက် ပိုများနေရတာလဲ။

အဖြေကတော့ ကုန်ကျစရိတ်ကြောင့်ပါပဲတဲ့။ အညိုရောင်ကြက်ဥ ဥတဲ့ ကြက်မတွေက အကောင်လည်းပိုကြီးပြီး မွေးမြူစရိတ်လည်း ပိုမိုကုန်ကျပါတယ်တဲ့။ ဒါကြောင့် ကုန်ကျစရိတ်အားဖြင့် ပိုသက်သာပြီး ပိုကိုက်တဲ့ အဖြူရောင်ကြက်ဥတွေ ရောင်းအားကောင်းနေရတာပါ။

Source: Reader's Digest